"Mozal Legea aplikatu digute eta gure borroka nahiak piztea besterik ez dute lortu"
Aiuri Antiespezistako militanteek, Eleak-Librerekin batera, prentsaurrekoa eskaini dute Ermuko plazan ostiral arratsaldean, erresistentzia pasiboa erabiltzeagatik Mozal Legea aplikatu dietela salatzeko. San Tomas egunean Donostian Ursula txerriaren erakusketa galarazten saiatuz, Askekintzak antolatutako ekintzan parte hartu zuten Aiuriko hiru kidek zigorra jaso dute.
"Aske izan nahi duen norbanako sentikor bat hamabi orduz, objektu gisa plaza batean erakustea salatu genuen. Beste espezietako norbanakoak errespetatu egin behar dira, ez dira objektuak. Ekintzaren ondorioz, hamabi pertsona zigortu dituzte Mozal legearekin, guztira 7.200 euroko isuna ezarriz", adierazi dute.
Auri Antiespezistako militanteek azaldu dute ekintzan parte hartu zutela, eta ondorioz 1.800 eurorekin zigortuak izan direla.
"Argi dago Eusko Jaurlaritzak eta Donostiako Udalak ez dutela Mozal Legea albo batera uzteko interesik, eta honekin herri mugimenduak zapaltzen jarraitu nahi dutela. Isun hauekin ekonomikoki mindu nahi izan gaituzte, baina horrekin gure borroka nahiak piztea besterik ez dute lortu", adierazi dute. "Gure herrietan borroka anitzak jorratzen dira, batzuetan helburu ezberdinak dituztenak. Baina argi dugu datorren lekutik datorrela, duen kolorea duela, errepresioaren aurrean batera aurkituko gaituztela".
Eleak-Libretik elkartasuna adierazi diete ekintzaile antiespezistei. Gogorarazi nahi izan dute bai Eusko Legebiltzarrak, baita Donostiako Udalak ere, Mozal Legearen aurkako iritzia plazaratu zutela. "Hala ere, euskal jendarteak arbuiatzen duen lege hau aplikatzen jarraitzen dute euskal instituzioek".
"Mugimendu sozialok askotan eskatu dugu lege hau indargabetzeko, herritarron eskubide zibil eta politikoak urratzen dituelako". 2015 eta 2017 bitartean Hego Euskal Herrian 11.000 aldiz baino gehiagotan aplikatu dutela salatu dute.
"Norbaiti normala iruditzen zaio Donostiako Udaltzaingoak egindako informe batengatik, Euskal Herriko mugimendu antiespezistako kideei 7.200 euroko isuna jartzea?", galdetu dute. Diru bilketan lagunduko dietela jakinarazi dute.
Jarraian prentsaurrekoa osorik ikusgai.
Ertzaintzak hirugarren saiakera egin du asteartean Otxantegi Herri Lurrak husteko, epaileak hala aginduta. Lurrak defendatzera joan dira hamarnaka lagun, eta teilatuan, lurrean zein dorretxean erresistentzian zeuden guztiak kanporatu ditu Poliziak. Hiru lagun zauritu dira... [+]
Maiatzaren 11n manifestazioak egingo dira Bilbon eta Iruñean bidezko trantsizio ekosoziala aldarrikatzeko, Euskal Herriko Eskubide Sozialen Gutunak, Emakumeen Mundu Martxak eta Gune Ekosozialista erakunde ekologistak deituta. Manifestazioak 12:00etan abiatuko dira Gaztelu... [+]
Hirugarren aldiz, Berangon birjabetutako lurrak husteko data berri bat ezarri dute. 08:00etan bertaratzera deitu dute Otxantegi Herri Lurretako kideek.
Etxe batean badira zenbait gune, gutxitan erakusten zaizkionak etxetarra ez den norbaiti. Esan trastelekua, ganbara, galdara gela, armairu bat. Askotan lurrazpiko etxeko oinean edo irisgarritasun gutxiko etxearen goialdean kokaturik dira. Etxearen txoko hauek lotsa,... [+]
Bildumako azken alea izango dela jakinarazi dute: lehenbizikoa Ni-ari buruzkoa izan zen, eta bigarrena Zu. Bigarren hura bezala, autoedizioan kaleratu du honakoa ere.