Amazonen Trapagarango logistika-zentroko grebak %100eko jarraipena izan du, LABen arabera
Hitzarmen baten negoziaketa, KPIaren araberako soldata igoera, asteburuetako lan jarduna mugatzea eta saritzea, eta banatzaileei subrogazio eskubidea aitortzea. Exijentzia horiek helarazi dizkiote Amazoneko langileek patronalari, eta negoziaketak hasi ezean grebari jarraipena emateko asmoa agertu du LAB sindikatuak.
aurre egingo dieten hedabide independenteak
Amazonek zukutu egiten du. Hitzarmen baten alde zioen pankartaren atzean bildu dira astelehen goizez Trapagarango (Bizkaia) Amazonen logistika-zentroko langileak, lantegiko atarian. Greba zuten deitua, eta iragarri bezala, lau orduko lanuztea egin dute, 05:30etatik 09:30etara. LAB sindikatuaren arabera, grebak erabateko jarraipena izan du, plantilla osoaren parte-hartzearekin. 109 langile dira guztira, eta banaketa lanez autonomoak diren edo azpikontratatuta dauden 300 bat langile arduratzen dira.
2019an biltegia ireki zutenetik egindako lehenbiziko grebaren bidez hitzarmenaren negoziazioa eskatu dute. Izan ere, gidarientzat pentsatutako Bizkaiko garraio lan hitzarmenaren eraginpean ari dira lanean.
Beste aldarrikapenik ere mahai gaineratu dute grebaren bidez. Batetik, ituna 2024ra arte egongo da indarrean, eta datozen bi urteetarako %3,5eko eta %3ko soldata igoerak aurreikusten ditu. KPIaren igoerarekin alderatuz gero soldaten igoera horiei urri iritzirik, grebaren bidez egindako eskaera bat izan da soldatak KPIaren arabera igotzea. Berriak jaso duenez, uneotan, langileen urteko soldata gordina 19.400 eurokoa da, soldata garbia 15.600 euro ingurukoa izanik; 1.040 euroko hamabost ordainketa jasotzen dituzte.
Asteburuetako lan jarduna mugatzea ere eskatu dute. LABek jakinarazitakoaren arabera, geroz eta asteburu gehiagotan lan egin behar izaten dute langileek, ordainetan pizgarririk jaso gabe. Hala bada, asteburuetako lanorduak mugatu, eta egiten direnak saritzea exijitu dute.
Banatzaileentzako subrogazio-eskubidea da egindako beste eskakizuna. LABen arabera, langile horiek "izugarrizko prekarietatea" jasaten dute: "Jarduera garatzeko ezinbesteko zerbitzua izanik, ezegonkortasuna, egutegi falta, soldata baxuak eta, hori gutxi balitz, aplikatzen zaien estatu mailako mezularitza-hitzarmenak ez du subrogazioa bermatzen". Hala bada, subrogazio eskubidea bermatu dadin ere exijitu dute, enpresa azpikontratatzailea aldatuta ere Amazoneko lanari eutsi ahal izateko.
Puntu horien inguruan negoziaketari ekin nahi diote langileek. Halakorik gertatu ezean, greba deialdiekin jarraitzeko asmoa agertu du LABek, Onda Vasca irratiak jaso duenez.
LABek egindako bideo honetan ikus daitezke protestaren irudiak.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Etxeko langileek jasaten duten "prekaritateari" aurre egiteko, "neurri zehatzak" biltzen dituen dekalogo bat aurkeztu du sindikatuak, Bilbon. Auzia lehenbizi Espainiako Auzitegi Gorenera eraman zuela jakinarazi du LABek, baina auzitegi horrek ez diola... [+]
ELA, LAB eta ESKk Eusko Jaurlaritzako Ekonomia, Lan eta Enplegu Sailaren proposamena errefusatu dute, nahikoa ez dela arrazoituta. 100 egun baino gehiago daramate lorezainek greban.
Lurraldeko erresidentzietan eta eguneko zentroetan 5.000 langile daude, eta horietako %40k borondatezkoak ez diren kontratu partzialak dituzte. Aldundiari dagokion ardura hartzeko eskatu dio ELA sindikatuak.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]