Auzolanari esker oraingoz 39 hizkuntzatan dago Korrikari buruzko artikulua irakurgai
"Munduan hizkuntza baten alde egiten den ekimenik handiena abian da Euskal Herrian: Korrika" artikulua idatzi genuen ARGIAn. Euskal Herri osoa zeharkatzen duen ekimenaren garrantzia mahai gainean jartzeaz gain, euskararen aurka Espainiako eta Frantziako estatuek aplikatutako hizkuntza politikei errepasoa egin, eta hizkuntza berreskurapenean euskalgintzak egindako lana azpimarratzen du artikuluak.
Auzolanean artikulua ahalik eta hizkuntza gehienetara itzultzeko laguntza eskatu genuen ondoren ARGIAtik. Komunitatearen erantzuna paregabea izan da, eta jende askoren lanari esker, 39 hizkuntzatan eskuragarri dago artikulua, eta sare sozialetan asko zabaltzeaz gain, hainbat hedabidetan argitaratu dute. Open Democracy, Sermos Galiza, Ságat edo Arainfo kasu.
ARGIAko komunitateak mugituta, ondorengo hizkuntzetara itzulia dago artikulua: afrikaans, alemaniera, amazigera, arabiera, aragoiera, asturiera, errumaniera, errusiera, esperantoa, finlandiera, frantsesa, friuliera, galiziera, gaztelania, hassania, hindiera, ingelesa, islandiera, italiera, japoniera, katalana, kaxubiera, korsikera, mazedoniera, malgaxea, erromantxera, nederlandera, okzitaniera, persiera, poloniera, tamashaq, sardiniera, suediera, txinera tradizionala eta sinplifikatua.
Itzultze bidean dira ondorengoak: armeniera, balutxera, bosniera, bretoia, daniera, gaeliko irlandarra, galesera, greziera, hungariera, hurdua, inuitera, japoniera, kitxua, koreera, kroaziera, kurduera, maoria, nahuatl, nasa, nepalera, norvegiera, samiera, serbiera, turkiera, txekiera, ukraniera eta wolof hizkuntza.
Informazio gehiago:
Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.
11 egunetan bizipen hunkigarri asko bizi dituela esan du Ane Elordik Euskadi Irratian. “Aje emozionala, bi urtetan egindako lana, kideak ondoan izanik, eskertza, babesa, Euskal Herri osoa Baionan elkartu da... Momentu oso bereziak bizi izan ditugu azken egunean”.