142 zibil hil ditu Turkiak Afrinen eta agintari kurduek armak hartzera deitu dute

  • Urtarrilaren 19an Turkiako Armadak Afringo mugaldea bonbardatu zuen, kantoia “terroristaz libratzeko” aitzakiarekin, eta 30 km-ko “segurtasun eremu” bat lortzeko asmotan.

Maddi Txintxurreta @mtxintxurreta
2018ko otsailaren 06a
Indar kurduak entrenamendu saio batean Afrinen (Arg: kurdishdailynews.com)

70 bonba inguru jaurti zituzten lurralde kurduan, Kurdistango Herriaren Babes Unitateak (YPG) erasotzeko xedez. Geroztik, etengabeko bonbardaketen helmuga izan da Afrin, lurrez eta airez, eta 142 zibil hil dira jada.

Turkiako Armadaren inbasioak iraun bitartean, SDFk Kremlinari leporatu dio Turkiari Afrin inbaditzeko “baimena” eman izana; eta Erdoganek berak onartu zuen Errusiarekin “kontsentsua” dutela.

Urtarrilak 23an, inbasioaren laugarren egunean, Afringo agintari kurduek inbasioari aurre egiteko armak hartzera deitu zituen herritarrak, eta AEBko Segurtasun Kontseiluari eskatu zioten inbasioaren aurkako neurri “zorrotzak” hartzeko.

Testuinguru politikoa

Siriako ipar-mendebaldeko kantoia da Afrin. 380 herrik osatzen dute, eta Alepotik 40km-tara dago. Herriaren Babes Unitateak (YPG) da bertako indar nagusia Siriako Alderdi Demokratikoarekin (SDF) batera, baina gainontzeko eremu kurduetatik bananduta dago. Turkiaren menpeko lurraldeekin egiten du muga iparraldetik eta mendebaldetik, eta Ankararen laguntza jasotzen duten miliziekin ekialdean eta hegoaldean. Duela bi aste inguru Recep Tayyip Erdogan Turkiako presidentea kurduen aurkako erasoak prestatzen hasi zen Afrinen, eta jada 142 zibil inguru erail ditu Turkiako Armadak, iturri kurduen arabera.

Urtarrilaren 17an, Turkiako Gobernua eta armada bildu ziren kurduen Afrin barrutiaren aurka erasoaldi bat egitea aztertzeko. Kurduek nazioartean eskatu zuten laguntza: Batasun Demokratikoaren Alderdiak (PYD) –Siriako kurduen alderdi nagusiak– Nazio Batuen Erakundeari (NBE) eskatu zion kurduen administraziopeko lurraldeak “eremu seguru” izendatzeko, baina ez zuten lortu.

AEBak, bere aldetik, Siriako Indar Demokratikoko (SDF) militante kurduez eta haien aliatu arabiarrez osatutako 30.000 kideko armada bat entrenatzen ari zela iragarri zuten, alderdi kurduak kontrolpean daukan lurraldean hedatzeko. “Mugako indar bat” sortu asmo zuten, Daesh-en berpiztea eragozteko. AEBen erabaki horrek tentsioak piztu zituen nazioartean: Siriako Gobernua, Iran eta Errusia haserre agertu ziren, eta Turkiak Afrin inbadituko zuela esan zuen, AEBen jarrera mehatxutzat hartuta.

Bi egunen buruan, AEBek esan zuten “gaizki-ulertu” bat izan zela, eta ez zutela mugako indarrik sortuko, baina hitzok ez zuten Turkiako Gobernua konbentzitu. Are, aire erasoetarako Errusia eta Iranen laguntza izango zuela esan zuen. Siriako Gobernuak, ordea, Turkiaren aireko erasoak suntsituko zituela jakinarazi zuen, nahiz AEBen asmoekin ados ez egon.

Protestak eta Turkiaren zentsura

Urtarrilaren 20an operazioa hasi zenetik,Turkiak 573 pertsona atxilotu ditu Ankararen erasoa kritikatzeagatik.

Egun hauetan, nazioarteko hainbat hiriburutan manifestazioak egin dira Afringo kantoiaren alde eta Turkiari eraso militarra gelditzeko eskatuz.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kurdistan  |  Turkia

Kurdistan kanaletik interesatuko zaizu...
Kurduek Iranen jasaten ari diren erasoak eta exekuzioak salatu dituzte Bilbon

Kurdistanekin Elkartasun Ekimenak deitu zuen elkarretaratzea Kurdistango egoeraren berri emateko.


Bost ekintzaile ekologista kurdu hil dituzte Irango Kurdistanen

Irango armadak hil dituela salatu du Ekologistak Martxan taldeak.


Ekialde Hurbileko gakoak: Kurduen egoera aztergai

Ekialde hurbileko gakoak irrati tartean Iñaki Urrestarazuk Siria eta Kurdistan izan ditu aztergai orain arte.


2018-06-08 | Iņaki Etaio
Nahiz eta hodeiek eguzkia estali, ezin dute bere existentzia ezkutatu

2018ko udaberrian Ipar Kurdistanera –Bakur– euskal delegazio bat joan zen hango egoera lehen eskutik ezagutzera. Iñaki Etaio partaideetako bat izan zen eta bidaian ezagututakoa bederatzi artikulutan jaso du. Hau da bederatzigarrena eta azkena.


2018-06-05 | Iņaki Etaio
Islamizazioa: minarete gehiago proiektu sozial atzerakoia finkatzeko

2018ko udaberrian Ipar Kurdistanera –Bakur– euskal delegazio bat joan zen hango egoera lehen eskutik ezagutzera. Iñaki Etaio partaideetako bat izan zen eta bidaian ezagututakoa bederatzi artikulutan jaso du. Hau da zortzigarrena.


2018-06-01 | Iņaki Etaio
Lan-desgaitzea: bestelako ahotsak erditik kentzeko beste engranaje bat

2018ko udaberrian Ipar Kurdistanera –Bakur– euskal delegazio bat joan zen hango egoera lehen eskutik ezagutzera. Iñaki Etaio partaideetako bat izan zen eta bidaian ezagututakoa bederatzi artikulutan jaso du. Hau da zazpigarrena.


2018-05-17 | Iņaki Etaio
Kazetaritza Bakurren: artazi turkiarrean saltoka
2018ko udaberrian Ipar Kurdistanera –Bakur– euskal delegazio bat joan zen hango egoera lehen eskutik ezagutzera. Iñaki Etaio partaideetako bat izan zen eta bidaian ezagututakoa bederatzi artikulutan jaso du. Hau da seigarrena.

2018-05-16 | Iņaki Etaio
HDP eta DBP, labana turkiarraren sorbatzean

2018ko udaberrian Ipar Kurdistanera –Bakur– euskal delegazio bat joan zen hango egoera lehen eskutik ezagutzera. Iñaki Etaio partaideetako bat izan zen eta bidaian ezagututakoa bederatzi artikulutan jaso du. Hau da bosgarrena.


Gerrilla kurdu batek hamabost soldadu turkiar hil ditu

Herriaren Defentsarako Indarrak (HPG) talde matxino kurduak Kurdistan hegoaldeko Bradost eskualdean  ezarri den Turkiako unitate militar baten aurka eraso egin eta hamabost soldadu hil ditu astelehenean, ANF agentziak jaso duenez.


2018-05-08 | Iņaki Etaio
Hirigintza eta populazio-ingeniaritza: hondeagailuaren legea

2018ko udaberrian Ipar Kurdistanera –Bakur– euskal delegazio bat joan zen hango egoera lehen eskutik ezagutzera. Iñaki Etaio partaideetako bat izan zen eta bidaian ezagututakoa bederatzi artikulutan jaso du. Hau da laugarrena.


Azkenak
EGILEA
Eguneraketa berriak daude