Bilbo helburu turistikoen bigarren postuan mundu mailan, Airbnb-ren arabera
Airbnb plataformak publiko egin du datorren urtean bidai joera nagusi izango diren lekuen “Top 20a”. Mundu mailan, Bilbo izango da turista gehien jasoko dituen bigarren helmuga.
Datorren urtera begira jendea egiten ari den erreserbei erreparatuta osatu du zerrenda Airbnb plataformak. Milwaukee (AEBak) eta Buriram (Tailandia) artean, bigarren postuan ageri da Bilbo.
Bizkaiko hiriburua zerrendan bigarren postuan kokatzeko arrazoien artean legoke Airbnb-k hirian izan duen urtetik urterako %402ko igoerak. Datu horri erreparatuta, uler daiteke pisu turistikoak bizileku diren pisuak ordezkatzen ari direla Bilbon.
Datuen irakurketa egin du soziologian doktorea eta etxebizitza eskubidearen defendatzaile Javier Gil-ek twitter bidez. Gilek azaldu du AirDNA bidez jasotako datuen arabera, Airbnb bidez Bilbon etxebizitza bat alokatzeak eguneko 122 dolar (109,69 euro) balio duela, batez beste. Eta etxebizitzak okupatuta egoten dira, batez beste, hilean 22 egunez. Bi datu horiekin kalkulatu daiteke pisu turistiko batek hilean izan dezakeen diru sarrera zein den: 2.420 euro.
Horrek duen eragina zein den ere azaldu du: pisu turistikoek bizileku diren etxebizitzak ordezkatzen dituzte, alokairuan dauden pisuen eskaintza murriztuz eta horien prezioa igotzea eraginez. “Higiezinen errentak igotzean, espakulatzaileenak ere igotzen dira”, zehaztu du.
Hari honetan, Gil-ek egindako irakurketa osorik:
1. Airbnb ha anunciado los 20 destinos tendencia del próximo año a nivel internacional
En la posición número dos: Bilbao 🤦♂️
Esto se debe a que Airbnb en Bilbao ha tenido un incremento interanual del 402%. Esto es un problema para la ciudad y sus habitantes #hilo pic.twitter.com/mAnoWp2adS
— Javier Gil (@Gil_JavierGil) November 3, 2019
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.
Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.