17 milioi euro publiko irentsi ondoren, Hiriko auziko alde penala epaiketarik gabe itxi da

  • Hiriko auziaren alderdi penala artxibatu du Arabako Auzitegi Probintzialak, proiektuaren bultzatzaileek deliturik egin zutela ondorioztatzeko froga nahikorik ez dagoela adieraziz.


2019ko otsailaren 27an - 10:45
Jesus Echave (eskuinean) Hiriko proiektuaren bultzatzaileetako bat, auto elektrikoaren prototipo bat erakusten orduan Europar Batzordeko buru zen Durao Barrosori.

Diru publikoa bidegabeki erabiltzea, diru-laguntzetan iruzurra egitea eta bidegabeko jabetzea leporatuta, Hiriko auto elektrikoaren proiektua bultzatu zuten lau pertsonak akusatu zituzten. Gutxienez hiru urteko kartzela-zigorra jaso zezaketen eta gehienez hamabikoa, baina epailearen erabakiaren ondoren, libre geratuko dira, ahozko epaiketarik egitera iritsi gabe.

Noticias de Gipuzkoa egunkariak azpimarratu duenez, ordea, asteartean jakin zen epailearen erabakiak badu letra txikia: auzia “behin behinean” artxibatzea erabaki du eta horrek esan nahi du froga berriak agertuko balira, berriz irekitzeko aukera legokeela. Baina hori gertatzen ez bada, auziaren alderdi penalaren bidea hemen bukatzen da.

Eusko Jaurlaritzak eta Espainiako Gobernuak 17 milioi euroko laguntzak eman zizkieten Hirikoren arduradunei Araban ekoiztu behar ziren “euskal auto elektrikoen” proiektua garatzeko, baina egitasmoa ez zen inoiz gauzatu.

Alderdi administratiboaren epaia 2017ko abenduan egin zen publiko eta kondena arina jarri zien epaituei, kasuaren tamaina kontuan izanda: 530.000 euroko isuna eta bi urteko inhabilitazioa enpresak kudeatzeko Afypaida enpresa sortu zutenentzat –sozietate horrek garatu behar zuen Hiriko auto elektrikoa–.

Epai hura aste honetako erabakiaren aurrekaritzat jo daiteke. Errudun jo zituen Jesus Echave –aurretik Kutxabankeko kontseilari izana, EAJk proposatuta– eta Iñigo Antia –EAJko zinegotzi ohia Gasteizen–, baita Fernando Achaerandio eta Jose Luis Bengoechea enpresariak ere, baina zuhurtzia falta larriagatik bakarrik zigortu zituen epaileak, ez diru publikoaz era bidegabean jabetzeagatik.


Kanal honetatik interesatuko zaizu: Ustelkeria
EAJk Mundakako bere alkatea presionatzen zuen, udaleko idazkariaren gainetik aritzeko

Mundakako alkatea Mikel Bilbao zen gertaerak deskribatzen diren garaian, 2019 eta 2020an, eta EAJko herriko Uri Buru Batzarrak presioa egin zion aurreko udalak kontratatutako zerbitzu juridikoak berriz kontratatzeko. Udaleko idazkariak kontratazio horren aurkako txostena egin... [+]


Ustelkeriaren normalizazioa

904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]


Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


‘Bidegi auzia’ berriz ireki eta txosten independentea egiteko agindu du Gipuzkoako Auzitegiak

EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]


Jaurlaritzak ez zuen Zubietatik Artaxoara eramandako hondakinen karakterizazioaren berri

Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]


Eguneraketa berriak daude