300 bat lagun batu dira Kanbon Marieniako etxebizitza proiektuaren kontra
Bouygues multinazionalak lur-jabeekin adostua dauka hiru milioi eurotan erostea 3,77 hektareako eremua. Orain arte laborari batek erabilitako lurretan ehun etxebizitza egin nahi ditu enpresak.
300 bat lagun elkartu ziren abenduaren 4an Bouygues multinazionalak Kanbon egitekoa duen etxebizitza proiektuaren kontra. Enpresak lur-jabeekin adostua dauka hiru milioi eurotan erostea 3,77 hektareako eremua, bertan ehun etxebizitza eraikitzeko. Espekulazioaz gain, arazoa da lur hauek laborantzarako zirela orain arte eta egitasmo honekin behin betiko desagertuko direla.
Egitasmoaren aurkako hainbat eragilek helegiteak jarri badituzte ere, Bouyguesek "indarrez" pasatu nahi izatea leporatzen diote aurkakoek. Herriko etxearen jarrera ere salatzen du Nahi Dugun Herria izeneko oposizioko taldeak. Besteak beste, hirigintza planaren kontrako helegitea ezarri dute eragileek Paueko (Okzitania) Administrazio Auzitegian, eta eraikitze baimenaren kontra ere egin dute herriko etxean.
ELB, Lurzaindia, CADE eta Nahi Dugun Herriak taldeak deitzen zuten larunbaterako elkarretaratzera. Hemen duzue Euskal Irratiek sarean zabaldu bideoa:
Marieniatik abiatu eta Kanboko herriko etxera iritsi dira manifestariak #MarieniaEz pic.twitter.com/ogjRaKHdmN
— Euskal Irratiak (@euskalirratiak) December 4, 2021
Duela sei urte 250.000 eurotan erositako Aiherrako etxe bat, egun 1,6 milioi eurotan salgai. Joan den larunbatean Hazparneko Puyo higiezin agentzian sartu dira 50 herritar inguru Etxetxuri etxaldearen salmenta espekulatiboa salatzeko. Ekintza iraun bitartean agentziako... [+]
2024ko urtarrilaren 1etik goiti, Ipar Euskal Herrian bigarren etxebizitza bat erostekotan diren pertsonak gonbidatuko ditu Herrian Bizi plataformak jadanik bigarren etxebizitza gisa baliatuak diren etxe edo apartamendu bat erostera.
Aiherrako Herriko Etxea arranguraturik agertu da 250.000 eurotan erosia izan zen etxe bat, abantsu 1,6 milioi eurotan salgai ezarri ondotik. Etxexuri egoitza 2017an erosi zuten gaur egungo jabeek, eta arraberritzen lan handiak egin zituzten; ganerra eta barnea berregin zituzten,... [+]
Bi urtez landu dituzte Berangoko lur horiek modu kolektiboan, eta epaitegiak desalojo agindua eman du azaroaren 23rako. Aguirre-Lipperheide familiak Otxantegiko zortzi hektarea nekazal lur saldu nahi ditu Amenabar enpresak etxeak egin ditzan. Horren aurrean, "espazioa... [+]
Senpereko Olha etxearekin espekulatzea eta lurraren erabilera pribatizatzea salatu dituzte, besteak beste. Donibane Lohizuneko geltoki pareko errepidea eta Baionako A63 autobidera ematen duen biribilgunea moztu dituzte. Ostia sarea, ELB, Lurzaindia eta Senperetarren Kolektiboak... [+]