Adin txikikoen kontrako indarkeria mota ohikoena familia barrukoa da
Haur eta nerabeen kontrako indarkeria mota nagusia familia barrukoa dela eta bai bikotekideen aldetik neskek jasaten duten indarkeriak, bai sexu-indarkeria kasuek nabarmen gora egin dutela jakin dugu, Haurren Tratu Txarren Aurkako Nazioarteko Egunean. EAEko datuak dira eta indarkeria horiei aurre egiteko plan estrategikoa aurkeztu du Eusko Jaurlaritzak.
Aurkeztu dituzten datuak 2020an Ertzaintzak EAEn erregistratutako kasuak dira: 18 urtetik beherako 1.459 pertsona izan ziren delitu baten biktima, kontuan hartuta familia barruko indarkeria, bikotekidearen edo bikotekide ohiaren indarkeria, eta familia-eremutik kanpoko sexu-askatasunaren kontrako delituak. Kasu gehienak 14 eta 17 urte bitarteko nerabeek salatu zituzten.
Dena den, azpimarratu beharra dago indarkeria horren zati handi bat ez dela salatzen eta beraz, ez dela erregistratzen.
Horren aurrean, estrategia integrala aurkeztu du Eusko Jaurlaritzak, beste inongo erkidegok halakorik ez duela eta Europan antzeko estrategiak oso herrialde gutxik dituztela nabarmenduz.
Lau ardatz ditu estrategiak: prebentzioa; indarkeria arriskua garaiz atzematea –arreta berezia jarriz sozializazio edo hurbiltasun esparruetan diharduten eragileengan eta gazteei hurbileko eta konfiantzazko entzute kanalak eskaintzean–; biktimen arreta integrala; eta hainbat erakunde eta eragileren arteko lankidetza, indarkeria mota guztiak hobeto ezagutzeko eta haiei eraginkortasun handiagoz erantzuteko. Familien eta Haurren Zuzendaritzak koordinatuko du estrategia.
“Pertsona bat gaizki sentiaraztea ere indarkeria da”
Prozesuan 80 bat neska-mutilek hartu dute parte eta horietako batzuen testigantzak jaso ditu Jaurlaritzak, Jostailu hautsi gehiagorik ez sentsibilizazio kanpainan. “Pertsona bat gaizki sentiaraztea ere indarkeria da, eta ez da inor jo edo oihukatzea bezain nabaria”, “jende guztiak ez du laguntza eskatzeko gaitasuna, eta batzuetan laguntza eskatu arren, ez digute laguntzen, eta hori beste kolpe bat da”, “neskak mutilak baino inseguruago sentitzen gara kaleetan” edota “batzuek ez dute onartzen desberdina zarenik, eta horregatik ere larritzen zaituzte”, diote gazteek. Hain justu, generoak, arrazak, identitateak eta sexu joerak indarkeria hauetan duten eragina ere kontuan hartzen ditu planak.
Adituen irizpideei jarraituko dien pantailekiko deseskalatzea premiazkoa da eskolan eta etxean. Osasunaren bueltako Espainiako Estatuko erakunde garrantzitsuenek sortu berri duten plataformak hala dio. Internet eta sare sozialekiko “hiperkonexioa da pandemia berria”... [+]
Legez, 16 urte bete arte ezingo dituzte sare sozialak erabili Australian, urte bukaera honetatik aurrera. Baina nola gauzatzen da hori praktikan? Gobernuaren azterketa batek ondorioztatu du teknikoki bideragarria dela, eta aurrekaria jarri du bide bera hartu nahi duten... [+]
Dantza, xake edo kirol topaketak egiten diren bezalaxe, literatura gustuko duten haur eta gazteek ere zaletasuna partekatu, elkar ezagutu eta egunpasa ludikoa egiteko aukera izango dute, datorren igandean. Ikasturtean zehar elkarri gutunak idazten aritu diren 130 gaztetxo... [+]
Mireia Centeno Gutierrez psikopedagogoak haurren elikaduraren inguruko zenbait gako eman ditu; hala nola jatera behartzeak eta jakiak debekatzeak dituen ondorioak aipatu ditu.
Ludotekan, gazte txokoan, udalekuetan... batzuk musukatzen ari direla, beste hark zakila erakutsi duela eta honakoak gorputzarekiko irainak jaso dituela, hori guztia kudeatzea ez dute erraza hezitzaileek. Adibide praktikoz lagunduta, 'Nola landu sexualitatea hezitzaileon... [+]
Irati Aizpurua Alquezar abokatuak zuhurtziaz erantzun ditu ARGIAren galderak, eta testuinguru juridikoa eman digu, Debako udal liburutegian gertatzen denaren inguruan. Elkarrizketa zabal batean berriki kontatu dugunez, 2 urtera arteko haurrek galarazita dute Debako haur... [+]
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
2 urtera arteko haurrek galarazita dute Debako haur liburutegian egotea, eta 2-6 urtekoek 16:30-17:30 artean baino ezin dute egon. Hogei urtez horrela funtzionatu duen ageriko diskriminazioa buka dadila eskatzeko ama talde bat elkartu denean, ezetz erantzun die udal gobernuak... [+]
Haurtzaroaren amaiera eleberri distopikoa idatzi zuen Arthur Clarkek, 1953. urtean: jolasteari utzi dion gizarte baten deskribapena. Eta ez al da bereziki haurtzaroa jolasteko garaia? Jolasteko, harritzeko, ikusmiratzeko eta galdera biziak egiteko unea. Ulertzeko tartea zabalik... [+]
Eskolaz kanpoko jardueren eskaintza zabala egiten duten ikastetxeen aldean, beste askok ez du horretarako aukerarik; eta eskola bereko ikasleen artean ere, denek ezin dute ekintzetan parte hartu, baliabide ekonomikoek baldintzatuta. Esku hartzeko dei egin diete instituzioei:... [+]
Miopia gero eta gehiago eta gero eta lehenago ari da garatzen, eta horren arriskua da dioptriak gehitzen joatea eta helduaroan begiari lotutako hainbat gaitz izateko aukerak dezente handitzea. “Eguzki-argia jasotzea inportantea da, eta denbora asko ez igarotzea oso gertu... [+]