AEBetara bidaiatu nahi duzu? Aurretik utzi zure sare sozialak ikusten
Donald Trumpen administrazioak joan den ostiralean indarrean jarri duen neurri baten ondorioz, Amerikako Estatu Batuetara sartzeko bisatua eskuratu nahi duen edozein pertsonak azken bost urteetan erabili dituen sare sozialei buruzko informazioa eman beharko du.
Informazio horri esker, AEBetako gobernuak eskua izango ditu herrialdera sartzen diren pertsonen argazkiak, zein tokitan egon den eta beste zenbait datu pertsonal ere, The New York Times-ek informatu duenez.
“Dagoeneko zenbait informazio eskatzen dugu, bidaien historia, senide kopurua eta bisatua eskatzen dutenek aurretik izandako helbideak”, azaldu du AEBetako estatu-departamentuak ohar batean. “Etengabe ari gara lanean gure jarraipen-prozesuak hobetzeko, AEBetako herritarrak babesteko asmoz”.
2017ko martxoan Donald Trump presidenteak emandako agindua dago neurri berriaren atzean, baina Barack Obamaren agintaldian ere hasiak ziren norabide berean lanean, bisatua eskatzen zutenei euren sare sozialetako informazioa eskatuz –nahiz eta orduan informazio hori bidaiariak bere borondatez ematen zuen, ez derrigortuta–.
Neurriak polemika eragin du eskubide zibilen defentsan ari diren elkarteen protestengatik. Eta agerian utzi du egunero erabiltzen ditugun sare sozialak zenbateraino izan daitezkeen lagungarri kontrol sozialerako.
Webguneen arduradunek beren bisitarien trafikoa aztertu nahi izaten dute, baina horretarako gehien erabiltzen den Google Analytics tresnak pribatutasun eta lege arazoak ditu. Alternatiba etikoago bezala gehien erabiltzen den Matomo software librea euskaratu du Iametzak.
Software librea erabiltzen duten Lezo BHI, Irungo Hirubide BHI eta Donostiako Antigua-Luberri BHI ikastetxeek beren esperientzia azaldu dute Eusko Legebiltzarreko Hezkuntza batzordean, EH Bilduko Lore Martinez Axpek eskatuta. Institutuetako ordezkarien aurkezpenen bideoak [+]
Euskal Herriko eskola askotan bezala, Danimarkan ere Chromebook-ak eta Google Workspace (lehen G Suite for Education deitua) erabiltzen dira. Hala ere, datorren ikasturtetik aurrera gauzak aldatzera doazela dirudi, datuen babeserako agentzia daniarrak legez kanpokotzat jo baitu... [+]
Orain arte ezezaguna zen zelatatzeko metodo baten berri eman du AEBetako Ron Wyden senatariak: mugikorreko jakinarazpenak. AEBetako eta beste estatu batzuetako gobernuak teknika hori erabiltzen ari dira, Reuters-ek jakitera eman duenez.
Filtratu egin da eIDAS 2 araudi berriaren zirriborroa, eta jakinarazi dute nortasun digital bat sortu nahi dutela pertsona bakoitzarentzat. Modu zentralizatuan eta digitalki, biztanle bakoitzaren askotariko datu eta agiriak jasoko ditu biltegi horrek.