Pedrógão Grandeko suteaz
Gipuzkoan lan egiten duten basozainen kolektiboek elkarte bat osatu dute berriki eta egunotan albiste den Portugalgo sutearen harira beren ikuspuntua plazaratu nahi izan dute.
Portugaleko Pedrógão Grande eskualdean baso suteen ondorioz suertatutako tragediaren aurrean, Gipuzkoako Basozainon Elkarte Profesionalak, lehenik, dolua eta elkartasuna adierazi nahi dizkiegu hildako lagun eta senideei, zein zauritutako pertsona guztiei, haietariko batzuk basoko suhiltzaileak. Kasu honetan hondamendi ekologikoaz gain, giza-hondamendi mingarri baten aurrean gaude. Askotan basoko suei aurre egiten diegun profesionalak izanda, bereziki hunkitzen gaituena.
Gogoan daukagu Euskal Herrian 80ko hamarkadaren bukaeran izandako baso suteen bolada ikaragarria, non nahiz eta zorionez hildakorik ez izan, askotan tragediatik oso gertu ibili ginen, eta hondamendi ekologiko eta ekonomiko handia suertatu ziren. Egoera hartan basozainon lana ezinbestekoa izan zen hondamendia handiagoa ez gertatzeko.
Portugalekoak eta tankera bereko tragediek agerian uzten dute baso politika egokien beharra eta baso suteen aurrean basozain profesionalen eta basoko suhiltzaileen lanaren balioa, eta haien beharra.
Zoritxarrez aste honetan ezagutu dugu Bizkaiko Foru Aldundiak basozain profesionalez osatutako “Base Gorria” izeneko taldea desegin nahi dutela, hainbat lan enpresa pribatuei emateko. Horrek basozainek eskaintzen zuten zerbitzu askoren kalitatearen gainbehera ekarriko du. Eskaintzen zuten arreta eta besteen artean, baso suteen kudeaketa esku pribatuen esku utziko baitu.
Gipuzkoan bertan ere, basozainon bajak ordezkatzen ari ez direnez, sekzio batzuetan langileen %60 dago lanean; lanean dagoen basozain bakoitzari dagokion lan eremua asko handitzen da, horrela. Gainera, Gipuzkoako Foru Aldundiak gure departamentuaren inguruan enpresa pribatu bati eskatutako dion txostenean, inongo argumenturik gabe, baso suteak suhiltzaileen esku uztea eskatzen da. Suhiltzaileekin dugun elkarlana oso ona izanik, beharrezkotzat jotzen dugu baso suteen zuzendaritza, orain arte bezala, gure departamentuaren eskumena izatea, gure kolektiboa baita mendia bera hoberen ezagutzen duena. Gaur egun erabiltzen ditugun erreten eta uraskekin, suhiltzaileen lana eta gurea ezinbesteko eta osagarriak direlarik.
Gipuzkoako Basozainen Elkarte Profesionaletik lan egingo dugu Gipuzkoan basoen eta bioaniztasunaren zein gure mendietan herritarren segurtasunen alde egun eskaintzen diren kalitatezko zerbitzu publikoak mantentzen eta hobetzen joateko, Portugaleko tragediatik eta antzekoetatik irakaspenak ateratzen gure artean halakorik inoiz gerta ez dadin.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Erribera, historian, sekula euskalduna izan ote den; horra hor Nafarroan, duela berrogei urtetik hona, hainbestean behin errepikatzen den eztabaida bizantziarra (eztabaida bizantziarra: eztabaida alferrekoa, zeinean alde bakoitzak ezin baitizkio frogatu bere baieztapenak beste... [+]
Etxez aldatzen naizenean, edo, areago, norbait etxetik joaten denean, oroiminak hartzen dizkit burua eta bihotza. Orduan hasten naiz zer gordeko dudan eta zer ez erabakitzen saiatzen. Izan ere, objektu guztiek lotzen gaituzte zerbaitetara, edo norbait ekartzen digute gogora;... [+]
Estatu poliziala kanpora! Abesten dute negar-gasen leherketen artetik. Gaztetxo konprometituak, amatxi militanteak, aurpegi estaliak, edo ez, pailazoak, musikariak, sindikalistak eta politikariak, kaskodun medikuak, laborariak traktore gainean... Landa-eremuan zein hirian,... [+]
Ezaguna da enpresa frantses batzuek (Thales, Airbus, Dassault) aspalditik laguntzen dutela Israel haren ekipamendu militarra osatzen. Disclose elkartearen inkesta baten arabera, berriz, Frantziako Gobernuak berak hornitu dizkio osagai elektronikoak Israeli, Gazako zibilak... [+]
Gauzak ez dira horrela, gauzak horrelaxe daude. Esaldi hori iltzaturik geratu zitzaidan Gorka Urbizuren diskoa osorik eta patxadaz entzun nuenean. Uste nuen aurkikuntza itzela egin nuela identifikazio horrekin, inozentea ni! Gerora ohartu naiz, merchandising-erako leloa izateaz... [+]
Gizakiontzat ez da inoiz erraza izan lasai pentsatzeko denbora tarte luzeak hartzea, bizimodua aurrera ateratzearen ardurarekin bizi gara, bai geurea zein geure ondorengoena. Bizitzeko izan dugun aukera honetan, ahalik eta ongien nahi ditugu gauzak egin. Ardura horiengatik,... [+]
Krisi existentzial dezente ditut inguruan. Nerabezaroa/gaztaroa itxurakerian pasa, antzezten helburu zutena pertsona onak (ona izanik justua, ez denari baietz esaten dion lerdoa) izatea, benetako bizitza bat bizitzea zela, are, iraultza egitea, eta, orain, berrogei urteak pasa,... [+]
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
Europar sentimendua duen lagun gutxi ditut, ez dakit europartasuna identitate bat izatera iristen ote den. Baina Europara bidaia egiten dugunean, adiskidetasun bat atera daiteke, ze gurean eta bertan gertatzen den lurraldetasun norabide nagusiak elkarbanatuak dira; bertan... [+]
Osatu dira, horretarako bitartekoak jarri, eta nahiko azkar. Ze lasaitua, dena isildu denean. Baina balantza handia izan da, eta begien atzean izu bat gehiago pilatu zaie, uneren batean pentsatu dutelako, gainera, agian, ez zirela inoiz itzuliko, edo ez guztiz. "Pasa... [+]