Beste lan istripu hilgarri bat gertatu da astelehen goiz honetan, 09:18ean, Cintruenigon (Nafarroa). 54 urteko langile bat zendu da herriko industrialdean, industria-nabe bateko teilatua hondoratu denean. Foruzaingoak jakinarazi du hamabost metrotik erorita hil dela.

Foruzaingoa, suhiltzaileak eta osasun zerbitzuak bertaratu dira ezbeharra eman den tokira, baina osasun zerbitzuek ezin izan dute ezer egin. Foruzaingoak bere gain hartu du gertatukoa ikertzeko ardura.