Christopher Ross Nazio Batuetako Erakundearen Sahararako ordezkariak iragarri du Frente Polisarioa eta Marokoko Gobernua abenduan elkartuko direla berriro, Mendebaldeko Saharako gatazkaz hitz egiteko. New Yorken egin dute bilkura bi aldeek eta Aaiuneko gertakariaren ondorioz tentsioa nabaritu da. Erabakiak arnasa eta denbora emango dio prozesuari, astelehen goizaldean Agdaym Izik kanpalekuan izandako sarraskiak eta ondorengo gertakariek kolokan jarri baitute irtenbide baketsua.
Aaiungo albisteak tantaka ari dira iristen, iturri ez ofizialetatik, Marokok komunikazio guztiak etenda baititu eta hiria setiaturik baitago. Agdaym Izik-eko gertaeren ondorengo egunean istiluak izan ziren Mendebaldeko Saharako hiri garrantzitsuenean. Azken berrien arabera kolonoak sahararren etxeetan sartzen ari dira (ikusi bideoa Sahara Thawra-ren webgunean) poliziaren aginduz, bertakoak jipoitu eta etxebizitzak sakeatuz. Frente Polisarioak salatu duenez ehundaka izan daitezke desagertuak, haurren eta gazteen hildako gorpuak han-hemenka agertzen ari dira ubeldura eta labankadekin.
1991n NBEk bake plana bultzatu zuen, eta Frente Polisarioak su-etena aldarrikatu zuen, baina sahararren autodeterminaziorako erreferenduma atzeratuz joan da gaur arte eta Marokok bere kontrolpean dauka, ofizialki hala ez den arren, Mendebaldeko Sahara. Herrialdearen okupazioa bultzatzeko kolono marokoarrei hobariak eskaintzen dizkie Gobernuak eta gaur egun askoz populazio handiagoa dira bertokoak baino.
Sahararrek administrazioan, ekonomian eta gizartean jasaten duten diskriminazioa salatzeko eraiki zuten duela hilabete Agdaym Izik kanpalekua eta protesta txikia zena, pixkanaka handituz joan da. Astelehen goizaldean 26.000 lagun zeuden bertako jaimatan –gehienak haurrak, emakumeak eta zaharrak– poliziek eta militarrek airez eta lurrez erasoaldiari ekin ziotenean. Borra, ur kanoi eta balen bidez desalojatu zuten kanpalekua eta jaima guztiak erre. Erasoan ehunka zauritu eta hainbat hildako gertatu direla azaldu dute iturri ez ofizialek.
El País egunkariak gaurko alean dakarrenez, Espainiako Gobernuak bazuen aldez aurretik Aaiungo erasoaren berri, baina ez zuen ezer egin nazioarteko kontu bat zela kontsideratu zuelako. Sahararen aldeko taldeen iritziz nazioarteko erantzuna erabat ezdeusa izan da sarraskiaren aurrean eta Espainiako Gobernuaren jarrera epela salatu dute.
Bien bitartean, Euskal Herrian mobilizazioak egin dira Saharako gertaerak salatzeko. Atzo ehunka lagun bildu ziren Bilbon Marokok duen kontsulatuaren aurrean eta istiluak izan ziren Ertzaintzak kargatu zuenean. Nafarroako Gobernuak erasoa kondenatu du eta Eusko Jaurlaritzak ikerketa zabaltzeko eskatu du.
Emmanuel Macron Frantziako presidenteak Marokoko Mohamed VI erregeari gutuna bidali dio babesa adierazteko.
Ostiral arratsaldean deportatu behar zuten, baina hegaldiaren komandanteak ez zuen sahararraren bidaia ahalbidetu, hegaldia segurua ez zela izango argudiatu zuelako, EFEk jaso duenez. Bilboko Guardia Epaitegiak larunbat goizaldean gaztearen “askatasun-gabezia... [+]
Ostiral arratsaldeko 15:00etan deportatuko dute Bilbotik Tangerrera doan hegaldi batean, EITBk informatu duenez. Espainiako Auzitegi Nazionalaren arabera, “gaur egun ez dago demandatzailearen bizitzarako edo osotasun fisikorako berehalako arrisku edo arrisku... [+]
Gizona Marokotik zetorren hegaldi batetik iritsi zen eta asiloa eskatu zuen, jazarritako ekintzaile politikoa zelako. Ukatu egin zioten eta gaur deportatu behar zuten, baina atzeratu egin dute. Abokatuek Auzitegi Nazionalaren aurrean aurkezturiko “erreguzko... [+]
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]
Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.
Espainiako Kanpo Arazoetarako ministroak ukatu egin du Espainia Mendebaldeko Sahararen potentzia administratzailea dela. Baina bada.
Urteetan, Espainiak Sahararen gaian neutrala zela zioen, nahiz eta gezurra izan: partziala zen, oso. Marokoren alde. Palestinako Aginte... [+]
Marokok 2020an ia hiru hamarkadatako su etena hautsi zuenetik, gerra berrabiarazi dute Rabatek eta Mendebaldeko Saharako askapen mugimendu nazionalak. Polisarioa XVI. Kongresua egiten ari da egunotan, eta estrategia berria eztabaidatzen ari dira. Buruzagitzan Brahim Galik... [+]
Azaroko igande eguzkitsu bat da eta Hernaniko Kulturarteko Plaza Feministara joan naiz, erresistentzia istorioen Hariak zinemaldia antolatu dutela eta. Bertan parte hartu du, besteak beste, Loueila Sid Ahmed Ndiaye abokatua sahararrak, zeina Kanaria Uharteetan bizi baita... [+]
Mendebaldeko Saharan Marokok okupatutako lurretan bizi diren emakumeen borrokaz mintzatu da, Sultana Khayaren bizipenak ardatz. Khayak biolentzia pairatu eta bideo bidez dokumentatu du.