Euskal Herriko mugimendu feministak egin du deialdia Espainiako Gobernuak Abortuaren Legea aldatzeko egin nahi duen erreforma arbuiatzeko.
Apirilaren 5ean, arratsaldeko 17:30ean abiatuko da protesta Golem zine aretoetatik.
Gure gorputza, gure erabakia: abortatzeko eskubidea orain! lelopean egingo da manifestazioa. Herri askotan autobusak antolatzen ari dira Iruñerako.
Informazio gehiago duzue abortatzeko eskubidearen aldeko plataformak kudeatzen dituen blogean, twitterren eta facebooken.
Mobilizazioek etenik ez
Abortu eskubidearen aldeko mobilizazio ugari egin dira Euskal Herrian Espainiako Gobernuak lege erreforma iragarri zuenetik.
Hasierako erreakzioaren ondoren, etenik ez dute mobilizazioek, modu aski ikusgarrian maiz. Adibidez, joan den asteburuan hainbat ekintzailek Mariano Rajoy Espainiako presidentearen hitzaldia eten zuten Donostiako Kursaalen abortuaren aldeko oihuekin.
Datorren asteko ARGIAn elkarrizketa egingo diegu ekintza horretan parte hartu zuten lagunei.
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".