350.000 esku elkar lotuta, erabakitzeko eskubidearen alde

  • Gure Esku Dagok 100.000 pertsona behar zituen Donostia, Bilbo eta Gasteiz arteko giza katea osatzeko eta, antolatzaileen arabera, azkenean 175.000 pertsona bildu dira igande honetan hiru hiriburuak aise lotuz.

ARGIA @argia
2018ko ekainaren 11
Argazkia: GED

Goizean goizetik hasi da mugitzen jendetza eta mila autobusetik gora abiatu dira herritar taldeak 201,9 kilometroko katera eramaten. Guztira 5.000 boluntario aritu dira antolaketa lanetan. Eguerdian lotu dituzte zapi eta eskuak herritarrek eta Pablo Muñoak Herritarren Ituna deituriko proposamena abiarazi du Donostian; eskuz esku Gasteizeraino iritsi da, Eusko Legebiltzarreraino.

Herritarren Ituna-ren edukia herriz herri jorratu dute Gure Esku Dagoko kideek era partehartzailean eta euskal gizarteko eragileei egiten zaion proposamena biltzen du datozen urteetan euskal gizarteak erabaki eskubidea gauzatu dezan.

Alde horretatik, gaurko ekimenak bultzada berezia eman nahi zion Eusko Legebiltzarra lantzen ari den autogobernu ponentziari, honek Herritarren Itunean esaten dena kontuan har dezan. Agiriak erabakitze eskubidearen aldeko 2.019 arrazoi biltzen ditu. Orain Gasteizen bezala, aurki Ituna Nafarroako Foru Legebiltzarrera ere eramango dutela iragarri du GEDek.

Alderdi, sindikatu eta era guztietako erakundean sostengua izan du giza kateak. EAJ, EH Bildu, Elkarrekin Ahal Dugu, ELA, LAB, ESK, Eilas, Bilgune Feminista, Altsasuko Gurasoak eta, beste sigla eta erakunde ugari izan dira elkarretaratzean. Horien artean, nabarmendu dira Kataluniako ANC eta Òmnium Cultural edo ERC eta CUPeko ordezkariak. PPk eta PSEk ekitaldiaren aurkako jarrera agertu dute eta salatu dute halako ekitaldiekin liskarra pizten dela euskal gizartean eta herritarrak banatu.

Ziklo politiko berrian erabaki eskubidea giltzarri

Gure Esku Dagoko bozeramaile Jone Amonarrizek eta Angel Oiarbidek irakurri dute ekitaldi bukaerako agiria, Legebiltzarraren aurrean, hurrenez hurren euskaraz eta gaztelaniaz. Bozemaileek azpimarratu dute igande honetako data ez dela oharkabean pasatuko eta datorren ziklo politikoan erabakitzeko eskubidea giltzarri izango dela: “Tresna ezinbestekoa da bizikidetza bermatzeko eta proiektu guztien defentsa ahalbidetzen du”. Denon artean ikusi beharko dela hori nola egin, baina euskal herritarrek ikusten dutela haien indar ahalmena zein den eta hori baliatuko dutela datozen urteetan.

Mezu nagusian keinu egin diete beste borroka eta aldarrikapen ugariri ere, eta erabaki eskubideak guzti horiei eragiten diela azpimarratu dute. Datorren urtean GEDek hausnarketa prozesu bereziari ekingo dio hau guztia nola egikaritu hausnartzeko, baina dagoeneko iragarri dute erabakitzeko eskubidearen aldeko sare iraunkorra bultzatuko dutela.

2014n Durango-Iruñea lotu zen

2014ko ekainean GEDek Durango eta Iruñea lotu zituen 128 kilometroko giza katearekin. Orduan 150.000 pertsona bildu ziren zeregin horretan. Hainbat ekitaldi jendetsu egin ditu GEDek 2013an jaio zenetik, baina bere ekimen esanguratsuenak herrietan Euskal Herriaren etorkizuneko estatus politikoaz egindako kontsultak izan dira; ia 200.000 pertsonak parte hartu dute hauetan. Aurten amaituko da kontsulten fasea, Igeldo, Donostia eta Iruñeko kontsultekin.

Hiriburuetako argazkiak
Donostia (Argazkia: Dani Blanco)
Donostia (Argazkia: Dani Blanco)
Donostia (Argazkia: Dani Blanco)
Gasteiz (Argazkia: Hala Klik)
Gasteiz (Argazkia: Hala Klik)
Gasteiz (Argazkia: Hala Klik)
Bilbo (Argazkia: Txeng Meng)
Bilbo (Argazkia: Mireia Boya)
Bilbo (Argazkia: Gure Esku Dago)

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Gure Esku Dago

Gure Esku Dago kanaletik interesatuko zaizu...
2018-10-31 | I˝igo Igartua
Quim Torra Kataluniako presidentea Donostiako Kursaalen izango da azaroaren 14an

Gure Esku Dago plataformak antolatu du ekitaldia, azaroaren 18an Donostian egingo den eta 150.000 herritar inguruk iritzia emateko aukera izango duten herri galdeketaren aurrekari gisa.


Gure Esku Dagok azaroaren 18ko Donostiako galdeketaren abestia aurkeztu du

Donostiako Gure Esku Dagok hiriko hamaika musikari eta artista bildu ditu galdeketa sustatzeko egin duten kantuan. Azaroaren 18an izango da galdeketa eta galdera honi erantzun beharko diote herritarrek: "Nahi al duzu euskal herritarrok gure etorkizun politikoa geure kabuz eta aske erabakitzea?".


2018-09-27 | ARGIA
Puigdemontek bideoz hartuko du parte Gure Esku Dagok larunbaterako antolatu duen ekitaldian

“Espainiako estatuaren errepresioa salatuz, urriaren 1aren izaera demokratiko, baketsu eta eredugarria” gogoratuko dute irailaren 29an Gernikan. Gure Esku Dagoko bozeramaile Angel Oiarbidek azaldutakoaren arabera, hainbat ordezkari politiko eta kulturalek hartuko dute parte ekitaldian, tartean, bideo bidez, Carles Puigdemontek.


Gure Esku Dagok ezagutzera eman du donostiarrek erantzun beharreko galdera

“Nahi al duzu euskal herritarrok gure etorkizun politikoa geure kabuz eta aske erabakitzea?” izango da azaroaren 18an erantzun beharreko galdera.


2018-09-18 | ARGIA
Gure Esku Dagok "askatasuna erabakitzea da" mezua zabalduko du nazioartera irailaren 29ko ekitaldi artistiko-politikoan

Gernikan izango da ekitaldia, irailaren 29an, alegia, Kataluniako urriaren 1eko erreferendumaren urteurrena baino bi egun lehenago. Bi helburu ditu ekitaldiak, batetik, Euskal Herriko eta Kataluniako eragile politiko eta sozialak eta herritarrak Gernikan batzea, eta bestetik, erabakitzeko eskubidearen aldarria nazioartera zabaltzea.


Gure Esku Dagok erabakitzeko eskubidea aldarrikatu nahi du Espainiako Vuelta Euskal Herritik igarotzean

Hilaren 12an (asteazkena) igaroko da etapa Euskal Herritik. Getxon hasi eta Oiz mendian bukatuko da.


350.000 esku bidean

175.000 pertsonak osatu dute, antolatzaileen arabera, Donostia, Bilbo eta Gasteiz lotzen dituen 200 kilometroko bidea. Gure herriko historia hurbilean egindako mobilizaziorik jendetsuenetako bat izan da, ezbairik gabe. Ekimenak bultzada berezia eman nahi izan dio Eusko Legebiltzarrean EH Bildu eta EAJ lantzen ari diren autogobernu ponentziari.


2018-06-15 | ARGIA
Igeldon galdeketa egingo dute igandean, euskal estatus politikoaz

"Igeldoar gisa, nahi al duzu Euskal Estatu burujabe bateko herritarra izan?", galderari erantzungo diote igandean igeldoarrek.


2018-06-14 | ARGIA
350,000 hands held together in favour of the right to decide in the Basque Country

Gure Esku Dago ('It's in Our Hands', a platform in favour of the right to decide) needed 100,000 people to form a human chain linking Donostia, Bilbao and Gasteiz. According to the organizers, 175,000 people came together to connect the three Basque cities.


2018-06-14 | Hala Bedi
Gasteizko Gure Esku Dagok salatu du "testuingurutik atera" dela taberna batzuei eskatutako laguntza

Gure Esku Dagok Gasteizko tabernei “erreklamatutako” diru laguntzen inguruan zabaldu den informazioari erantzunez, mugimenduko kideek “gertatutakoa testuingurutik erabat ateratzen ari direla” salatu dute. Modu berean, euren kezka adierazi dute albiste honen atzean dagoen “intentzionalitatearen” aurrean.


Azkenak
EGILEA
Eguneraketa berriak daude