9 egun gose greban “kontzientziak esnarazi eta borrokak batzeko”

  • Maiatzaren batetik gose greban dago Jose Mari Lejardi garraiolaria, Zamudioko (Bizkaia) poligono industrial batean. Garraiolarien sektoreko baldintzak salatu nahi ditu, borrokak batu eta herritarren kontzientziak pizteko.


2014ko maiatzaren 09an - 00:00
Azken eguneraketa: 2015-02-26 13:37:33
Maiatzaren lehenean greba hasi zuen Jose Mari Lejardik bederatzigarren eguna beteko du gaur. (Argazkia: Berria)

Bizi kostuek gora egin badute ere, garraiolarien soldatak 2005az geroztik izoztuta daudela salatu du Lejardik: “Gasolina, argia, janaria… guztia gero eta garestiagoa den bitartean gure soldatak ez dira igotzen. Erosteko ahalmena %23 eta %25 artean galdu dugu garraiolariok” adierazi du Info7 irratiko Kale Gorrian saioan egin dioten elkarrizketan.

Ekonomia krisiak eraginda gizartea beldur dela uste du garraiolariak, eta horrek enpresaburuei xantaia egiteko aukera ematen diela jakinarazi du: “Lan baldintza iraingarriak onartzen ez baditugu gutxiagoren truke lan egingo duten pertsonak gure lekua hartzeko prest daudela esaten digute, eta hala da”.

Bestalde, enpresen arteko konpetentziak gero eta prezio baxuagoak eskaintzea eragiten duela ere aipatu du 55 urteko beharginak.

Batuz gero, irabazteko aukera

Gaur egungo gizartean garraiolarien grebak “dena” paralizatuko lukeela uste du Lejardi: “Ez litzateke dendetan janaririk egongo, ez materialik fabriketan (…)  Burmuina eta odola bezalakoa da, burmuin garatua eduki dezakezu, baina gorputzean odolik ez badago ez dago ezer egiterik”.

Gose greba sektoreko kideak borrokara batzeko keinua izatea nahi du Lejardik. Sektoreko kideen artean “batasun eta konfiantza falta handia” dagoela uste baitu:  “Jarrera miserableak ikusten dira, ondokoa erortzearen esperoan egoten dira sektoreko asko, bere lana eskuratzeko. Sistema honen eraginez horretara ari gara iristen…” adierazi du Info7n eskainitako elkarrizketan.

Ez da lehenengo gose greba

Lehenagotik ere beste bi gose greba egina da Lejardi, aurrekoak euskal preso politikoen eskubideen aldekoak izan ziren.

Dena dela, oraingoa “berezia” dela dio garraiolariak, bere osasun egoerak kezkatzen duelako, eta aurreko protestatan lortu ez duen oihartzun mediatikoa lortzen ari delako: “Ez nuen uste hedabideek jaramon handia egingo zidatenik, baina orain arteko egunetan ez naiz gelditu ere egin”, aitortu zuen protestaren zortzigarren egunean Berriari eskainitako elkarrizketa batean.


Kanal honetatik interesatuko zaizu: Prekarietatea
2024-06-21 | Gedar
Gasteizko Azkena Rock jaialdiko lan-baldintza miserableak salatu ditu Laneko Autodefentsa Sareak

Last Tour enpresa eta Gasteizko Udala seinalatu ditu erantzule gisa, azken horrek "langileon prekaritatea finantzatzen eta legitimatzen" duela nabarmenduta. Azkena Rocken aritu diren hainbat langileren lekukotzak bildu ditu LASek.


Emantzipatu ezin diren gazteen kopuruak gora egiten jarraitzen du Europako herrialde guztietan

Emantzipatu nahi duten baina ezin duten gazteen kopurua gero eta handiagoa da Europar Batasunean. Errealitate hori datutan jarri du Eurofund erakundeak argitaratu berri duen ikerlan batek, eta etxebizitzaren garestitzea da arrazoi nagusietako bat, baina ez bakarra.


2024-05-28 | ARGIA
Hil egin da iragan astean Bergaran zauritutako langilea

Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.


Hil egin da Lizarrako langile bat, gidatzen zuen kamioian istripua izan ostean

51 urteko garraiolariaren kamioia irauli egin da Ejea de los Caballerosen (Aragoi). 2024an hiltzen den 23. langilea da.


2024-05-13 | ARGIA
Alternatiba ekosozial justua aldarrikatu dute Iruñean eta Bilbon

Maiatzaren 11n egin dira mobilizazioak eta Euskal Herriko Eskubide Sozialen Kartak, Emakumeen Mundu Martxak eta Gune Ekosozialistak antolatu dituzte. 60 eragile sozial baino gehiagok bat egin dute mobilizazioekin.


Eguneraketa berriak daude