Katalunian eskandaluzkoa dena, Espainian txalogarria

  • Kataluniako presidentea kargugabetu duen epaia ezagutzearekin batera, arduradun politiko ugarik adierazpenak egin dituzte hedabideetan edo sare sozialen bitartez.


2020ko irailaren 28an - 10:41

Hona erreakzio eta adierazpen esanguratsuenetako batzuk:

Erbestetik, Carles Puigdemont presidente ohia: “Koroatik epaileetara, Estatu ustel batek jarraitzen du erabakitzen katalanen izenean. Beste behin, Espainiak esku hartu du gure instituzio demokratikoetan. Kargugabetzez kargugabetze, errepublikara arte”.

ERCko presidente espetxeratu Oriol Junqueras: “Gorenaren eta Espainiako Estatuaren beste eraso bat demokraziaren eta Kataluniako instituzioen aurka. Independentismoaren kontrako errepresioak ez du etenik. Amnistia, autodeterminazioa eta Kataluniako Errepublika”.

Parlamentuko presidente Roger Torrent: “Sistema demokratiko bati ez dagokio Generalitateko presidentea kargugabetzea adierazpen askatasunerako eskubidea erabiltzeagatik. Errepresioak ez du deuseztatuko herri honen gehiengoaren nahi”.

CUPeko parlamentuko bozeramaile Carles Riera: “Epaile promozio berriak erregearen eta Espainiaren batasunaren aldeko harengekin doktrinatzen dituen botere judizialak Quim Torra presidentea kargugabetu du adierazpen askatasunaz baliatzeagatik. Eskubide zibil eta politikoak inhabilitatzen dituen kolpismo judiziala. Orain mobilizazioa da erantzuna”. Ezker independentistaren barnean, Kataluniako CDRek mobilizazioara deitu eta adierazi dute: “Eza gara besoak uztarturik geldituko 78koerregimenak independentismoa suntsitzen saiatzen den bitartean”. Intersindical sindikatuak “erantzun kolektibo masiboa” aldarrikatu du, kargugabetze “antidemokratiko eta onarteinaren” aurrrean.

EAEko lehendakari Iñigo Urkullu: "Hala espero zen arren, erabaki horrek ez du bat ere laguntzen garrantzi handiko erakunde- eta politika-mailako auzi bati irtenbidea ematen. Gainera, sentsibilitate sanitario, emozional, ekonomiko eta sozial berezi baten testuinguruan gertatu da".

EH Bilduko koordinatzaile nagusi Arnaldo Otegi: “Gaur inoiz baino gehiago, endavant Catalunya! Errepresioaren aurrean, demokrazia gehiago. Nire elkartasuna Torra presidentearekiko. Herriak aukeratu zuen eta soilik herriari dagokio epaitzea”.

PSOE: “Garai berri bat Kataluniarentzat”

PSOEtik Cristina Narbona presidenteak hitz egin du asteroko zuzendaritzaren bilearen ostean: “Gure iritzia garbia da, inhabilitazio honek garai berri bat ireki du Kataluniarentzat. Ahalik eta lasterren egin behar da hauteskunde autonomikoen deialdia, katalanek azken hilabeteetan alderdi independentistek eragindako blokeo egoera gainditu ahal izateko. Torra ezin da epaiarekin harritu, berak jo zuen bere burua errudun desobedientziagatik”.

Albistea idazteko unean, Espainiako Gobernuko kide bakar batek ere ez du epaiaren inguruko adierazpen publikorik egin. Moncloatik adierazi dute epaileen erabakiak errespetatu egiten dituztela.

PP, Vox eta Ciudadanos alderdiek, poza adierazi ez ezik, inhabilitazioa ekarri duen prozedura judiziala abiatzearen protagonismoagatik leihatu dira. “Torraren kargugabetzea posible egin duena Ppk hauteskunde batzorde zentralean aurkeztutako salaketa izan da”, esan du Pablo Casadok. “beste behin Voxek bere eraginkortasuna frogatzen du, Kongresuan, kalean eta, kasu honetan, epaitegietan”, idatzi du Voxek Twitterren. “Espazio publikoak guztionak dira, eta agintari politiko batek ezin ditu legeak hautsi propaganda separatistaz betetzeko. Horregatik, Ciudadanosetik Torra salatu genuen, eta gaur inhailitatu duen kausari haisera emanez”, adierazi du Ines Arrimadasek.


Kanal honetatik interesatuko zaizu: Katalunia independentziarantz
Junts-PSOE akordioa
Amnistia legea eta negoziazio mahai berria, legealdi akordioaren truke

Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.


'La Directa' babestu dute ARGIAk eta beste hainbat hedabidek: "Kazetaritza ez da terrorismoa"

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


La Directako kazetari bat ere "terrorismoagatik" inputatu dute Tsunami Demokratikoaren auzian

Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]


Puigdemont eta Rovira inputatu ditu Auzitegi Nazionalak Tsunami Demokratikoagatik

Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.


Jordien indultua egokia dela onartu dute eta Miquel Buch kontseilari ohia lau urtera zigortu

Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]


Eguneraketa berriak daude