Seaskako kideak Bordeleko errektoretzan kateatu dira, brebetako azterketen bahiketa salatzeko

  • Bi autobus abiatu dira asteazken goizean Baionatik Bordelera, errektoretzak Brebetan euskaraz egindako zientzietako azterketak ez zuzentzeko erabakia hartu ostean. Zenbait lagun errektoretzako atean kateatu dira diskriminazio linguistikoaren aurka protesta egiteko eta tentsio-uneak izan dira poliziarekin.

ARGIA @argia
2018ko uztailaren 04a
Errektoretzan kateatu den Seaskako kide bat (argazkia: Euskal Irratiak).

“Biziki bortizki” hurbildu da polizia Seaskako kideen kontra Ihintza Arrieta Euskal Irratietako berriemaileak informatu duenez. Protestan ari zirenen kontra gas negar-eragileak erabiltzeko mehatxua egin dute eta Bordelera iritsi direnetik protestan ari zirenen kontra pusaka aritu dira.  

Ez dute lortu, nolanahi ere, Seaskak bere protesta bururaino eramatea. Lau pertsona errektoretzako atean kateatu dira eta beste lau beste gune batean, errektoretzak azterketak bahitu izanaren kontra daudela adierazteko. Polizia kateatze horiek eragozten saiatu da bultzaka, arrakastarik gabe. Lau banderola zabaldu dituzte Seaskako kideek, diskriminazio linguistikoaren kontra eta “Brebeta euskaraz” mezuekin.

Haiek babestera joandako gurasoek koloretako kamisetak eraman dituzte, bakoitzak bere ikastetxea ordezkatzen. Hasierako tentsio-uneen ondoren egoera baretu da, baina 12:30ean oraindik poliziaz inguraturik zeuden Euskal Irratiek informatu dutenez.

Azterketen bahitzearen harira, Eñaut Elosegi, Xalbador kolegioko zuzendariaren adierazpenak jaso dituzte Euskal Irratiek: “Hau mespretxu seinale argi bat da guretzako. Sorpresa izan da azterketen kopiak bahitzea. Euskara ez dakiten bi inspektorek zuzendu dituzte zientzietako azterketak eta hona jin gara gure haserrea adieraztera”.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Seaska  |  Euskara Ipar EHn  |  Hizkuntza eskubideak

Seaska kanaletik interesatuko zaizu...
2018-07-13 | Euskal Irratiak
Ikastolen elkarteak Seaskaren aldeko mobilizazioa deitu du larunbatean Bilbon

Elkarretaratzea antolatuko du Ikastolen Elkarteak larunbatean Bilbon. Frantziako presidente Emmanuel Macronen Hezkuntza Ministerioaren "eraso zuzenari" erantzun nahi dio mobilizazio honen bidez. Larunbatean, uztailaren 14an, Frantziako Estatuaren jai nazionalean, Bilboko kontsulatu frantsesaren aitzinean biltzeko deia luzatu du Ikastolen Elkarteak.


Seaskako ikasle guztiek brebeta gainditu dute, zientzietako azterketa irakasle erdaldunek zuzendu arren

Zientzietako azterketa euskaraz ez zekiten irakasleek zuzendu dute, hasieran Bordeleko errektoretzak azterketok bahitu ostean.


Ez obeditzea

Goizean goiz abiatu dira autobusak Bordelera. Donibane Garazitik, Kanbotik eta Larzabaletik. Gure seme-alabek euskaraz ikastea nahi dugulako, hori besterik ez.


2018-07-04 | ARGIA
Seaskak protestak deitu ditu Tourrerako, errektoretzak euskarazko azterketak "bahitu" izanaz kexu

Seaskako ikasleek brebetan Zientziak ikasgaia euskaraz egin dute, iaz bezala. Aurten errektoretzak ez zuzentzeko agindua eman du. Seaskak mobilizazioak deitu ditu azterketen “bahiketa” eta Frantziako Gobernuak euskararen aurka duen jarrera mespretxatzeko.


2018-06-12 | ARGIA
Seaskak elkarretaratzea egingo du Uztaritzen, 25 irakasle lanpostuak eskatzeko

Seaskak 25 irakasle lanpostu eskatzen ditu, eta Euskararen Erakunde Publikoak dio hamabost behar direla gutxienez. Hala ere, Frantziako Hezkuntza Ministerioak 5,5 lanpostu soilik eskaini ditu.


Seaska herriz herri elkarretaratzeak egiten ari da, behar dituen irakasle lanpostuak bete daitezen eskatzeko

Frantziako Hezkuntza Ministerioari behar dituen irakasle postuak eskatzeko Ipar Euskal Herriko 32 herrietan elkarretaratzeak deitu ditu asteazkenean Seaskak, 2018-2019 ikasturtea “baldintza duinetan” hasteko. Eguerdiko 12:00etan eta arratsaldeko 18:00etan egingo dira.


2018-05-20 | Eneko Gorri
Urratsek egiten gaituzte

Manifestazio guziek ez dute zapore berdina. Maiatzaren 4an ikastolen kexua ozen adierazteko antolatutakoak sentsazio goxo batekin utzi gaitu. 7.000 haur, guraso, irakasle, langile eta euskaltzale bildu ginen, danborrada alai eta koloretsu baten bidez, Paristik datorren jazarpenari erantzuteko. Lapurdi, Baxenabarre eta Zuberoko 36 ikastolak alerta gorrian dira. Aldi honetan irakasle postuak dira jokoan. 230 ikasle gehiago izanen dira ikastoletan datorren ikasturtean. 25 irakasle postu berri... [+]


2018-05-18 | Miren Osa Galdona
Schools which teach in Basque request more teachers from the French Education Ministry

Thousands of people came together at Herri Urrats (The People's Steps), the festivity which Basque schools (ikastolas) in the northern Basque Country hold every year. Seaska ikastola federation's request to the French government for more teachers was the main subject of conversation this year.


Azkenak
EGILEA
Eguneraketa berriak daude