Azken 30 urteetan euskarak 300.000 hiztun irabazi ditu, horietatik 100.000 euskaltegietako helduen alfabetatzeari esker. Patxi Baztarrika Hizkuntza Politikarako sailburuordeak eman du datuen berri, asteazkenean egindako 'Poziktibity' kanpainako hirugarren bideoaren aurkezpenean, Bilboko Bizkaia Aretoan.
Helduek hizkuntzak ikastearen garrantzian oinarritu du Jaurlaritzak 'Poziktibity' kanpainaren bideo berria. Reyes Pradosek eta Anne Igartiburuk hartu dute parte eta hizkuntzak ikasteko inoiz ez dela beranduegi azaldu dute. Bideoko mezua, txikitan etxean edo eskolan euskara jaso ez dutenei dago zuzenduta.
Hizkuntzak ongi ikasteko erabilera beharrezkoa dela azpimarratu du aurkezpenean Baztarrikak: “Ezinbestekoa da, erabiltzea, hitz egitea”. Hizkuntzak bizirik mantentzeko modurik egokiena dela gehitu du.
“Hizkuntzak ikastea ez da kontu erraza, baina esfortzuak merezi du. Bi hizkuntzetan behar bezala moldatzeak ematen dizun poza eta harrotasunak asko merezi du", adierazi du sailburuordeak.
Bere esperientzian oinarrituta, Pradosek gaineratu du euskara ikastea ez dela beste hizkuntza bat ikastea baino zailagoa, hori ikasten ez hasteko “aitzakia merkea” dela esan du. Euskara ikasteko, “egunero ahalegin pixka bat” egin eta aukera dagoen guztietan hitz egiten ausartu behar dela dio.
'Poziktibitiy' kanpaina
Euskararen erabilera bultzatzea helburu duen proiektua da 'Poziktibity'. Jaurlaritzaren esanetan, “positiboa eta atsegina den zerbait iradokitzen du, baita energia, poztasuna, aktibitatea, euskara bizitzeko era bat, bai eta jarrera bat ere".
Kanpainako lehen bideoa hizkuntzak ezagutu eta erabiltzearen garrantzia jorratu zuen eta Aritz Adurizek eta Imanol Agirretxek hartu zuten parte. Bigarrenean, aldiz, Aritz Aranburuk eta Hodei Collazok hartu zuten htiza, euskaraz gozatzearen mezua zabaltzeko.
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.
11 egunetan bizipen hunkigarri asko bizi dituela esan du Ane Elordik Euskadi Irratian. “Aje emozionala, bi urtetan egindako lana, kideak ondoan izanik, eskertza, babesa, Euskal Herri osoa Baionan elkartu da... Momentu oso bereziak bizi izan ditugu azken egunean”.
Irundik Baionara 2.700 kilometro egingo ditu Korrikak, eta 16:00etan ekingo diote lehen kilometroari Bidasoko AEK-ko irakasleek, San Juan plazatik. Egun osoko egitaraua antolatu dute. ARGIAk jarraipena egingo du euskararen aldeko ekimen herrikoiak iraungo dituen 11 egunetan.
AEK-k agerraldia egin du Irungo Oiasso museoan, Harrera Sarearekin elkarlanean.
Hamar urteren ostean, Euskal Herriko Hitz Gurutzatuen Txapelketa antolatu dute berriz ere Irunen, Korrika bertatik abiatuko dela baliatuta. Martxoaren 2an egingo da eta lehia kutsurik izango duen arren, lagun giroan denborapasazaleak elkartzea du helburu nagusi. Hizkuntzarekin... [+]