Sidenorreko 1.500 langileen etorkizunaz hitz egiteko bilduko dira enpresako ordezkariak eta sindikatuak

  • Maltzagako planta itxi eta gainerako lantegietan enplegu orduak murriztu nahi ditu Sidenor enpresak, ehunka kaltetuz. ELA eta LAB sindikatuek azaldu dute ez daudela ados enpresak aurkeztutako neurriekin.  

Ainhoa Ortega Bretos @ob_ainhoa
2016ko abenduaren 01a
Sidenor enpresak bi urterako prestatu duen Lan Erregulazio Txostena (ERTE) aurkeztu du (Arg: Efe)

Sidenor enpresak bi urterako prestatu duen Lan Erregulazio Txostena (ERTE) aurkeztu du azaroaren 28an. Lanaldia erdira jaitsi nahi du enpresak bere lantegi guztietan, baita langileak lekualdatzeko, oporren zatiketa egiteko eta lanpostuak aldatzeko aukera izan ere. Horrez gain, Maltzagako lantegia itxi nahi duela iragarri du. Neurri horiek justifikatzeko arazo ekonomikoak, antolakuntzakoak eta produkziokoak aipatu ditu zuzendaritzak, eta negoziazio-prozesua abiatu du sindikatuekin.

Lan Erregulazio Txostenak Sidenorreko 2.500 langilerengan izango du eragina. Euskal Herrian sei lantoki ditu enpresak, 1.500 langile. Maltzagako planta ixteaz gain, Azkoitiko altzairutegian %62 jaitsi nahi ditu lanaldiak. Gasteiz eta Legutioko lantegietan %32 txikituko lituzke lanaldiak, %50 Legazpiko plantan, eta %20 Basauriko altzairutegian.   

ELA eta LABek ez dituzte begi onez ikusi enpresak aurkeztutako neurriak. ELAren ustez, “lan eskubideen murrizketa bat” da txostena, eta negoziazio-prozesuaren helburu nagusia lan-baldintzak “okertzea” da. Prozesuaren xedea hitzarmen kolektiboak aldatzea baldin bada, “juridikoki irregularra” eta “salatzeko modukoa” dela adierazi du sindikatuak.

LABek, bere aldetik, zuzendaritzak informaziorik eman ez izana salatu du. Enplegua Erregulatzeko Espedientea (EEE) bertan behera uzteko “exijitu” dio enpresari, eta proposamena baztertu egin du Sidenorrek. Sindikatuaren iritziz, bertako langileek “Lan Erregulazio Txosten gutxiago eta industria plan gehiago behar dituzte”.

Gaur bilduko dira bigarrenez enpresako zuzendaritza eta ELA, LAB, UGT, CCOO, USO, ESK eta CSIF sindikatuak Basauriko lantegian. Negoziazioari begira, Euskal Herriko lantokietarako etorkizuna eta enplegua “bermatuko” dituen industria plan bat aurkez dezala “exijitu” dio LABek enpresari. Eta ELAren iritziz, “bada garaia Sidenorreko industria-lantegien etorkizunaz hitz egin eta lorrinduta dauden lan-baldintzak hobetzeko”.

Kanal hauetan artxibatua: Prekarietatea  |  LAB  |  ELA

Prekarietatea kanaletik interesatuko zaizu...
LAB: "Eusko Jaurlaritzaren aurrekontu hauek pobreziara kondenatuko dute emakume asko"

Eusko Jaurlaritzaren aurrekontuak emakumeen prekarietate egoerari aurre egiteko biderik ez dutela eskaintzen eta berdintasun politikak marjinalak direla baloratu du LABek.


2017-04-16 | Juan Mari Arregi
Patronalaren lotsak eta "maite-maiteak"

Enplegu eta langabeziaz publikatutako martxoko azken datuek balio izan dute berriz ere mozorroa kentzeko Hego Euskal Herriko kapitalismo basatiari, Cebek eta Confebask patronalek ordezkatua. Poztu dira enplegu tasa pixka bat hazi delako, baina ezkutatu dute haren kalitate eskasa: behin-behinekoa, prekarioa eta soldata oso baxukoa.


2017-04-09
2 eurotan ezin da logelarik garbitu

Greba mugagabean zeuden Bilboko hoteleko garbitzaileek jabe berriarekin akordioa lortu dute eta euren lanpostuei eta lan-baldintzei eutsi ahal izango diete. Sektoreak azpikontratazioaren baldintza prekarioak jasaten ditu.


2017-04-09 | Estitxu Eizagirre
Burokrazia aplikatzen denean ez dezazun dagokizuna kobratu

Diru-Sarrerak Bermatzeko Errenta (DSBE, gaztelerazko RGI) eskubidea da. Eta ez “laguntza”, estigmatizatzeko erabiltzen den hitza. Emakumeak dira DSBE jasotzen duten gehienak (65 urtez gorakoak batez ere), eta emakumeak eta etorkinak dira irizpideek gehien zanpatzen dituztenak. EAEn udaberri nahasia aurreikusten da, DSBE-n aldaketak iragarri dituelako Jaurlaritzak maiatzerako.


2017-04-02 | Lander Arbelaitz
Euskal Oasia sutan

Txosten gordina argitaratu du HerriUni-ko kide Nekane Jurado ekonomialariak. Krisiaren lehen urte gisa hartzen den 2008 urtea egungo egoerarekin konparatu du, Hego Euskal Herrian ere aberats eta txiroen arteko arrakala zabaltzen ari dela agerian utziz. Bertan 533.222 pertsona pobreziaren mugatik behera bizi dela jakiteak argi uzten du “Euskal Oasirik” ez dela, aberasten jarraitzen duten gutxi batzuentzat ez bada.


Hotel Occidentaleko langileen borroka: 2 eurotan ezin da logelarik garbitu

Greba mugagabean zeuden Bilboko hoteleko garbitzaileek jabe berriarekin akordioa lortu dute eta euren lanpostuei eta lan-baldintzei eutsi ahal izango diete. Sektoreak azpikontratazioaren baldintza prekarioak jasaten ditu.


2017-03-31
Gazteak etorkizun bila II
MULTIMEDIA - erreportajea

Prekarietatean igerian dago euskal gazteria. Inoiz baino formakuntza maila handiagoarekin, baina lanik topatu ezinik, edo, aurkitzekotan, baldintza kaxkarretan. 2012an Euskal Herriko 20 eta 24 urte bitarteko biztanleriaren %84,7 zegoen goi mailako ikasketetan matrikulatuta. Langabezia tasa, ordea, handiena da gazteen artean: 2015ean 15 eta 24 urte arteko gazteen %37,4. Orotara, 15 eta 34 urte bitarteko 82.750 gazte daude gaur egun langabezian Euskal Herrian.

Egoera horretatik ateratzeko lan... [+]


AHTren Hernaniko obretako azpikontratak onartu du Gipuzkoako hitzarmena ezartzea
ARGIAk langileen esplotazioaren berri eman ostean, enpresak lan-baldintzak hobetzeko konpromisoa sinatu du ELA sindikatuarekin. Obretan izan gara berriz ere egoera zein den ikusteko.

2017-03-24 | Estitxu Eizagirre
Zortzi pertsonak gose greba hasi dute Jaurlaritzak DSBE ez murrizteko eskatuz

Diru Sarrerak Bermatzeko Errenta 60.000 familiak jasotzen dute EAEn. 2012an %7 murriztu zuen Jaurlaritzak hartzaileek jasotzen duten zenbatekoa. Kopurua lehenera itzultzea eta legeak dioena betez, Lanbidearteko Gutxieneko Soldataren araberako %8ko igoera eskatzen dute gose grebalariek.


2017-03-22
Gazteak etorkizun bila
MULTIMEDIA - erreportajea

Urtero milaka gaztek hartzen dute Euskal Herritik atzerrirako bidea. Maleta etxeko oroitzapenez bete, eta herria atzean utzita partitzen dira Espainiara, Frantziara, ala urrunagoko herrialdetara. Batzuek ikasketak egiteko joan behar izaten dute: lortutako nota bertan gelditzeko aski altua ez delako, ala, Ipar Euskal Herriaren kasuan, eskaintza oso urria delako. Beste batzuk lanaren prekarietateari ihes egin nahian joaten dira, baldintza hobeen bila.


Azkenak
EGILEA
Eguneraketa berriak daude