ARGIA.eus

2022ko abuztuaren 15a

AEBetako Auzitegi Gorenak abortatzeko eskubide konstituzionala atzera bota du

  • Mississippi estatuko abortuaren aurkako lege baten aldeko epaia eman du AEBetako Auzitegi Gorenak. Aldi berean, abortatzeko eskubide konstituzionala arautzen zuen Roe v. Wade aurrekaria bertan behera utzi du auzitegiak, estatu bakoitzaren esku utziz erabakimena.

ARGIA @argia
2022ko ekainaren 24a

AEBetako Auzitegi Gorenaren gehiengoaren arabera, herrialdeko konstituzioak "ez du mugatzen estatu bakoitzak abortua erregulatu ahal izatea". Hori izan da duela 50 urte ezarritako aurrekaria atzera botatzeko argudioa. Roe v. Wade kasuak AEBetako lurraldearen luze-zabalean haurdunaldia eteteko eskubidea bermatzen zuen, gobernuaren gehiegizko murrizketarik gabe, eta urte luzez egon da kontserbadoreen jo-puntuan. Gehiengoz hartu du erabakia epaitegiak eta hiru epaile liberalek desadostasuna adierazi dute.

NPR hedabideak jaso duenez, 25 estatu baino gehiagotan prest dauzkate abortua mugatu edo debekatzeko legeak, Auzitegi Gorenak Roe v. Wade kasuak ezarritako aurrekaria bertan behera uztearekin batera indarrean sartuko direnak. Hain zuzen ere, 1973ko kasuak estatu mailako eta maila federaleko hainbat lege bertan behera utzi zituen, eta behin atzera botata estatu bakoitzari dagokio abortatzeko eskubidea bermatzeko edo debekatzeko eskumena.

Behin lege hori atzera botatakoan abortatzea ilegala bilakatuko da hainbat estatutan. Idahon, esaterako, 30 egun barru ia erabat legez kanpokoa izango da abortatzea, eta legea urratzen duten medikuek kartzela-zigorrak jaso ahalko dituzte. Texasen ere erabat debekatuko dute haurdunaldia etetea.

Kanal hauetan artxibatua: Abortu eskubidea  |  AEB

Abortu eskubidea kanaletik interesatuko zaizu...
2022-06-28 | Estitxu Eizagirre
Abortatu duten emakumeak jo-puntu bihurtzen dituzte hilekoaren kontrola daramaten app-ek

Abortuaren aurkako jazarpena jasateko arriskua dute beren obulazioari buruzko informazioa plataformetara igotzen duten emakumeek. AEBetako estatu guztietan abortatzeko eskubidea bermatzen zuen aurrekaria bertan behera geratu berri den honetan, App hauek erabiltzeari uzteko deia... [+]


2022-06-21 | Estitxu Eizagirre
Abortatzera doazen emakumeen %85ak nahiago du metodo instrumentala, aldiz, farmakologikoa "inposatzen" ari da industria

Haurdunaldia Eteteko Baimendutako Kliniken Elkarteak ikerketa bat egin du publiko. Beren erabakiaz eta motiboez galdetu die gehienez haurdunaldiko bederatzigarren astean egonik abortatzera joan eta bi metodoak aukeran izan dituzten 1.536 emakumeri. Hauetatik %85,74ak metodo... [+]


"Debekatu itzazue horrelako egitasmoak, emakume guztion sexu eta ugaltze eskubideen aurkakoak direlako"

Amarako talde feministak, Groseko Asanblada Feministak eta Plazandreok alderdiak agerraldia egin dute Amarako Askabide klinikaren aurrean. “Ia bi hilabete daramagu gatazka larrian hiriko gune honetan, baina urteak daramatzagu emakumeok eta Askabide klinikak jazarpena... [+]


Irakurrienak
Argia buletina
Egunaren laburpena
zure e-postan
Eguneraketa berriak daude