Adostasunik ez Europar Batasunean koronabirusaren krisiari aurre egiteko

  • Akordiorik gabe amaitu da euroguneko ekonomia ministroen bilera. Hamasei orduz negoziatu ostean, erabaki dute ostegunean beste bilera bat egitea. Helburua: Covid-19ak eragindako inpaktuari aurre egiteko neurri ekonomikoak adostea.

Eurotaldeko presidente Mário Centeno joan den larunbatean prentsaren aurrean.

2020ko apirilaren 08an - 08:52

Eurotaldeko presidente Mário Centenok Twitter bidez jakinarazi du albistea: “16 ordu iraun duten eztabaiden ondoren, akordio batera hurbildu gara, baina ez gara iritsi. Eurotaldea eten dut eta bihar, ostegunean, jarraituko dugu”.

Centenok gaineratu duenez, “helburu bera” edukiko du osteguneko bilerak ere: Europar Batasunarentzat sare indartsu bat osatzea, Covid-19ak eragindako kalteei aurre egin ahal izateko. Langileak, enpresak eta herrialdeak babesteaz hitz egin du portugaldarrak, baita ekonomia hobetzeko plan handi bat martxan jartzeaz ere.

Itxura guztien arabera, Herbehereek eta Italiak negoziazioetan jarritako marra gorriak dira auziaren iltzea: Italiak, koronabirusak Europan gehien kolpatu duen herrialdeetako bat, ez du Europar Batasunaren Mede erreskate funtsera jo nahi krisi honen ondorioei aurre egiteko, are gutxiago jakinik kreditu horiek eskura eduki ahal izateko baldintza fiskalak izango direla.

Herbehereek berriz, ez dute ezer jakin nahi hegoaldeko Europako beste herrialde batzuek ere eskatzen dituzten Eurobonoen emisioaz.

2007-2008ko krisi ekonomikoaren ondoren bezala, badirudi bi abiaduratako Europar Batasuna marrazten ari dela Covid-19aren ondoren ere: egoerari aurre egiteko baldintza estuak ezarri nahi dituzte iparraldeko zenbait estatuk –Alemania ere Eurobonoen aurka agertu da orain arte– eta hegoaldekoek berriz, egoerak eragingo dituen premia ekonomikoak Batasuneko kide diren estatu guztien artean mutualizatu nahi dituzte.

Europar Batasunaren beraren rola auzitan jarri duen krisi honen hurrengo kapitulua, ostegun honetan.


Kanal honetatik interesatuko zaizu: Covid-19 shockean adi
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


2022-03-29 | ARGIA
COVID-19aren aurkako pilulak iritsi dira Hego Euskal Herrira

Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]


2022-03-15 | ARGIA
Indarkeria matxista pandemian: erailketa gutxiago eta suizidio gehiago

Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]


2022-02-22 | ARGIA
Hipra txerto katalana merkaturatzear denean, patenteak kentzeko eskatu dute hogei erakundek

Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.


2022-02-20 | Estitxu Eizagirre
Eneritz Zubiaurre, COVID-19aren aurkako txertoak kaltetua
"Txertoa hartu nuenetik ia urtebetera, oraindik ez naiz gai bizitza normala egiteko"

Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]


Eguneraketa berriak daude