Sexu erasoak izan dira asteburuan Zornotzan eta Iruņean

  • Zornotzako jaien lehen egunean neska adingabe batek salatu zuen sexu erasoa eta erantzunez mobilizazioak izan dira herrian. Iruñeko Sanferminen azken egunean beste adingabe batek bortxaketa salatu zuen. Jaien balorazioa egin du Iruñeko Udalak eta salaketak jaitsi diren arren, oraindik egiteko asko dagoela azpimarratu dute.

Xalba Ramirez @xalbaram
2017ko uztailaren 17a
Zornotzan sexu erasoen kontrako kontzentrazioa egin dute herritarrek (Arg.: Anboto.eus)

Zornotzako Emakume Taldeak manifestazioa iragarri du datorren larunbat gauerdirako eta adierazi du eraso bakar bat gehiagorik ere ez dutela onartuko. Udalak ere sexu erasoen aurkako adierazpena onartu du eta babesa adierazi diote neskari eta senideei.

Iruñean berriz, jaien azken egunean Arrosadian bortxatua izan dela salatu du adingabe batek. Udaltzaingoan egin zuen salaketa gazteak, eta Iruñeko instrukzio epaitegiaren 3.aren aginduz Espainiako Polizia ari da ikertzen. Udaletik zuhurtziaz jokatzeko eskatu dute, neskaren “birbiktimazioa” ekiditeko.

Sanferminetan egondako erasoen balantzea egin du Udalak eta jaitsi diren arren, kasu bakarra dagoen bitartean “datu txarrak” izango direla adierazi dute. Bi sexu eraso eta hamabi sexu ukitu salatu dituzte, horietatik hamaika gizon atxilotu dituzte eta gehienei epaiketa azkarra egin diete. Udalak egindako kanpaina arrakastatsua izan dela adierazi dute, eta gizartea geroz eta kontzientziatuagoa dagoela uste dute. Laura Berro Iruñeko Berdintasun eta LGTBI hautetsiak adibidez, uste du, lehen, festaren gehiegikerien baitan onartzen zirela sexu ukituak eta orain, ikuspegia bestelakoa dela.

 

Kanal hauetan artxibatua: Sexu abusuak  |  Iruņea  |  Zornotza

Sexu abusuak kanaletik interesatuko zaizu...
2017-11-20 | Arabako Alea
Gizon bat atxilotu dute Gasteizen, emakume bati erasotzea egotzita

Eraso matxista Gasteizko Santa Barbara plazan gertatu zen igande goizean. Gertaera gaitzesteko elkarretaratzea deitu dute astearterako. Udaltzaingoak gizon bat atxilotu zuen igande goizean bertan.


"Sinesten zaitugu", hainbat hiritako kaleak bete dituen garrasia

"Nazkatuta gaude, ikusteaz nola sexu-indarkeriaren biktima den etengabe auzitan jartzen dena". Sanferminetako bortxaketaren epaiketako gehiegikeria judizialak salatzeko, milaka pertsona bildu dira azken egunotan Irun, Madril, Bartzelona, Sevilla edo Valladolid bezalako hirietan.


Bortxatuak izango direnentzat bost ohar

Bortxatzen bazaituzte, 1) egiozu aurre erasotzaileari, baita bost gizonkote badira ere; shock egoeran, isilik eta geldi, begiak itxita jasaten baduzu bortxaketa, sexu-erasoa onartu ote zenuen planteatuko dute epaiketan eta iritzi publikoan.


Sanferminetan emakume bat bortxatzeagatik epaiketa hasi da astelehen goizean Iruņean

22 urte eta 10 hilabeteko espetxe zigorra eskatzen du fiskalak ustezko bost bortxatzaileetako bakoitzarentzat. 10:00etan hasiko da epaiketa eta azaroaren 24an amaituko da. Andrea-Lunes Lilas elkarteak agerraldia eginen du epaiketa horren harira euren ikuspuntua azaleratzeko.


Lantokiko sexu gehiegikeriei aurre egiteko, protokoloa

Harvey Weinstein produktoreak emakume aktoreen aurka urte luzez eta industriaren konplizitateaz egindako sexu jazarpen eta gehiegikeriak azaleratu ostean, bere produktoratik eta Hollywoodeko Akademiatik kanporatu dute. Gurean ere badira botere-harremana baliaturik lan munduan sexu-erasoak egiten dituztenak, ez ordea halakoak atzeman eta neurriak hartzeko protokoloa duten enpresa askorik.


2017-09-15 | ARGIA
Azaroaren 13an hasiko da 2016ko sanferminetako taldean egindako bortxaketaren epaiketa

 Nafarroako Auzitegian hasiko da goizeko 10etan, Sevillako bost gazte epaituko dira bertan eta madrildar neska bat bortxatzea leporatzen zaie.


2017-08-28 | ARGIA
Bi neskari sexu erasoak egin dizkiete Gasteizen

Ertzaintzak 22 eta 19 urteko bi mutil atxilotu zituen iragan larunbatean Gasteizen, adingabeko bi neskari sexu erasoak egitearen akusaziopean.


2017-08-28 | Xalba Ramirez
Bilboko Udal taldeek Aste Nagusian izandako eraso sexistak salatu dituzte

Bilboko Udalean ordezkaritza duten taldeek jaietan jazotako gutxienez hiru eraso sexisten kontrako ohar bateratu bat kaleratu dute.


2017-08-17 | ARGIA
Sexu erasoen aurkako elkarretaratzea izango da ostegunean Donostiako jaietan

Donostiako jaietan izandako sexu erasoak salatzeko bilkura deitu dute mugimendu feministak eta Donostiako piratek. Ostegunean izango da elkarretaratzea, 19:00etan Bulebarrean. 


2017-08-16
Asteartean Donostiako jaietan sexu eraso bat izan zela salatu dute

Donostiako Aste Nagusian emakumezko batek sexu erasoa izan zuen astearte goizean Urgull mendiaren inguruetan, Ertzaintzak jakinarazi duenez.


Azkenak
EGILEA
Eguneraketa berriak daude