Adin txikiko transexualei arreta eskaintzeko zerbitzua aurten jarriko du martxan Osakidetzak

  • EAEko trans legean aldaketak egiteko eztabaidan ari diren honetan, 2022 urtea amaitu aurretik Osakidetzak transexualen arretarako zerbitzua martxan jarriko duela iragarri du Jaurlaritzak, hasieran Gipuzkoan eta Bizkaian, eta adin txikikoei zuzendua. Bestalde jakinarazi dutenez, euren identitate sexuala aitortzen duen dokumentua eskatu duten adin txikikoen kopurua nabarmen hazi da azken bost urteotan.

Naizen haur eta gazte transexualen familien elkarteak EAEko trans legearen 2019ko erreforma ospatu zuen.

2022ko maiatzaren 31n - 13:17

Osakidetzan, sexologian eta genero identitatearen arretan adituak diren psikologo klinikoak bi baino ez direla-eta, hasieran Gipuzkoan eta Bizkaian abiatuko dute zerbitzua, eta gero zabalduko dute Arabara. Halaber, aurrerago helduentzat ere izan nahi du zerbitzuak, zeinak laguntza psikologikoa eta afektiboa ematea izango duen helburu nagusi.

EAEko 2012ko trans legearen erreforma egosten ari dira alderdi politikoak eta batzorde horretan egin du iragarpena Osasun sailburuordeak. 2019an izan zuen lehenengo erreforma legeak, eta transexualitatea despenalizatzea ekarri zuen. Honako honetan, adin txikikoen iritzia aintzat hartzea eta medikuen erabakietan parte har dezatela dago mahai gainean.

Identitate sexuala aitortzen dien dokumentua

2016tik, identitate sexualerako dokumentu iragankorra eskatu daiteke EAEn. Alegia, erregistro zibilean sexu identitatearen behin betiko aldaketa egin bitartean, euren identitate sexuala aitortzen duen dokumentua. Horren bueltan ere, hainbat datu eman ditu Jaurlaritzak: guztira 331 pertsona transexualek eskatu dute dokumentua 2016-2021 artean, erdia baino gehiago adin txikikoak. Adin txikikoen eskaera, gainera, nabarmen hazi da: 2016an ez zegoen eskaera egin zuen adin txikikorik; 2021ean denera egin diren 100 eskaeretatik 60 baino gehiago adin txikikoenak izan dira.


Kanal honetatik interesatuko zaizu: Transexualitatea
Alejandra Burgos eta Karla Guevara, El Salvadorko trans aktibistak:
"LGTBI komunitatea eta emakumeak beti egon gara salbuespen egoeran"

Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]


“Gustatuko litzaidake pentsatzea bidea urratu dudala atzetik datozenentzat”

BAMBIk (Amurrio, 1999) diru bilketa abiatu du, bere trantsizio prozesuaren barruan, aurpegia feminizatzeko asmoz. Trans kolektiboaren egoeraren eta bere ibilbide artistikoaren inguruan mintzatu da.


Gorputz hotsak
"Literatura izan da tristezia ulertzen lagundu didana"

Erantzunik gabeko galderez inguratuta eta “tristezia sakona” sentituz bizi izan da Daniela Cano. Artista kolonbiarra da, eta pandemia betean Madrilera ihes egin behar izan zuen Kolonbian mehatxatuta zegoelako. Arteaz, bereziki literaturaz baliatzen da erantzunak... [+]


Bizipoza: aniztasun funtzionala, kulturala eta sexuala bistaratzen eta lantzen

Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]


LGTBI pertsonak armairutik ateratzeko beldur dira lantokian

LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.


Eguneraketa berriak daude