Txinako presoen esklabo lanak erosten dituzte British Airways eta Emirates hegazkin konpainiek

  • Txinako Dongguan hiriko kartzelan egindako entzungailuak erabiltzen dituzte British Airways eta Emirates hegazkin enpresek, beste batzuen artean, Australian Financial Review egunkariak argitaratu duenez. Kartzela horretako presoek ekoizpen helburuak betetzen ez badituzte jipoiak eta bakartzeak jasaten dituztela nabarmendu dute.

Gorka Bereziartua Mitxelena @boligorria
2013ko ekainaren 26a
Dongguango kartzelan ekoiztutako entzungailuak.

Danny Cancian Zeelanda Berriko herritarra da egunkari australiarraren iturria. Dongguango kartzelan egon zen eta iaz atera zen kalera. Kontatu duenez, erabili eta botatzeko entzungailuak egin zituen Qantas airelinea australiarrarentzat, baita Emirates eta British Airways konpainia handientzat ere.

Txinako kartzelan ekoiztutako produktuak saltzen ditu Electrolux enpresa suediarrak ere, Cancianek dioenez.

Australian Financial Reviewk aipatutako enpresen ordezkariekin hitz egin du eta ukatu egin dute salaketa. Baina Dongguaneko presoen lanaz baliatzen den Joystar Electronic Co. enpresako ordezkari batekin hitz egin ondoren, Qantasek entzungailuak erosi zituela baieztatu du.

Presoak ekoizpen industrialerako erabiltzea ez dago debekaturik Txinan eta kartzelak ekonomikoki buruaskiak izan behar dutenez, baldintza oso txarretan lan egitera behartzen dituzte kondena betetzen ari diren pertsonak. Cancianek azaldu duenez, astean 70 orduz lan egiten dute Dongguango presoek.

Kanal hauetan artxibatua: Esklabotza  |  Industria  |  Txina

Esklabotza kanaletik interesatuko zaizu...
Beltzek ez dakite igerian

Martinika, 1679. Esklabo-ontzi bat hondoratu zen uhartearen parean, eta esklabo afrikar batek –haren izenik ez da gorde– 60 ordu eman omen zituen igerian lehorrera iritsi arte. 300 urtetik gora beharko zituzten zuriek marka hura ofizialki berdintzeko.


Drapetomania, ihesaren gaitza

New Orleans (AEB), 1851. Samuel A. Cartwright medikuak idatzitako Diseases and Peculiarities of the Negro Race (Arraza beltzaren gaixotasunak eta berezitasunak) artikulua argitaratu zen New Orleans Medical and Surgical Journal aldizkarian. Bertan, berak izendatutako gaixotasun baten berri jaso zuen: drapetomania edo gatibutzatik ihes egiteko gogoa. Ustezko gaitza esklabo beltzen artean oso zabalduta zegoela zioen, eta prebenitu eta sendatzeko aholkuak ematen zituen.

 


Nire ‘Smartphone’ak poeta txinatar prekarioa darama zirkuituetan

Blackberry, iPad, iPhone edo Kindle deitu, Apple, Microsoft, Sony, Amazon nahiz Samsungi erosirik errutinazko bilakatu zaigun tresneria elektroniko berri gehienak Txinako lan ia esklaboz eginik daude. Orain, gainera, robot berriek sortutako konkurrentzia berriarekin mehatxatzen dituzte obrero txinatarrak, fabriketako lan baldintza zanpatzaileak gatazkarik gabe onartu ditzaten.


Nork ordaintzen du hain merke erosten dugun arropa?

Rebecca Gallagher gazte galestarra zur eta lur gelditu zen Primark dendan erosi zuen 12 euroko soinekoa garbitzeko jarraibideak irakurtzen hasi zenean.


2015-11-29 | June Fernandez
Verónicaren bihotza

Verónica del Carmen Serranoren bihotza urriaren 13an eten zen. 28 urte besterik ez zituen. Verónicaren bihotza nekatuta gelditu zen. Adineko pertsona bat zainduz lan egiten zuen, barne langile. Ez zuen deskantsatzeko denborarik, ezta medikura joateko eskubiderik ere, paperik gabe bizi baitzen Euskal Herrian. Nikaraguakoa zen, Somotokoa.

Zorigaitza baino ezbeharra izan da. Errua ez da patuarena. Ez da zorte kontua izan, bidegabekeria hutsa baizik. Hainbat elkartek, Munduko... [+]


"Zarak Asian ekoizten duenaren %100a umeen eskulana da"

“Pakistanen ume bat erostea oso merkea da eta behin hori eginda, nahi duzuna egin dezakezu harekin. Horregatik beti diot Zara, Mango, Ikea edo H&M bezalako enpresetan ez erosteko, ematen diezun diruarekin, haiek 5 esklabo gehiago erosten dituztelako”.


Wall Street esklabotzari lotuta

Hudson ibaiaren ahoa, 1625. Mendebaldeko Indietako Nederlandar Konpainiak Amsterdam Berria sortu zuen, ibaian zehar abiarazitako larru salerosketa kontrolatzeko aukera ematen zien kokalekua. 1653an, bertakoen nahiz ingelesen erasoez babesteko, kolono herbeheretarrek zurezko eta buztinezko hesia eraiki zuten Amsterdam Berriko iparraldeko mugan. Edo zuzen esanda, hesia eraikitzeko agindu zuten, harresia benetan jaso zutenak 1627tik aurrera koloniara eramandako esklabo afrikarrak izan... [+]


Sari ustelak

Sariketa ugariren atzealdean dagoenaren adierazgarri, azken Oscarretan gertaturikoa: film onenaren garaikurra jaso duen 12 urtez esklabo lanaren alde bozkatu zuten bi epaimahaikidek onartu dute pelikula ikusi gabe eman ziotela botoa.


Kapitalismoaren aurkako ikurraren bilakaera

2003an antiglobalizazio mugimenduak gailurra jo zuen Irakeko gerraren aurka milioika herritar mobilizatuta. Inbasioa berdin gauzatu zen eta mugimendua gainbehera hasi zen. Hamar urte geroago eta krisialdi betean, non dago antiglobalizazioa –edo, zuzen esanda, altermundismoa–?


Eguneraketa berriak daude