Bi hamarkadetako ibilbidearen isla da, hain justu, Iurretako kultur-etxean (18:00etan) estreinatuko duten dokumentala [Irakurri urteurrenaren inguruko erreportajea: 20 urte sintonian eta libre].

Lehenago, goizeko 10:00etan, hiru tailer egingo dira aldi berean Abadetxea gaztetxean: hizkera sexista eta arrazistari buruzkoa bat; irrati bat software libreaz martxan jartzeko urratsez bestea, eta FMko emisio bat nola egin erakutsiko duena hirugarrena.

12:00etan, bestalde, podcasten inguruko mahai-ingurua egingo da; ARGIAko Beranduegi eta Klak-gazte ahotsa saioetako, eta Ondarruko Radixu eta Gasteizko Hala Bedi irratiko kideek parte hartuko dute.