100 jardueratik gora aurtengo Zaharraz Harro jaietan
Gasteizko Alde Zaharreko jai herrikoiak ekainaren 27an hasi eta uztailaren 3ra arte luzatuko dira. Pandemia testuinguruko azken bi urteetan jaiak mantendu zituzten auzotarrek debekuen gainetik, formatu txikiago eta seguruan, baina aurten indarberritutako egitaraua osatu dute.
Dazaharrazharrogun, enkaskotate da Zaharraz Harro! jaien aurtengo leloa. Hasiera ofiziala Bollerias plazako txupinak emango dio Zaharraz Harrori, ekainak 27ko 18:00etan, eta amaiera destxupinak, uztailaren 3ko igandeko 19:00etan. Bitarte horretan gozatu ahal izango dituzte auzotarrek eta Alde Zaharrera hurbiltzen direnek antzerkiak, hitzaldiak, tailerrak, kontzertuak, film labur lehiaketa, liburu aurkezpenak, kirol jarduerak, haurrentzako zein helduentzako ginkanak, erakusketak, mobilizazioak...
Egun guztietan daude hamaika jarduera, baina ohi bezala larunbata dute azpimarratuta antolatzaile eta parte-hartzaileek: aldarrikapen jolasa, ginkana erraldoia, herri bazkaria eta Gaztetxeko goatekea ospatuko dituzte uztailaren 2an, besteak beste.
Auzotik auzoarentzat
Auzo harrotasuna, autogestioa eta parte hartzea ditu ardatz Zaharraz Harrok. Auzokideen asanblada ireki batek sustatzen ditu baina, autoantolakuntza aldarri, programa guztitik jarduera gutxi batzuk soilik antolatzen ditu asanbladak –txupinazoa, umeen eta helduen ginkanak, herri bazkaria (jatekoaz norbera arduratu behar da), Gaztetxeko goatekea, film laburren lehiaketa eta destxupina–.
Beste dozenaka jarduerak auzoko kolektibo, auzokide, taberna eta komertzioak antolatzen dituzte beren kabuz, eta asanblada beharrezko baimenak kudeatzeaz eta propaganda eta dekorazio lanez arduratzen da. Zaharraz Harrok ez du diru laguntzarik jasotzen erakundeetatik. Diru iturri bakarra auzoko taberna eta komertzioen ekarpenak eta komertzioek emandako produktuekin osatutako saskiekin saltzen diren txartelak dira.
Hemen programazioa osorik:
.jpg)
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
Kai Nakai, Maren eta Olatz Salvadorren kontzertua bertan behera utzi zuen Bilboko Udalak joan den igandean. Hiru musikariek azaldu dute gertatutakoa.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Eta, honekin bai, honekin amaitu da Donostiako Aste Nagusia! Piratei aste bete motz geratzen zaiela eta, egun bat gehitzen diote Aste Nagusiari. Aurten hogeigarren urtez jarraian egin dute Irrikitaldia.
Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Bilboko Konpartsen Federazioak 2025eko Aste Nagusirako prestatu duen egitaraua aurkeztu du Arriaga Plazan. Federazioak, konpartsek eta Jai Batzorde Mistoak 600 jarduera baino gehiago prestatu dituzte, "gustu guztientzako ekintzez betetako Aste Nagusiaz gozatzeko".
Gasteizen igandean eginiko agerraldian, Txosnak. Gureak, denonak dinamikako kideek gaitzetsi dute txosnak ez direla enpresen gisara tratatu behar: "Gure ospakizunak edukiz hustu nahi dituztenen kontra, konpromisoaren, aniztasunaren eta autogestioaren alde egiten... [+]
Beste urte batez Los 40 Summer Live jaialdia ospatuko dute Zarautzen, eta horren kontra agertu dira herriko hainbat eragile, haien ustez, garrantzi handiagoa ematen zaiolako ekitaldi horri herriko jaiei baino: "Argi erakusten du gure herrian zeinentzat dauden erraztasunak... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
Madalenetan murgilduta gaudela irakurriko duzue askok artikulu hau, bestela ere pentsatu gure etorkizuneko egunerokoan, jai giro herrikoiak aurrez irudikatzen duen herria baita urte osorako desio dugun herri eredua, deskantsu pixka bat gehiagorekin, noski. Badira urte batzuk... [+]
Alde Zaharreko Ekimeneko Ana Sagastirekin hitz egin du Euskalerria Irratiak, bertako bizilagunek sanferminak nola bizi dituzten ezagutzeko. Bederatzi egunez eta 24 orduz soinua gehiegizkoa eta pixa usaina erabatekoa dela esan du. Jaia eta egunerokotasuna uztartzeko... [+]