'Utikan Euskadi Sariak' manifestua sinatu dute 30 idazlek
Hogeita hamar bat idazle eta itzultzailek Utikan Euskadi Sariak manifestua aurkeztu zuten ostiralean (16) Donostiako Bulebarrean. Gaur arte, sariketa horren kontrako iritziak azaldu izan dira han hemenka, baina Jon Alonsok ARGIAren urtekarian idatzitako Euskadi Sariak artikuluak eztabaida sakonagoa piztu du. Hainbat idazlek egin dute bat egunotan Alonsok esandakoekin, eta manifestua urrats berria da. Sinatzaileek uko egiten diote Euskadi Sarietan parte hartzeari, "hala lehiatzaile gisa nola epaimahaiko gisa". Diotenez, "sarion helburua ez da literatur kalitatearen gaineko ebazpen zintzoa ematea". Aitzitik, "helburua egungo aginteari otzana zaion jardun intelektual eta literario bat sortzea ez ote den hasiak gara sumatzen". Euren hitzetan, "horretarako antolamendu instituzionaletan behin eta berriz ageri den literatur aditu multzoaz eta zenbait erakunde gremialen dependentziaz baliatzen dira Euskadi Sariak". Edorta Jimenezek irakurri zuen agiria eta besteak beste, Txillardegik, Xabier Mendiguren Elizegik, Josu Landak, Koldo Izagirrek, Julen Gabiriak, Iñigo Aranbarrik eta Jon Alonsok sinatu dute. Manifestuari atxikimendua erakutsi nahi dienak www.utikan.com web gunean du horretarako aukera.
Ondorengoek irabazi dute euskarazko kategorian: Arantxa Urretabizkaia, Patxi Zubizarreta, Miren Billelabeitia, Maialen Berasategi, Joxe Mari Berasategi eta Joseba Larratxek.
Aita-alabek Abdulrazak Gurnah-en Paradisua liburua itzuli dute euskarara. Tanzaniarrak Literaturako Nobel saria irabazi zuen 2021ean. Miren Billelabeitiak Saiakerako Euskadi saria jaso du Norberak maite duena. Hitza gogoan, irakurketa biziz lanagatik.
Azken Etxea, Zerria eta Ni ez naiz Mikel Laboa lanak saritu ditu epaimahaiak Euskarazko Literatura, Haur eta Gazte Literatura eta Ilustrazioa kategorietan hurrenez hurren. Oraindik beste lau irabazle daude jakinarazteke.
Euskarazko Literatura saria jaso du Apaolazaren 'Bihurguneko nasa' ipuin bildumak, Euskarazko Haur eta Gazte Literatura saria Bilbaoren 'Barruko hotsak' albumak, eta Literatur Lanaren ilustrazioaren saria Mutuberriaren 'Irrimola' lanak.
Urriaren 14an jakianrazi zituzten sarietuetako zenbaiten izenak, eta asteazkenean eman dituzte ezagutzera gainontzekoak. Pello Lizarralde, Anjel Lertxundi, Joxan Elosegi, Alex Gurrutxaga, Mikel Reparaz, Txani Rodriguez eta Javier de Isusi dira 2021eko edizioko sarituak.