7.200 euroko isuna jarri diete Mozal Legearekin Askekintzako kideei, Santo Tomas eguneko protestagatik

Lander Arbelaitz @larbelaitz
2018ko maiatzaren 14a
Askekintzako kideak Ursula txerria sartu behar zuten kaiolan. (Argazkia: Askekintza)

"Ursula txerria defendatzeagatik Mozal Legea aplikatu digute", adierazi dute Askekintzako kideek prentsara bidalitako oharrean. Eleak Libre eta Askekintzak prentsaurrekoa deitu dute asteartean 19:00etan Plaza Berrian bertan, elkarrekin manifestu bat irakurriko dute. Herritarrei bertaratzeko deia egin diete.

2017ko abenduaren 21ean, Donostiako Plaza Berrian Askekintzako hamabi kide Ursula txerria sartu behar zuten kaiola blokatzen aritu ziren desobedientzia zibilez, goizean goiz joan eta bertan sartuta. 30 minutuz izan ziren bertan eta erresistentzia pasiboko jarrera hartu zutenez, Udaltzaingoak arrastaka atera behar izan zituen.

Orain 7.200 euroko isuna helarazi diete.

 

Ekintzaren helburua, egun horretan txerriekin egiten den sarraskia eta espezismoa orokorrean salatzea izan zen. "Txerriek, gainontzeko animaliok bezela, nerbio sistema zentrala eta sentitzeko ahalmena dute. Ondorioz, errespetua merezi duten norbanakoak dira. Injustua da, norbanako bat bere borondatearen kontra gizendu, objetu bat balitz bezala erakutsi, eta azkenik, txerri gehiago izateko hil arte esplotatzea. Honetaz gain, Ursula bezalako beste 700 txerri inguru erailko dira egun honetan bakarrik Donostiarako", adierazi zuren orduan.

 

 

 


Mozal legearen mehatxua kanaletik interesatuko zaizu...
2018-05-15 | Joseba Alvarez
Inboluzioaren mozala

Azken hilabeteotako gertakariek argi eta garbi erakutsi dute Eskubide Zibil eta Politikoei aurre egiteko nolako tresna errepresibo garrantzitsua eta indartsua den Mozal Legea (eta Zigor Kode berria) krisialdi territorialean, ekonomikoan eta sozialean murgilduta dagoen Estatu espainolarentzat. 2015eko uztailaren 1ean indarrean sartu zenetik, etenik ez dute izan oinarrizko Giza Eskubideak garatzen dituzten eskubide hauen aurkako erabakiek zein polizia ezberdinen gehiegikeriek. Protesta sozial... [+]


2018-05-13 | Baleike
Mozal Legea ezarri diote Zumaiako mugimendu feministari

Aspaldi ikusi gabeko manifestazioak izan ziren Zumaian martxoaren 8an, Emakumearen egunean. Bai eguerdian bai arratsaldean jendetzak hartu zuen parte Mugimendu Feministak deitutako ekitaldietan. Ekintza horiek izan dute bere alde negatiboa, izan ere, bi une horietan egindako mobilizazioengatik isunak jaso dituztela adierazi du gaur Mugimendu Feministak, “Zumaiako arteria nagusia moztu” izanagatik, alegia.


2018-04-25 | ARGIA
Mozal Legea indargabetzeko exijitu dute Eusko Legebiltzarreko Segurtasun Batzordean

Hala Bedi, Eleak/Libre eta Kaleratzeak Stop Araba Eusko Legebiltzarreko Segurtasun Batzordean izan dira apirilaren 25ean. Alderdi politiko guztietako ordezkarien aurrean, Mozal Legea indargabetzeko exijitu dute beste behin, baita Mikel Saenz de Buruaga kazetariari ezarritako isuna bertan behera uzteko ere.


Mozal Legearen aurkako agerraldiak egingo dituzte asteazkenean Legebiltzarrean

Mozal Legearen inguruan Eusko Legebiltzarrari konpromisoak hartzea eskatzeko agerraldiak egingo dituzte asteazkenean Eleak/Libre mugimenduak, Hala Bedik eta Kaleratzeak Stop plataformak.


Mozal Legearen indargabetzea eskatzera goaz Legebiltzarrera

Asteazken honetan, apirilaren 25ean, EAEko Legebiltzarreko “Erakundeak, Segurtasuna eta Gobernantza Publikoaren Batzordean”, ELEAK-Libre Mugimenduaren izenean Maialen Begiristainek eta Joseba Alvarezek EAEko Legebiltzarrak Mozal Legearen berehalako indargabetzea eta ez aplikazio onar ditzan eskatuko dute.


2018-04-18 | ARGIA
Hala Bedik auzitara eramango du Eusko Jaurlaritza, kazetari bati Mozal Legea ezartzeagatik

Ia urtebeteko prozesuaren ostean, Mikel Saenz de Buruaga Hala Bediko kazetariari ezarritako isuna berretsi du Eusko Jaurlaritzako Segurtasun Sailak: Herritarren Segurtasunerako Legea aplikatu zioten kazetariari Gasteizko Errekaleor auzoan polizia-operazio bat grabatzeagatik. Alegazio guztiak baztertuta, Mozal Legeak zigortutako Euskal Herriko lehen kazetaria izango litzateke Saenz de Buruaga.


2018-03-27 | ARGIA
Mozal Legea hiru urtez atsedenik gabe aplikatzen

Martxoaren 27an hiru urte bete dira Mozal Legea —Herritarren Segurtasunerako Legea— onartu zenetik. PPk proposatu eta onartu zuen, gehiengo absolutua baliatuta. Hiru urte hauetan, legeak protestak kriminalizatu ditu eta adierazpen askatasuna isunen edo atxiloketen bidez murriztu.


2018-03-21 | ARGIA
2.400 euroko isuna jarri diete LABeko lau kideri Mozal Legea erabiliz, Urkulluren ekitaldi bat eteteagatik

Mozal Legea aplikatu die Eusko Jaurlaritzak LAB sindikatuko lau kideri, iazko irailean Iñigo Urkullu EAEko lehendakariaren ekitaldi bat eteteagatik. 2.400 euroko zigorra ezarri diete guztira.


2018-03-16 | Axier Lopez
Mozal Legearen indargabetzea eskatuko dute larunbatean

Iruñean, Bilbon, Gasteizen eta Espainiako Estatuko beste 23 hiritan protestak egingo dituzte larunbatean Mozal Legearen aurka. Hiru urte beteko dira Espainiako Kongresuak, PPk proposatuta, oinarrizko eskubideak urratzen dituen legea onartu zuenetik.


Azkenak
EGILEA
Eguneraketa berriak daude