Euskal preso politikoei buruzko bi albisterengatik Ahotsa.info ikertuko du Espainiako Auzitegi Nazionalak

  • Ahotsa.info-k jakinarazi duenez, EPPKko kideei buruz informatzeagatik "terrorismoa goratzea" leporatu die Espainiako Auzitegi Nazionaleko Fiskaltzak. Kazetari bat Espainiako Poliziak Iruñean duen komisaldegira deitu dute deklaratzera. Bertan izan da, deklaratzeari uko egin dio eta aske geratu da.

Lander Arbelaitz Mitxelena @larbelaitz
2018ko uztailaren 13a
Ahotsako hainbat kide, deklaratzera sartu aurretik. (Ahotsa)

2018ko urtarrilaren 5ean eta 13an zabaldutako bi albisterengatik deitu dute deklaratzera kazetaria. Albiste horietan EPPK-ko kideei erreferentzia egiteko "euskal preso politiko" izendapena erabiltzeagatik. "Hori da oraingo honetan Ahotsa.info komunikabidea erasotzeko erabili duten aitzakia", salatu dute kazetari nafarrek Topatuk jaso duenez.

Espainiako Auzitegi Nazionaleko Fiskaltzak aztertuko du hemendik aurrera auziarekin jarraitu ala ez. 

Enegarren aldiz Espainiako Auzitegi Nazionalaren jopuntuan

"Egin, Egin Irratia, Egunkaria, Ardi Beltza, Apurtu, Ateak Ireki… Egin egunkariaren itxieraren 20. urtemuga betetzen den honetan, adierazpen askatasuna eta prentsa askatasuna arriskuan jarraitzen dute Euskal Herrian. Baina bere garaian azpimarratzen zen bezala, gaur ere ozen esan nahi dugu: jarraitzen dugu, jarraituko dugu!", adierazi dute.

Ez da lehen aldia herri hedabide honen aurka egiten dutela Espainiako Estatuko egituretatik. Ahotsa.info-ren aurrekari izan diren Ateak Ireki itxi zuten Espainiako Auzitegi Nazionalaren aginduz, eta hau aldi berean, aurretik zegoen Apurtu.org zentsuratu ostean sortua zen.

Altsasuko gazteen auzia hasi zenean, El Mundo egunkariak Ahotsa.info-ri buruzko artikulu bat argitaratu zuen egunkariko azalean "El Gobierno navarro subenciona una web contra la Guardia Civil" izenburupean (Nafarroako gobernuak Guardia Zibilaren aurkako webgune bat diruz laguntzen du).

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kazetarien aurkako jazarpena  |  Nafarroa  |  Ahotsa

Kazetarien aurkako jazarpena kanaletik interesatuko zaizu...
2018-09-11 | ARGIA
ARGIAk babesa adierazten die joan den larunbatean Hondarribian erasoak jasan zituzten kazetariei

Ohar honen bitartez, ARGIA egiten dugun langile guztiok babesa adierazi nahi diegu joan den larunbatean Hondarribiko Alardearen berri ematen ari zirenean erasoak jasan zituzten kazetariei. Horrelako gertakariak informatzeko askatasuna urratzen dutela uste dugu eta onartezinak direla gizarte demokratiko batean.


2018-05-17 | I˝aki Etaio
Kazetaritza Bakurren: artazi turkiarrean saltoka
2018ko udaberrian Ipar Kurdistanera –Bakur– euskal delegazio bat joan zen hango egoera lehen eskutik ezagutzera. Iñaki Etaio partaideetako bat izan zen eta bidaian ezagututakoa bederatzi artikulutan jaso du. Hau da seigarrena.

2018-04-17 | ARGIA
"La Haine"-ko Boro kazetariaren aurkako epaiketa atzeratu dute polizia bat ez delako agertu

“La Haine”-ko eta “Kaos en la Red”-eko kolaboratzaile Jorge Correa “Boro”-ren kontrako epaiketa urriaren 3ra atzeratu dute. Sei urteko kartzela zigorra eta 6.000 euroko isuna eskatzen du fiskaltzak.


2018-04-12 | ARGIA
'La Haine'-ko 'Boro' kazetariaren aldeko "Muntaia desmuntatu" kanpaina

La Haine-ko Boro kazetariaren kontrako akusazio faltsuak desmuntatzea du ostegunean abiatu duten #DesmontaElMontaje (Muntaia desmuntatu) kanpaina. Hilaren 16an epaituko dute Madrilen.


2018-03-02 | Miren Osa Galdona
'Boro' kazetariaren aldeko sinadura bilketa jarri dute martxan

La Haineko kazetariari babesa adierazteko kanpaina zabaldu dute. Kazetari lanak egiteagatik behin baino gehiagotan auzipetu dute. Apirilaren 16an izango da bere aurkako azken epaiketa eta sinadura bilketa jarri dute martxan babesa adierazteko. Zazpi urte eta erdiko espetxe zigorra ezarri nahi diote.


Tiroz hil dute ustelkeria ikertzen ari zen kazetari bat Eslovakian

Ján Kuciak 27 urteko kazetari eslovakiarra eta bere emaztea tiroz hilda aurkitu zituzten Bratislavako beraien etxean, astelehenean herrialdeko agintariek jakinarazi zutenez. Ehunka lagun atera dira kalera hilketaren aurka.


RTVEk kazetarien korreoak irakurtzea baimenduko duen arau bat ezarri du

“RTVEko informazio sistemen erabilera seguruari buruzko” arauak Espainiako telebista eta irrati kate publikoko kazetarien korreoak gainbegiratzeko eta lanerako darabilten edozein gailu monitorizatzeko baimena ematen dio katearen zuzendaritzari. RTVEk zibererasoen arriskuak argudiatu ditu.


2018-01-05 | Miren Osa Galdona
La Haineko 'Boro' kazetaria kartzelan sartzeko arriskuan dago beste epaiketa bat dela eta

Autoritatearen aurkako delituak egotzita, Madrilgo Lurralde Auzitegian deklaratu beharko du Boro ezinenez ezagutzen den kazetariak. Apirilaren 16an izango da epaiketa.


2017-11-29 | Miren Osa Galdona
930 kazetari hil dituzte hamar urtean munduan

2006tik 2016ra bitartean 930 kazetari hil dituzte mundu mailan Unescoren arabera. Bataz beste, astero bi kazetari hiltzen dituzte adierazpen askatasunaren aurkako indarkeriaren ondorioz. Hilketa gehienak ez dira ikertzen eta hamar kasutatik bat baino ez da iristen epaitegietara.


2017-11-22 | ARGIA
La Haineko 'Boro' kazetariaren aldeko elkartasun kanpaina abiarazi dute

Azaroaren 30ean egitekoa da Espainiako Auzitegi Nazionalean Armiarma operazioaren barruan auzipetutako Boro kazetariaren aurkako epaiketa. Haren aldeko elkartasun kanpaina hasi da Twitterren, #AplastaLaAraña (Zanpatu armiarma) etiketarekin. Urtebete eta zortzi hilabeteko espetxealdia eskatu du fiskaltzak La Haine eta Kaos en la Red-eko kazetariarentzat.


Eguneraketa berriak daude