AHTko lan heriotzen eztabaida Eusko Legebiltzarrean: "akatsa" langileari egozten zaionean

  • Abiadura Handiko Treneko obretan izaten diren heriotzak saihesteko neurriak eskatu zituzten EH Bilduk eta Elkarrekin-Podemosek, ostegunean Eusko Legebiltzarrean egin zen osoko bilkuran. EAJ, PSE eta PPk, aldiz, ikuskaritzak orain arte bezala segitzearen alde egin zuten.

ARGIA @argia
2018ko azaroaren 19a
AHTko azken heriotza Zizurkilgo zatian gertatu zen, langileak \"esku frenoa ez zuelako jarri\".

Ofizialki bederatzi lagun hil dira jadanik AHT eraikitzen Euskal Herrian, azkenekoak duela bi hilabete eskas. Zentzu horretan, Rebeka Ubera EH Bilduko parlamentariak zalantzan jarri zuen lan-ikuskaritzaren eta Osalanen papera, eta azpikontratazio kateak dakartzan lan baldintza eskasak nabarmendu zituen, kontratatzailea Eusko Jaurlaritza dela gogoraraziz: “Bai Gobernua, bai ikuskaritza eta bai Osalan bilakatu dira enpresen konplize”.

Lan baldintza prekario horiek askotan izan dira salatuak ELA sindikatuaren partetik auzitegietan edota Lan Harremanen Kontseiluan. “Ebazpen horiek, gure ustez, esplotazioaren eta lan eskubideen zapalketaren froga agerikoenak dira”, azaldu zuen Elkarrekin-Podemoseko eledun Jon Hernándezek.

Gloria Sánchez (PSE-EE): "Bihotzeko bat ezin du enpresak aurreikusi"

EAJ, PSE eta PPk baina, oposizioko alderdien eskaria baztertu eta adostu zuten ikuskaritzak orain arte bezala segi dezala, euren ustez bere lana ondo egiten ari delako.

Deigarriak izan ziren PSE-EEko Gloria Sánchezen adierazpenak –lanbidez lan-ikuskaria da– AHTko azken bi hildakoen inguruan: bata bihotzekoa izan zela ñabartu zuen, “eta bihotzeko bat ezin du enpresak aurreikusi”; bestea berriz langilearen “akatsagatik” izan zen Sánchezen aburuz, “esku frenoa ez zuelako jarri”.

EAJk, alde batetik ikerketa zorrotzak egiteko beharra aitortu zuen, baina heriotzak “zoritxarraren” ondorioz izan direla defenditu zuen Begoña Otalora parlamentariak, eta errepideko istripuen pare jarri zituen AHTko obretan gertatzen direnak.

Zuloan liburua beste behin Gasteizen

Erantzunen txandan, Zuloan liburua eskuetan igo zen tribunara Rebeka Ubera. ARGIAk eta Manu Robles-Arangizek argitaraturiko kronika “bikainaren” pasarteak irakurri zituen, AHTko obretan gertatzen diren egoera prekarioak ikustarazteko Iñigo Urkullu lehendakariari eta hemizikloan zeuden beste ordezkariei: “Hemen gauza asko jasotzen dira, hauek dena pateatu dute”.

'Zuloan' liburuan agertzen diren testigantzak irakurri zituen Uberak, parlamentariei AHTko obretako errealitatearen berri emateko.

Ez da lehen aldia AHTko lan-baldintzak ikertzen dituen Urko Apaolazaren liburua Eusko Legebiltzarrera iristen dena. 2018ko otsailean Lana eta Justizia batzordean izan ziren Igor San Jose eta Luis Fernandez ELAko ordezkariak, Zuloan oinarri hartuta lan-esplotazio kasu zehatzen berri ematen. Sindikatuak Urkulluri eta Eusko Jaurlaritzako goi karguei ere pertsonalki bidali die liburua.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Prekarietatea kanaletik interesatuko zaizu...
Bizkaiko egoitzetako greba, 2016-2017
Zergatik izan zen hura borroka feminista

2016ko martxoan hasi zen. Ia bi urtez luzatuko zen borroka, 378 egun greban. Bizkaiko zaharren egoitzetako langileak kokoteraino zeuden. Ia langile guztiak emakumeak ziren, zaintza lanak egiten dituzten gerokultoreak, lan baldintza kaskarretan. Ustekaberik ez, zaintza beti bezala emakumeen ardurapean, ordainik gabe edo gaizki ordainduta. Bosgarren hitzarmena sinatzea garaipena izan zen, baina borroka hark lan baldintzak hobetzea baino dezentez gehiago lortu zuen: emakumeak ahaldundu ziren,... [+]


Zortzi emakume kementsu ezagutu ditut

ELA sindikatuak Argia komunikazio proiektuari liburua elkarlanean argitaratzea proposatu zion 2017ko hondarrean. Bizkaiko egoitza pribatuetako langileek 378 egun greban egin zituzten. Ia bi urtez luzatu zen borroka luze eta gogorra, eta irabazi egin zuten. Sindikatuak Argiako kazetariren batek idaztea nahi zuen. Erredakzioan niri eskaini zidaten gozokia eta nik oparia gustura asko hartu.


2019-02-14 | ARGIA
'Berdea da more berria' liburua aurkeztuko du ARGIAk otsailaren 20an

"Berdea da more berria. Bizkaiko egoitzetako grebalarien testigantzak” liburua ELA sindikatuaren Manu Robles-Arangiz Institutuak eta ARGIAk elkarlanean egin dugu. Onintza Irureta Azkune da egilea eta hitzaurrea Irantzu Varela Urrestizalak idatzi du. Otsailaren 20an, Bilboko Bira Kultur Gunean aurkeztuko dugu, 19:00etan.


2019-02-14 | ARGIA
Euroligako lauko finala Gasteizen
Prekarietatea salatzeko EHUren aurkako ekintza

Ernai erakundeak Gasteizko EHUren campuseko Errektoreordetzaren aurkako ekintza burutu du, salatzeko unibertsitateak Gasteizko Lauko Finalean doan lan egitera animatu dituela ikasleak. Ekintzaren bidez, larunbatean prekarietatearen kontra Bilbon egingo den manifestaziorako deia egin du Ernaik.


Ubik-eko lan-gatazka Tabakalerako prekarietatea agerian uzten hasi da

Bi hilabete daramatza itxita Tabakalerako Ubik sorkuntza-liburutegiak, bertan lan egiten duten bitartekariek lan-baldintzak hobetzeko greba hasi zutenetik. Ez dirudi arazoa soluzionatzeko bidean dagoenik: asteazken honetan elkartu dira langileak eta zerbitzuaren esleipena daukan enpresa. Azken honek grebalariei proposatu die datozen lau urteetan mobilizaziorik ez egiteko, soldata igoera baten truke.


2019-02-13 | ARGIA
Multinazionalen edertasun-kanona eta eragiten duten prekarietatea salatu ditu Ernaik Bilbon

Ernaiko zenbait kidek arropa erantzita multinazionalen edertasun-kanonaren kontrako ekintza egin dute Bilbon.


Nafarroan 11.000 langile publiko baino gehiago daude behin behineko kontratuarekin ELA-k salatu duenez

Nafarroako enplegu publikoaren egoera larria salatu du ELA sindikatuak. “Prekarioa naiz. Noiz arte?” kanpaina abian jarri dute enplegu publikoa kontsolidatzeko eskaria egiteko. Urteroko kontratuak, hilabetekoak, astekoak edo ta egun batekoak salatu dituzte. Ezegonkortasun nabaria, enpresa pribatuari onartuko ez zitzaiona.


Etxez etxeko langileak borrokan
Ehunka langile kalera eta hemen ez da ezer gertatzen

Greban eta protestan dira etxez etxeko langileak. Sektore prekario eta feminizatuaren aje gehienak dituzte:  lan fisiko gogorra ez da aintzat hartzen; erakundeei merkeago ateratzen zaie senideei prestazio ekonomikoak ematea edo emakume atzerritarrak sektorean aritzea; ez dute igandetako plusik. Eraikuntzako enpresak sartu dira sektorean, menpekotasuna duten pertsonak artatzea zer den ez dakiten azpikontratak.


2019-02-06 | ARGIA
Haurreskolak partzuergoko kudeaketa langileak greban

Haurreskolak partzuergoko kudeaketa langileen "lan baldintza prekario eta onartezinen" aurkako greba deitu dute STEILAS eta ELA sindikatuek. Asteartean Eibarko kaleetatik mobilizatu ziren, eta asteazkenean elkarretaratzea egin dute Eusko Jaurlaritzaren egoitzaren atarian.


2019-02-05 | ARGIA
Larrialdietarako laguntza sozialen eskaerak gainezka egin du Barakaldon

Lau hilabetez laguntzak eskatzeko aukera itxita izan ostean, eskariei bide eman die Barakaldoko Udalak. 1.400 familia inguruk eskatu dute hitzordua lehen egunean.


Azkenak
EGILEA
Eguneraketa berriak daude