2020an galerak izan dituzten autonomoei 2019an ordaindutako zergak itzuliko dizkie Gipuzkoako Aldundiak

  • Hala adierazi du Eider Mendoza Gipuzkoako Foru Aldundiko bozeramaileak. 13 milioi euro inguruko eragina izan dezakeela kalkulatu du.


2020ko abenduaren 02an - 11:29
Eider Mendoza Gipuzkoako Foru Aldundiko Bozeramailea (argazkia: GFA).

Gipuzkoako Foru Aldundiko Gobernu Kontseiluak astearte honetan neurri fiskal berriak jasotzen dituen Foru Dekretu eta Arau berria argitaratu ditu, COVID-19ren krisia hasi zenetik hamaikagarrena. Eider Mendoza Foru Aldundiko bozeramaileak astearte honetan "carry-back" izeneko neurria ezagutarazi du eta Gipuzkoan, 13 milioi euro inguruko eragina izan dezakeela aurreikusi du.

Mendozak azpimarratu duenez, laguntza eskatzeko prozedura oso erraza da, izan ere, lauki bakarra bete behar den eredu bat aurkeztean datza. Urtarriletik aurrera pandemiak jotako enpresa eta langile autonomoek berehalako likidezia izan dezaten gauzatu dute neurria, izan ere, azaldu duenez, autonomo askok une honetan duten arazoa diru-sarrerarik ez izatea da, edo dituztenak oso baxuak dira. Bitarean, gastuek berdin jarraitzen dute. "Laguntza hau zergadunen kolektibo honi zuzenduta dago zehazki: ez dituzte aurtengo zergak ordaindu behar zatikako ordainketak salbuetsita dituztelako eta, gainera, carry-back-arekin aurreko urteko zergak ere itzuliko dizkiegu".

Hasiera batean, neurria autonomoentzat da, baina argi dago onuradun nagusiak pandemiaren ondorioz negozioak itxita dituztenak izango direla, hala nola ostalaritzarekin edo turismoarekin lotutakoak. Eskaerak ekitaldia ixtean aurkeztu beharko dira, benetako galerekin, eta datorren urteko otsaileko urtarrilean eskatu ahal izango dira.


Kanal honetatik interesatuko zaizu: Ogasuna
Analisia
Erreforma fiskala, oraingoz ezta ere

Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]


2023-07-21 | Gedar
Txosnak 'TicketBai' erabiltzera behartu nahi ditu Gipuzkoako Foru Aldundiak

"Irabazi-asmoa" dutela iritzita, "Ogasunean izena ematera" beharko dituztela iragarri du Eider Mendoza Gipuzkoako Ahaldun Nagusiak.


2023-02-01 | ARGIA
Araba, Bizkaia eta Gipuzkoan fiskalitatea aldatzeko asmoa agertu dute EAJk eta PSOEk

Bi alderdiek azaldu dutenez "elkarrizketak" abiatu dituzte zerga sistemaren inguruko erreforma egiteko. Helburuetako bat "progresibitatea handitzea" izango dela diote, baina prozesua udal eta foru hauteskundeen ondoren amaituko dela ohartarazi dute.


Analisia
Fiskalitate desberdina

Pertsona Fisikoen Errenten Zerga deflaktatuko du beste behin Eusko Jaurlaritzak urtarrilaren 1etik aurrera, oraingo honetan %5,5, Iñigo Urkulluk Eusko Legebiltzarrean iragarri duenez. Aditu eta ekonomialari askoren aburuz, baina, neurri horrek desberdintasun sozialak... [+]


Eguneraketa berriak daude