Petronorren azken isuriengatik protestatzeko kontzentrazioa egin dute Abanton
Azken hamabost egunetan Petronorren izandako isuriek kezka eta haserrea eragin dute Muskizen eta Abanton. Ekainaren 21ean koke-hauts emisio bat jasan zuten Muskizko San Julian auzoko biztanleek, eta asteazkenean, berriz, hauts zuri bat isuri zen Abanton (enpresatik bost kilometrora dagoen Ortuellan ere antzeman zituzten).
aurre egingo dieten hedabide independenteak
Bai Petronorrek bai Ingurumen Sailak adierazi dute materiala –katalizatzaile-hautsa– ez dela arriskutsua osasunerako, baina auzo elkarteek zalantzan jarri dute hori. Cokearen Aurkako Koordinadorak deituta, elkarretaratzea egin dute ostegunean, Abantoko Las Carreras auzoan.
Matxura baten ondoriozko geldiuneak eragin zuen, uztailaren 2an, Petronorren FCC dorretik ur lurrun eta hauts nahasketa bat isurtzea, enpresak bere webgunearen bitartez adierazi zuenez. Hasiera batean zabaldu zen hautsa bentonitazkoa izan zitekeela; buztin-ale oso txikiz osatutako materiala da bentonita. Silize hautsa dela ere adierazi dute beste iturri batzuek. Edozein kasutan, Petronorrek dio substantzia hori inertea dela. Ingurumen Sailak berretsi du isurketa ez dela arriskutsua printzipioz, baina analisi gehiago egin behar da oraindik. Hautsaren konposaketa zehatza ez da ezagutuko astelehenera arte, gutxienez, Saileko prentsa zerbitzuak ARGIAri adierazi dioenez.
“Inertea izateak ez du esan nahi kaltegarria ez denik”, adierazi dute Cokearen Aurkako Koordinadorako iturriek. ARGIAri egindako adierazpenen arabera, iraganean izan dira halako material isuriak eta “analisiek frogatu zuten hauts horrekin nahasita badirela substantzia arriskutsuak”. Beste iturri batzuei kasu egitera, aldiz, Koordinadorak aipatutako gertakarian –2007ko azaroan jazo zen– ez zen izan herritarren osasunerako benetako arriskurik.
Halaber, ekologistek salatu dute Muskizko San Julian auzoan eta Abanton kokatutako aire-kalitatearen neurgailuen daturik ez dagoela asteazken gauaz geroztik. Ingurumen Sailaren webguneko datuen arabera, bi gune horietako airearen kalitatea “oso ona” zen jasotako azken datuei dagozkien orduetan. Ingurumen Sailak adierazi du ordu horietan zerbitzuz kanpo izan zirela neurgailu biak, baina arazoak konpondu bezain laster publiko egingo dituztela datuak.
Eusko Jaurlaritzak espediente bana zabaldu dio Petronorri ekainaren 21eko eta uztailaren 2ko gertakariak direla eta. Bestalde, EH Bilduk eskatu du Ana Oregi Ingurumen sailburua Legebiltzarrean ager dadin, bere sailak gaiari buruz daukan informazioa azaldu eta hartuko dituzten neurrien berri emateko.
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]
Zierbenako portuan planta bat eraiki nahi du enpresak. Arriskutsutzat jotzen diren hondakinak eraldatu eta hormigoi eta baldosen bidez, besteak beste, eraikinetan eta obra publikoetan sartu nahi ditu.
Lizentzia-eskaeran “hainbat artxibo osatu gabe zeudelako” obrak geldiarazteko dekretua sinatu du Muskizko alkate Edu Brionesek.
"Petronor eta Repsol dira Euskadin eta Espainiako Estatuan hurrenez-hurren CO2 gehien isurtzen duten konpainiak", salatu du Greenpeacek. "Gisa honetako ekitaldiak baliatzen dituzte haien irudia garbitzeko".
Azken hilabetetan izandako lan gatazketan auzipetuak izan diren beharginek agerraldia egin dute Eusko Jaurlaritzaren aurrean, langile borrokaren kriminalizazioa salatzeko. Mobilizazioak iragarri dituzte.
Bilboko auzitegiak "justifikazio gabekotzat" jo du Petronorrek pasa den maiatzean indarrean jarri zuen aldi baterako enplegu erregulazioa (ABEE). Enpresak adierazi du epaiari helegitea jarrriko diola.
Ekainaren 11tik 20ra greban daude Petronorreko langileak, zuzendaritzari Aldi Baterako Enplegu Erregulaziorako Espedientea erretira dezala exijitzeko. Mobilizazio egutegi indartsua antolatu dute langileek eta Bilboko beste hainbat enpresen borrokekin bat egiten ari dira... [+]
Bilboko portua eta Zorrotzaurre artean gasbide bate eraikitzeko makroproiektua aurkeztu dute 78 erakunde publiko eta pribatuk Euskalduna Jauregian. 2020 eta 2026 artean 1.300 milioi euro inbertitzea aurreikusten dute. Petronor-Repsol da proiektuaren sustatzaile nagusietakoa.
Petronor enpresak larunbat goizean informatu zuen Muskizen petrolio isuri bat izan zuela. Isurketa Barbadun ibaira iritsi zen hodi bateko zulo baten ondorioz. Inguruko faunan eraginak izan dituela salatu dute zenbait elkarte ekologistek.
Zertan da gaur egun klima aldaketa? Informazioa barra-barra dago eta hainbat bide har daitezke galderari erantzuteko. Horietako bat da Iñaki Petxarroman kazetariaren Ezezagunerako bidaia. Mundua, klima eta ekologia krisian liburua hartzea eta bidean abiatzea. Helmuga... [+]
Ignacio Zubiri EHUko Ekonomia katedraduna dugu bertoko fiskalitatea hobekien ezagutzen duten adituetako bat; bada, berak esan ohi du “enpresek gutxi ordaintzen dute, edo bat ere ez”. Borondate oneko baten batek pentsa dezake askotxo esatea dela, egunero ikusten... [+]