109 Nobel saridunek transgenikoen harira egindako salaketari erantzun dio Greenpeacek

  • 109 Nobel saridunek Greenpeaceri transgenikoen aurka ez egiteko eskatu zioten uztailaren 1ean argitaratutako gutun irekian, baita urre koloreko arrozaren kontrako jarrera baztertzeko ere. Haien esanetan, elikagai horrek Afrika eta Asia hego-ekialdean A bitaminaren defizita duten pertsonei lagundu diezaieke, kasu batzuetan heriotza saihestuz.


2016ko uztailaren 05an - 12:51
Arroz arrunta eta urre kolorekoa, elkarren ondoan. Bigarrenaren aurka jarrita milioika laguni kalte egiten diela leporatu diote Greenpeaceri ehundik gora Nobel saridunek (Arg.: IRRI-CC By).

Geneak aldatuta dauzkan urre koloreko arroza, hain justu, gizakiok A bitamina gehiago lortzeko sortutako elikagaien artean aitzindaria litzateke. ADNaren egitura aurkitu zuen James Watson estatubatuarrak eta Ada Yonath biokimikari israeldarrak sinatu dute oharra, besteak beste.

Greenpeaceren erantzuna

Mundu osoan ekoizten den elikagaien %30 zaborretara joaten dira. Horrekin munduan bizi garen guztiok elikatzeko adina janari dagoela adierazi du Greenpeacek, eta transgenikoek ez dutela gosearekin amaituko, hori baino konplexuagoa baita egoera. Gaineratu du merkaturatzen diren labore transgenikoen %80 animalientzako pentsuetara eta bioerregaietara bideratzen direla.

Nazio Batuen Erakundeak egindako laborantza eta garapenaren inguruko azken ikerketaren ondorioekin bat egin du Greenpeacek, eta adierazi du nekazaritza ekologikoak pobrezia arintzen duela. Transgenikoek, bestalde, ondorio kaltegarriak dituztela sozialki eta ingurumenean.

Urre koloreko arrozaren inguruan, erakunde ekologistak adierazi du hogei urteko ikerketaren ostean genetikoki aldatutako arroz mota hori oraindik ez dagoela merkaturatzeko moduan.

Greenpeacek gaineratu ez dagoela bioteknologiaren eta transgenikoen inguruko ikerketaren eta erabileraren aurka, baina bai transgenikoak ingurumenean zabaltzearen aurka, biodibertsitatean kaltea eragin eragin dezaketelako. Erakundeko kide Luis Ferreirimen esanetan, “oraindik ezezagunak dira elikagai transgenikoek epe luzean segurtasunerako izan ditzaketen ondorioak; ez dago horri buruzko kontsentsurik zientzian”.


Kanal honetatik interesatuko zaizu: Transgenikoak
Opari ederra Bruselak transgeniko ekoizleei: bukatu dira orain arteko kontrolak

Agroindustriaren alde doan erabaki garrantzitsua hartu zuen Europako Batzordeak otsailaren 7an: NBT New Breeding Techniques teknikaren bidez genetika moldaturik duten haziak ez ditu transgeniko gisa sailkatuko. Hori horrela, transgenikoei orain arte egindako kontrol, segipen eta... [+]


Glifosatoa beste hamar urtetarako baimendu dute: "Osasun publikoa eta biodibertsitatea arrisku handian daude"

Herbizida kutsagarria debekatzeko adostasunik ez dute lortu Europako Batzordeko 27 herrialdeek eta ondorioz abenduaren 15ean iraungitzen zen erabileraren baimena luzatu dute, hainbat murrizketekin. Nekazaritzan oso erabili izan den Bayer multinazionalaren produktuak minbizia... [+]


Transgenikoak eta glifosatoa debekatu dituen Mexiko jomugan du Monsanto erosi zuen Bayerrek

“Arto indigena babesteko” eta “elikadura burujabetzaren alde”  hartu zuen Mexikoko Gobernuak arto transgenikoen ekoizpena eta inportazioa baita glifosatoa deitu herbizida ere debekatzeko erabakia 2020ko abenduaren 31n. Orduz geroztik, atzera... [+]


Eta COVID-19 OGM bat baldin bada?

Mundua astindu duen SARS-CoV-2 saguzarren birus baten mutazio natural bat ote da –gizakiak azken hamarkadetan munduko leku askotan  ingurumenean eragindako transformazio larriei lotua ziurrenik, alde horretatik ere gizakiak probokatua– ala tartean zientzialariek... [+]


Eguneraketa berriak daude