4.000 metro koadroko aquaparka eraiki nahi dute Iurretan
Proiektuaren sustatzaileak egitasmoa gauzatzeko aurreproiektua aurkeztu du Iurretako udaletxean. Bost igerileku, txirristak eta olatu artifizial bat egongo lirateke Ibarretxe kultur etxearen alboan zabaldu gura duten aquaparkean. Ez litzateke iraunkorra izango, uda sasoirako bakarrik baizik.
Iñaki Totorikaguena alkateak azaldu duenez, egitasmoa gauzatzeko bete behar diren baldintzak zeintzuk diren argitu zaie proiektuaren sustatzaileei. Hartara, baldintza horiek jasotzen dituen proiektua aurkeztea litzateke hurrengo pausoa. Horrekin aquapark-a zabaltzeko baimena eman edo ez erabakiko luke Iurretako Udalak. Proiektua udako hileetarako izango litzateke soilik; gainera, etorkizunean etxebizitzak eraikiko dira lursail horretan.
Ibarretxe kultur etxearen alboan proposatu dute ur parkea egitea, eta 4.000 metro koadro inguru hartuko lituzke. Hori azaldu du Totorikaguenak. Laupabost igerileku, txirristak eta olatu artifizial bat egongo lirateke, besteak beste, aquapark horretan. Iurretako alkatearen berbetan “proiektu polita” da ur parkearena. Gaineratu duenez, “herriarentzat ona izan liteke eta beharrezko baldintzak betetzen badira ez dugu aurrera egiteko eragozpenik ikusten”. Oraingoz, aurreproiektu bat, “asmoen agiri bat” da udalean aurkeztutakoa. “Baina, azkenean gauzatzen baldin bada, ederto legoke”, Totorikaguenak nabarmendu duenez.
Aquapark-a eraikitzeko proiektua aurkeztu ondoren, eta udalak baimena ematea erabakiz gero, zehaztuko lirateke epeak. Pentsa daiteke uda sasoia aurretik zabaldu gurako dutela aquapark-a egitasmoaren sustatzaileek.
Albiste hau Anbotok argitaratu du eta Creative Commons lizentziari esker ekarri dugu.
Anttonmari Aldekoa-Otalorak jantzi dio txapela bertsolari lapurtarrari. 180 lagun bildu dira ekainaren 3an Iurretako Kepa Arroitajauregi frontoian, saioa bertatik bertara jarraitzeko. Hamar bertsolari aritu dira guztira kantuan, lurraldeetako ordezkari. Eki Mateorena izan da... [+]
Ekainaren 18an Iurretan jokatu zen aurtengo Eskolarteko Txapelketa. 180 entzule inguru elkartu ziren Euskal Herri osoko 14-18 urte arteko hamabi bertsolari gazteak entzutera. Hazparneko Irantzu Idoate Funosas izan da txapelduna eta Maddi Agirre gasteiztarra txapeldunordea.
Tailerrak eta mahai-inguruak, dokumental estreinaldia zein kontzertuak egin zituzten larunbatean Iurretako Abadetxean, Bizkaian. Topaketa berezia izan da aurtengoa, hogei urte egin baititu Arrosa sareak.
Azaroaren 6an egingo dira Arrosaren IX. Topaketak, Iurretan, jaio berria den Laixiar irratia anfitrioi dela. Edizio berezia izango da, irrati libreen sareak 20 urte bete baititu aurten.