AHTren alferreko xahuketaren aurka manifestazio nazionala larunbatean Donostian
Herri mugimenduko talde ugarik, hala nola hainbat sindikatu, talde politiko eta norbanakok, bat egin dute AHT gelditu! elkarlanak ekainaren 13rako deitutako manifestazio nazionalarekin. Alderdi Ederren da hitzordua, 17:30ean.
aurre egingo dieten hedabide independenteak
Modu horretan, Euskal Y-ren aurkako elkarlanak amaiera emango dio apirilean AHT Gelditu Orain! manifestuaren aurkezpenaz abian jarritako kanpainari. Orduko hartan esan zutenez, abiadura handiaren mitoa desegin da EAEn haren lanak hasi zirenetik igarotako zortzi urteotan.
“Proiektu hau inposatu nahian ari direnek ez digute esaten zenbat diru gastatu duten orain arte eta ez dakite zenbat gehiago beharko den aurrerantzean, ezta noiz amaituko dituzten lanak ere”, salatu dute larunbateko manifestazioaren antolatzaileek. Halaber, gogorarazi dute Euskal Y-ak ez duela loturarik ez Madrilekin ez Parisekin, eta EAEko hiru hiriburuen arteko bidaia denborak hasiera batean iragarri zena baino sano handiagoak izango direla, “autoen edo autobusen ia parean egoteraino”.
“Maila bereko zentzugabekeria ikus dezakegu Nafarroan, inondik inora ez doan AHTa eraikitzen ari baitira, Aragoirekin eta EAErekin loturarik ez duena”, gaineratu dute. Gogora dezagun oraingoz 70 kilometro inguru besterik ez duen trenbidea aurreikusita dagoela Nafarroan, Iruñea eta Castejón artean.
AHTren obretara diru publiko gehiegi bideratzeaz gain, azpiegituraren lanak baldintza txarretan egiten ari direla ere azpimarratu dute. Prekarietatea, istripuak (zazpi hildako dagoeneko), lan baldintza negargarriak… trenbidea eraikitzen diren langile askoren errealitatea direla adierazi dute.
Hori guztia ikusita, Donostiako manifestazioa hiru eskari egiteko baliatuko dute: AHTren lanak gelditzea; proiekturako bideratutako dirua jendartearen premia larrienak asetzeko erabiltzea; eta azpiegiturari buruzko eztabaida parte-hartzailea zabaltzea, alderdi tekniko, sozial eta politikoak kontuan hartuko dituena.
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Abiadura Handiko Trenaren kontrako plataformak astelehenean jakinarazi zuen Espainiako Gobernua eta Nafarroakoa egiten ari diren zundaketa kanpainak ez duela etenik. Izurdiagan eta Otsobin herri mugimenduak lortu zuen geldiaraztea legezkoak ez ziren eta baimenik gabe abiatu... [+]
Maiatzaren 16tik 18ra izango da kanpaldia, AHTk eta berriztagarrien proiektu batek "mehatxaturiko" Arabako Uribarri Jauregi herrian. "Desjabetu nahi dituzten eremuetan erresistentzia antolatzeko dugun gaitasuna erakutsi eta kaleak betetzetik mendiak hartzera pasako... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
.jpg)
EAE, Akitania Berria eta Nafarroak osatutako euroeskualdearen batzarra egin dute Iruñean martxoaren 25ean. AHT izan dute topaketaren ondoko agerraldiko aipagai nagusien artean eta Akitania Berriko ardatza Hego Euskal Herriko trenbidearekin lotzeko konpromiso politikoa... [+]
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]