26 greba egun gehiago egingo dituzte Gipuzkoako zaharren egoitzetako langileek
Langileek iragarri dute ekainaren 17tik uztailaren 12ra etenik gabe greba egingo dutela Gipuzkoako egoitzetan eta eguneko zentroetan.
Maiatzaren 24an elkartu ziren ELAko langileak eta haien lan baldintzak hobetzeko beste behin grebara jotzea erabaki dute. Helburu nagusia ELAk (ordezkaritza sindikalaren %60 dauka) Adegi eta Matia patronalekin lortu zuen akordioa Gipuzkoako Foru Aldundiak finantzatzea da. Sindikatuaren arabera 2018ko abenduan lortu zuen akordioa patronalaren zati horrekin eta Foru Aldundiak “finantzatu beharrean, akordio dokumentua faltsutu zuen eta hortik aurrera faltsuketari eutsi dio gezurra esanez, alegia, dokumentua ELAk alde bakarrez egin zuela”.
Dagoeneko ELAko afiliatuek 62 greba egun eginak dituzte. LABek du ordezkaritza sindikalean bigarren tokia, %20koarekin, eta bere afiliatuek ere hainbat greba egun eginak dituzte.
ARGIA astekarian lan gatazka honi buruzko erreportaje mardula argitaratu dugu: Gipuzkoako zaharren egoitzak greban. Bi urte hitzarmenik gabe
Zahar etxeeetako langileak Zinemaldiaren alfonbra gorrian sartzen saiatu dira (irailak 25), baina Poliziak geldiarazi egin ditu.
Gipuzkoako egoitzetako langileek hiru urte daramatzate greba egunak egiten. Ekainaren 14koa 250garrena izango da. Langileen lan baldintzak eta erabiltzaileei eskaintzen zaien zerbitzua hobetuko lituzkeen hitzarmen kolektiboa lortzea dute helburu.
Otsailaren 6an greba deitua dute LAB eta ELA sindikatuek, bakoitzak bere aldetik, Gipuzkoako zahar etxeetan. Bi sindikatu hauek salatu dute Jaurlaritzak gutxieneko zerbitzuak %100ekoak ezarri dituela eta beraz, greba eskubidea ukatu diela 5.000tik gora langileri. Greba egunean... [+]
Urriaren 6an, ELAk pandemiaren ondorioz gelditutako greba luzea berriz hasiko du Gipuzkoan. Egun berean LABek grebara deitu du. Araban, ELA, LAB, UGT eta CCOO sindikatuek hiru eguneko greba deialdia egin dute adinekoen egoitza pribatuetan.
Pandemiak erantzukizunez jokatzea eskatzen ziela ondorioztaturik, martxoaren 13an bertan behera utzi zuten greba Gipuzkoako zahar-egoitzetako langileek. Ordutik beren egoerak okerrera egin duenez, berriz ere grebari ekitea erabaki dute, urriaren 6an.