3.000 euroko zigorra jarri dio GKSko kide bati Paueko auzitegiak, margoketak egitea leporatuta

  • Ipar Euskal Herriko Kontseilu Sozialistak salatu du horrelako isunek "militantzia politikoa isun bidez itotzeko xedea" dutela.

Epaiketaren aurka egindako elkarretaratzea, Baionan. (Argazkia: Kontseilu Sozialista Ipar EH)

2023ko otsailaren 09an - 09:55
Azken eguneraketa: 12:03

3.000 euroko isuna jarri diote Gabi Daraspe Ipar Euskal Herriko Gazte Koordinadora Sozialistako kideari, Ezpeizen (Zuberoa) margoketak egiteaz egotzita. Asteartean izan da epaiketa Paueko auzitegian, eta, zehazki, 2.700 euroko kalte ordainak eta 300 euroko isuna ordaintzera behartu dute. Zigorrari eta auziaren gastuei aurre egiteko, elkartasun diru-bilketa kanpaina abiatu dute Helloaso atariaren bidez.

Ipar Euskal Herriko Kontseilu Sozialistako kideek salatu dute horrelako auziek "militantzia politikoa isun bidez itotzeko" xedea dutela, "bereziki erakundeetatik kanpo lan politikoa egitea galarazteko". Horren aurrean, eskubide politikoen defentsa egitea beharrezkoa dela adierazi dute.

Gabi Daraspe 2022ko maiatzean Ertzaintzak atxilotu zuen Itziarren, 2018ko ikasle greba bateko gertakariak zirela-eta. Horrez gain, beste auzi bat du irekita Leioako 5ak Aske auziarekin lotuta, beste lau kiderekin batera. 


Kanal honetatik interesatuko zaizu: Askatasun politikoak
2023-07-28 | Gedar
Irailaren 27an epaituko dituzte ‘Leioako 5ak’

40 urtetik gorako espetxe-zigorrak eta 45.000 euroko zigor ekonomikoak eskatzen dituzte 'Leioako 5entzat'. 2016an Leioako campusean egindako ikasle mobilizazio baten harira auzipetu zituzten gazteak, eta berriz seinalatu dute EHUren erantzukizuna.


Otsaileko lehen osoko bilkuran onartu nahi dute Espainiako Kongresuan ‘Mozal Lege’ berria

Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.


2021-09-16 | ARGIA
Arrasateko Elkartasun Martxa ez du debekatu EAEko Auzitegi Nagusiak

Sarek eta Elkartasun Eguna antolatzen dutenek 31 kilometroko ibilaldia prestatu dute, presoen, iheslarien eta deportatuen etxeratzea eskatzeko, eta Unai Paroten salbuespenezko egoera amaitzeko. Duela 31 urte preso sartu zuten Parot.


Eguneraketa berriak daude