Trapagarango Productos Tubulares enpresan lanean ari zela hil da langilea. Igorreko Langoitia Estructuras Metálicas azpikontrataren enplegatua zen.
25 urteko langilea da Trapagarango Productos Tubulares enpresan hildakoa. Teilatuan ari zen jardunean 15 eta 20 metro arteko altueratik erori denean, eta istripuaren ondorioz bizia galdu du. Gaztea ez zen Trapagarango enpresako langilea, Igorreko Langoitia Estructuras Metálicas azkikontrataren enplegatua baizik.
Ezbeharraren ondorioz, Productos Tubulares enpresako langileek ostiraleko jarduna etetea erabaki dute. Enpresako komiteak jakinarazi duenaren arabera, enpresari eskatu diote ostiraleko lanuzteagatik deskontatu zaien soldata zendutako langilearen familiari emateko.
LAB sindikatuaren zenbaketaren arabera, 47 dira aurten Euskal Herrian hildako langileak, eta beste batek desagerturik dirau Zaldibarko zabortegian. Naiz-ek jasotako sindikatuaren adierazpenetan, jakinarazi dute iaz hildako langileen kopurua igaro dela aurtengoan, urtea amaitzeko lau hilabeteren faltan: "Aurten dena izan da berezia, konfinatuta egon gara eta, hala ere, iaz baino lan-istripu hilgarri gehiago izan dira. Izan ere, 2019an 46 pertsona hil ziren, eta aurten, urtea amaitu gabe, 47 dira hildakoak eta langile batek desagertuta jarraitzen du. Jakina, ez da neurririk jartzen osasuna eta bizitza gal ez ditzagun".
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Astelehen arratsean gertatu da ezbeharra, Arrasaten, hiru metroko sakonerara erorita.
Ostegun eguerdian gertatu da ezbeharra Cementos Portland enpresan, Olaztin. Urtea hasi denetik 15 langile hil dira Euskal Herrian.
Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek... [+]
Urizaharreko harrobian lanean ari zela hil zen behargin bat joan den ostiralean, makina batek harrapatuta. Urtea hasi denetik, zortzi langile hil dira.