250 erreklamazio aurkeztu ditu ELAk, EAEko esparru publikoko behin-behineko lanpostuen aurka

  • ELA sindikatuak jakinarazi du azken hilabetean 250 erreklamazio inguru aurkeztu dituela EAEko sektore publikoko kontratazioak direla eta. Modu horretan, Europako Justizia Auzitegiak emandako epaiak betearazi nahi dituzte.

Unai Brea @unaibrea
2016ko abenduaren 13a
ELAko zenbait kide, Osakidetzak Bilbon duen egoitzan erreklamazioak aurkezten. (Argazkia: ELA)

Sindikatuak zabaldutako datuen arabera, EAEko sektore publikoan 45.000 langile baino gehiago daude behin-behineko kontratuekin, eta zenbait arlotan behin-behinekotasun portzentajea %35era iristen da. Orain arteko erreklamazioak Osakidetzan, irakaskuntzan, autonomia-administrazioan, Lanbiden, EiTBn, Eusko Trenen eta tokiko eta foru aldundietako administrazioan ipini dituzte. Datorren hilabetean erreklamazio gehiago aurkeztuko dutela iragarri dute, gainera.    

Datu horiek “erabaki politiko baten” emaitza direla adierazi du sindikatuak prentsa ohar baten bidez. “Gure herri erakundeek, Eusko Jaurlaritza buru, prekarietatearen aldeko apustua egin dute enplegu publikoan, eta behin-behineko enpleguz betetzen dituzte egiturazko beharrizanak”.

Hain zuzen, gogorarazi dute uda ostean Europako Auzitegiak emandako epaiaren arabera zigortu egin behar dela beharrizan iraunkorretarako lanpostuak behin-behineko kontratu bidez betetzea. Bestalde, kontratua amaitutakoan ordaintzen den kalte-ordaina langile finkoentzat zein behin-behinekoentzat berdina izan behar dela ere ebatzi zuen Auzitegiak.

20.000 lanpostutik gorako galera salatu dute

ELAren esanetan, EAEko erakunde publikoen politikak azken urteotan 21.400 lanpostu galtzea eragin du. Horren aurrean, kontratazio eredua aldatu eta “kalitatezko 35.000 lanpostu egonkor” sortzeko eskaria egin dute. “Horrek eragin onuragarria izango luke euskal zerbitzu publikoen kalitatean”.

Sindikatuak dio bi aldiz eskatu duela gaiari buruzko bilera Funtzio Publikoaren Euskal Kontseiluarekin eta Negoziazio Mahai Nagusiarekin, besteak beste Europatik datozen epaiak betetze aldera. Eusko Jaurlaritzak organo horiei deialdia egiteko borondaterik ez duela salatu dute, ordea. Azaldu dutenez, jarrera horrek bultzatuta hasi dira erreklamazioak aurkezten.     

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Prekarietatea kanaletik interesatuko zaizu...
2018-10-19 | Hala Bedi
Simply supermerkatuak jai egunetan irekiko dituztela salatzeko langileen grebak jarraipen zabala izan du

Enpresa Komiteak hala erabakita, Gasteizko Simply supermerkatu guztietan greba egin dute urriaren 18an, supermerkatu asko ixtea lortuz. Gasteiz Hiribidean kokatuta dagoen supermerkatuak igandero, urteko 365 egunetan eta 07:00etatik 01:00ak arte ireki nahi ditu ateak: bertako langileek igandero egingo dute greba, supermerkatua itxita mantentzeko asmoarekin.


2018-10-18 | Topatu.eus
#GazteBira, prekarietatearen kontrako norantzan

Urriaren 11, 12 eta 13an, Ernai gazte antolakundeak deituta Hego Euskal Herriko lau hiriburuetatik pasa zen Gazte Bira ekimena. Prekarietateak gazteen bizitzak zeharkatzen dituen moduak azaleratzea eta Oraina borrokatzeko koordenadak txostena hedatzea helburu, hezkuntza, enplegua, etxebizitza eta feminismoa izan zituzten hizpide gazte mugimendu ezberdinetako partaideek.


"Zahar egoitzetako langileek sektore maskulinizatuetakoek baino %30 gutxiago kobratzen dute"

Txomin Lasa ELAko erresidentzietako arduraduna da Gipuzkoan. 2017an negoziazio mahaiak ezer eman ez zuela-eta greba egunak jarri dituzte urria-azaroa-abendurako. ELAk sektore estrategikotzat du egoitzetakoa, adinekoen zaintzaz ari delako eta sektore feminizatu eta prekarizatua delako.


2018-10-07 | Jon Torner Zabala
Jokoa normalizatzea, apustu arriskutsua

Gure herrietako denda eta ostatu ugarik itxi dituzte ateak, eta zabaltzen ari dira joko-areto berriak, kirol-apustuen gerizpean nagusiki. Geroz eta gazteago murgiltzen gara jokoan, neurri handi batean Internetek –telefono mugikorrak– eskaintzen duen erosotasun eta bat-batekotasunak hauspotuta. Abantaila dirudiena, ordea, kalterako da sarri, adikzioa borrokatzea helburu duten elkarteetatik diotenez. Kalterako den bezala jokoak duen irudi geroz eta normalizatuagoa, Gasteizko... [+]


2018-10-03 | Goierriko Hitza
Pertsona bat hil da Gabirian, zama-kargagailu bat irauli eta azpian harrapatuta

Istripu larria gertatu da gaur goizean, Gabiriako Ugaran bailaran. Fenwick erako zama-kargagailu batean zihoan pertsona bat hil da, 11:15ean, ibilgailua irauli eta azpian zapaldu duenean. Trafiko Zuzendaritzak 11:25ean eman du istripuaren berri. Tokian bertan hil da pertsona. Beasaindarra da hildakoa.


Beste langile bat hil da AHTren obretan: azpikontratatua eta atzerritarra

Abiadura Handiko Treneko obretan ari zela langile bat hil da Zizurkilen asteartean arratsaldeko 18:30ean. Egun gutxiren buruan obra horretan zendutako bigarren langilea da.


2018-09-24 | ARGIA
Langile bat hil da Zornotzako AHTren obretan

Lanaldiaren ostean ondoezik sentitu eta konortea galdu zuen, eta medikuek ezin izan zuten suspertu. Astebetean jazotako hirugarren lan istripu hilgarria da Zornotzakoa.


2018-09-23 | I˝aki Murua
Zuri, behin-behineko kontratupeko horri!

Hitzarmenak kontratu bilakatu ordez kontrakotu ditugun garai hauetan, berrogeitaka urte lan kontratu amaigabean arituta, bizitzak ziurgabetasun osoan ezarri nauenean, urtero lan kontratua luzatuko ala etengo zaien jakin gabe eta etorkizuna etorkin duten arren, daukaten onena ematen ari diren langile horiei, begirunez eta goxotik.  

Oharra:
1. Goitik behera eta ezkerretik eskuinera irakurtzeko antolatuta daude bertsoak, gure gizarteko politikaren ildo eta noranzko berari jarraituz.
2... [+]


2018-09-21 | ARGIA
Arartekoak Lanbide zentsuratu du haurdun batekiko jarrera dela eta

Lanbidek berreskatu nahi izan du, haurdun bati laguntza sozial gisa emandako 9.000 euro. Emakumeak bere bizitza arriskuan ikusi du eta lana laga. Arartekoak Eusko Jaurlaritzaren jarrera zentzura du. 


2018-09-21 | ARGIA
Bi egun, beste bi langile hilda: kamioi gidaria Galdakaon eta basomutila Gamarten

Uda honetan Euskal Herrian hildako langileen zerrenda luzeari beste bi gehitu zaizkio aste honetan. Gamarten, Donibane-Garazi ondoan, basomutilari adarra jauzi zitzaion asteazkenean. Ostegun goizean berriz, kamioi gidari bati bihotzekoak eman dio lanean ari zela autobidean, Galdakao parean.


Eguneraketa berriak daude