Egin ARGIAkoa

Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia

osteguna 2024ko apirilaren 25an

Ahotsa

"Ahotsa.info"-k bosgarren urteurrena ospatuko du martxoaren 30ean Iruñean

Ahotsa.info hedabide nafarrak bosgarren urteurrena ospatuko du martxoaren 30ean Iruñean antolatutako festarekin. Hedabideak azaldu duenez, beren zeregina da "Nafarroako eraldaketa politiko eta sozialaren alde lan egiten duten herri mugimendu eta eragile ezberdinei, sareetan, ahotsa eta protagonismoa ematea".

ARGIA

2019ko otsailaren 28an - 11:31

Inprimatu

Nafarroan eta bereziki Iruñerrian herri mugimenduek antolatutako edozelako ekimenetan hantxa dira ohikoan Ahotsa-info-ko kazetariak eta kamarak. Sarri-sarri, haien inguruan dira baita ere Ekinklik-eko argazkilariak. "Gure aliatu grafikoak –diote Ahotsakoek–. Eklinklik-ek ere urteurren borobilarekin bat egiten du. Hamar urte daramatzate mugimendu borrokalariz beteriko irudi estatikoak eskaintzen".

Iruñeko haien komunitatea batu nahi dute martxoaren 30ean: "Nondik gatozen eta nora goazen gogoratuko dugu jai egun horretan. Espainiako Auzitegi Nazionalak Ateak Ireki itxi ondoren jaio zen Ahotsa.info, eskuin espainolistak gobernatutako Nafarroa hura aldatzeko borrokatzen zutenentzako komunikazio tresna bat sortzeko konpromisoarekin. Gaur, bost urte igarota, egoera guztiz ezberdinean kokatzen gara. Nafarroa aurrera doa, batzuetan mantsoegiak iruditzen zaizkigun aldaketen eta eraldaketen agendan, ilusioz beteriko etorkizunerantz. Bere asmatze eta hutsegiteekin, 2019ko Nafarroak ez dauka zerikusirik 2014koarekin, eta Ahotsa.info eta Ekinklik horren lekuko eta bozgorailu izan gara".

Borroken berri eman eta borroka horren kide ere sentitzen dira: "Borrokaren baitan ikusten dute: "Borrokak aurrera darrai eta, gaurkotasunak egunero erakusten digu, Nafarroan eta Euskal Herri osoan ultraeskuin faxistena zelatan dugu. Finkatzea hainbeste kostatu zaizkigun lortutako aurrerapen guztiak eta askatasun demokratikoak deuseztatzearekin mehatxatzen dute. Mehatxu honen aurrean, Nafarroak kontra egiten du, horregatik, Ahotsa.infok eta Ekinklikek besteok kontatzen ez dutena kontatzeko konpromisoa berresten dugu. Gure historia xumearen orrialdeak guk geuk idazteko konpromisoa, ez dezaten beste batzuek gure herriaren inguruko kontaketa desitxuratua egin".

Martxoaren 30ean bermuta egingo dute Iruñeko Alde Zaharreko kaleetan zehar eta Herriko Tabernan bazkaria; bertan izango dira salgai txartelak edo bestela martxoaren 26a baino lehenago ahotsabehardugu@gmail.com-era idatzita. Bazkalondoan Mutxa Mierda musika taldea eta Majaris DJa egongo dira Nabarreriako Zabaldi elkartean.

Ahotsa Nafarroa

Irakurrienak

Matomo erabiliz

Bollera subjektua erdigunean jartzera datorren hitzordua

Jenofa Berhokoirigoin

Gernikaren berpiztea

Karmelo Landa

Athletic zuri ta gorria, zu zara nagusia, baina zertan?

Juan Aldaz Arregi

Izan bedi Nurenberg berri bat

Imanol Satrustegi Andrés

Kartzelako hormak zeharkatzen dituen ama-alaben arteko harremana hitz eta iruditara eramana

Estitxu Eizagirre

Kanal honetatik interesatuko zaizu: Ahotsa

2023-09-19 | Irati Irazusta Jauregi

Artxibatu egin dute Ahotsa.info-ko kazetari bat gezurrekin salatu zuen udaltzainaren aurkako kereila

2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]

2023-05-03 | Irati Irazusta Jauregi

Hedabideen boterea eta boterekeria aztertuko dituzte ostiralean Iruñean

Mahaingurua ostiralean izango da, 19:00etan, Iruñeko San Frantzisko eskolan. Inna Afinogenova, Jonathan Martinez eta Ricardo Feliu izango dira hizlariak, eta Juan Kruz Lakasta arituko da moderatzaile lanetan.

2022-11-25 | Ahotsa.info

Ahotsa.info-k kereila kriminala aurkeztu du, Mozal Legea erabilita, bere kazetari baten aurkako salaketa faltsua egin zuen udaltzainaren aurka

Iñigo Orduña Ahotsa.info-ko kameraria protesta bat grabatzen ari zenean, udaltzain batek salatu egin zuen. Kontakizun faltsua egin zuen salaketan, kazetariaren aurkako zigorra larriagotzeko asmoz. Dena grabatuta geratu zen, poliziaren gezurrak agerian geratuz... [+]

2022-05-16 | Lander Arbelaitz Mitxelena

Ahotsa-k Iruñeko udaltzain baten aurkako salaketa jarri du gezurra erabilita Mozal Legea aplikatzeagatik

Ahotsa.info hedabideko kazetari Iñigo Orduñari mozal legea aplikatu eta zigorra jarri nahi diote Iruñean Gazte Komunisten ekimen baten berri emateagatik. Berak, ordea, agenteari leporatu dio berariaz egiari bizkar ematea eta ikerketa eskatu du, aztertzeko ea... [+]

2021-09-22 | ARGIA

Mozal legeaz zigortu dituzte Ahotsa eta Ekinklikeko kazetari bana, Aroztegiko protestez informatzeagatik

Espainiako Gobernuaren Nafarroako Ordezkaritzak seirehuna euroko isunarekin zigortu ditu Ahotsa.info eta Ekinklik-eko bi kazetari grafiko. Guardia Zibilak dago isunaren atzean; kazetariei leporatzen die agenteak identifikatzea errazten duten irudiak publikatu izana.

Eguneraketa berriak daude