AHTaren gaia kanpainara ateratzeko deia egin die Sustrai Erakuntzak alderdiei
Abiadura Handiko Trenaren gaia jorratzea funtsezkoa da elkartearentzat, herritarrentzat giltzarri baita jakitea zein tren zerbitzu izango duten Nafarroan etorkizunean.
AHTaren aurka eta tren sozialaren alde egiten duten elkarte eta taldeek, halaber, datorren larunbatean, hilaren 18an, 12:00etan Gasteizko San Anton plazan izango den manifestaziora joateko dei egin dute.
Sustrai erakuntzak jakinarazi du duela gutxi Europako Legebiltzarrean egon direla eta Europar Batasuneko Garraio Batzordeak bi gauza behintzat oso argi adierazi ziela: batetik, espainiar zein euskal agintariek diotenaren kontra, Euskal Herrian AHTk bakarrik bidaiariak eramango dituela; bi, EBk murriztu egingo dituela orain arte Espainiako Estatuari emandako diru-laguntzak.
Errentagarritasun sozialik ez
Hori kontuan izanda, Sustrai Erakuntzak ez du ulertzen nola jarraitzen den egiten Nafarroarako AHT, eta are gutxiago bertako alderdi batzuen adostasunarekin: “Hori eginez, segitzen dute tematuta AHTren lanak suposatzen duten xahubide ekonomikoarekin. Ez dago inongo txosten edo azterketarik ezagutzeko holako gastuaren eragina kontu publikoetan. Eta hori gutxi balitz, ingurumena eta lurraldea larriki kaltetzen dute, inongo errentagarritasun sozial, ingurumenezko edo ekonomikorik erakutsi gabe”.
Elkartetik salatzen dutenez, “AHT eraikitzeak, besteak beste, Altsasu, Tafalla, Erriberri eta Castejongo geltokiak desagerraraziko ditu. Zentzugabekeria honen aurrean, egungo trenari eustea eta hobetzea proposatzen dugu. Tren soziala behar dugu herriak, hiriak eta industriaguneak lotzeko; merkantziak eta bidaiariak garraiatzeko; lurraldea trinkotzeko eskualdeak isolatu gabe; inor ez baztertzeko ekonomikoki, jendearen eskura jarriz”.
Tren bidaiarien %6k bakarrik erabiltzen du AHT
Gasteizko manifestaziora deitzen duten taldeek aldizkaria atera berri dute AHT proiektuari buruzko eta bertan aipatzen denez, 2018an 2.700 milioi euro inbertitu ziren Espainiako Estatuan eta betiko sareetan 848 milioi euro. Espainiako Gobernuko Sustapen Ministerioaren arabera, ordea, abiadura handiak 29,9 milioi bidaiari izan zituen urte berean eta 477,1 milioi bestelako trenen. Bestela esanda, tren lasterrera hiru aldiz baliabide gehiago bideratzen badira ere, tren bidaiarien %6k bakarrik erabiltzen du berau.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Larunbat eguerdian izango da orain dela hilabete batzuk Arabako hiriburuan iragarritako manifestazioa. Antolatzaileen esanetan, "proiektu guztiak hasi gabe daude eta garaiz gabiltza gelditzeko".
2012an hasitako obra lanen bigarren fasea abiatu dute, eta jarritako epearen arabera hiru urte eta bost hilabeteren buruan lanek amaituta egon beharko lukete.
Nafarroako Abiadura Handiko Trenaren aurkako mugimenduak manifestazio jendetsua egin zuen joan den larunbat arratsaldean Altsasun, oraingoan Sakana Trenaren Alde taldeak deituta.
Mobilizazioa antolatu dute martxoaren 30ean “Tren soziala bai, AHT gelditu. Respetad la voluntad popular” lelopean, Altsasuko suhiltzaileen parketik abiatuko da 18:00etan.
Sakana Trenaren Alde, AHTrik ez! taldeak, larunbatean 18:00etan eginen den manifestazioa aurkeztu du.
'Jartzazu-Jarriezu' kanpainaren bidez Mugitu! Mugimenduak gure etxeko leiho zein balkoietan AHTarekiko aurkakotasuna adierazten duen edozein bandera ipintzera dei egiten du.
Italiako gobernuak atzeratu egin du Lyon eta Turin Alpeak zeharkatuz lotuko lituzkeen Abiadura Handiko Trenbide berrirako obren lehiaketa. Tirabira handiak daude Erromako gobernua osatzen duten bi alderdien artean eta oraingoz azken erabakia atzeratzearekin moldatu dute krisia.
TAV eta LGV bi sigla eta erran-nahi bera: Abiadura Handiko Trena (AHT). Irun-Hendaia-Hondarribian, ataka gaitza dauka proiektuak. Trena Akitanian beheiti aise heldu da, Baionatik beheiti nekez, eta Bidasoan, artean gauzatu gabe. Obraren gauzapena motel garatzen ari da.
Tren sozial baten alde! AHTrik ez! leloa zabaldu zuten, Erdi Aldea Trenaren Alde taldeak antolatuta.Trenbideak hobetuta, abiadura handikorik egin gabe, zerbitzu ona eman daitekeela argudiatu zuten.
Abiatu Handiko Trenbideetan minutuko bateko denbora aurrerapenak 369 milioi euro balio du. Europako Kontuen Ganberak AHTko europar sareaz 2018an egindako txostenaren ondorioetako bat da hori. Aholkuen artean ganberak azpimarratzen zuen hobe zela dirua inbertitzea ohiko trenbideak hobetzen.
