Aurtengo udan rockaren eszenatokira salto egiteko aukera izango dute 8 eta 16 urte bitarteko neskek Zarauzko Imanol Urbieta musika eskolan. Uztailaren 27tik abuztuaren 1era bitartean, neskentzako rock udaleku irekia antolatu du MEFsst! kolektiboak: Lourock Udalekua, hain zuzen.
2013an sortu zen MEFsst! taldea, rockaren munduan emakumeen presentzia normalizatzeko helburuarekin. Eta helburu berberarekin antolatu dute 2015eko Nesken Rock udalekua.
Udaleku hauek Oregongo (AEB) Portland Unibertsitatean dute oinarri, bertan antolatu baitziren neskei zuzendutako lehendabiziko rock udalekuak 2001ean. Orduz geroztik, munduko toki askotara zabaldu da mugimendu hau.
Zarauzko udalekuetarako izen ematea maiatzaren 25etik ekainaren 15era bitartean egonen da zabalik Lourock udalekuaren webgunean. Bertaratzen diren neskek, udalekuen azken egunean publikoaren aurrean abesti bat jotzearen erronkari egingo diote aurre.
Udalekuari Lourock izena jarri diote antolatzaileek, 1980-90eko hamarkadetan Euskal Herrian taula gainean aritu zen emakume gutxietako bati, Lourdes Olangua Lou zarauztarrari, omenaldia eginez.
Gaztetxotan Eskorbutin itxura hartzen nion arren, Aramaion jaiotako Antton Carreterok beti izan du begirada luzeagoa: punka bai, jakina, eta kinya bada hobe, baina beste estilo askori erreparatzen die aurreiritziei paso eginda; canallagoei, sentikorragoei… Horiek guztiek... [+]
'Azken heriotza' biraren eskutik, Anestesia taldeak kontzertua emanen du larunbatean Atarrabiako Totem aretoan.
Ziburuko Baltsan elkartean aurkeztu dute antolatzaileek euskara hutseko liburu eta disko azokaren 5. edizioa. 41 argitaletxe izango dira bertan (inoizko gehienak), 120 metro erakusmahai beteko dituzte denen artean (inoizko gehienak) euskarazko irakurgai eta musikarekin eta... [+]
Autotunea eta rocka nahastea izango da zakilzaharrentzat sakrilegiorik handiena: “Tranpa” dela, hori musika ez dela, edonork egin dezakeela. Musikariek badakite, ordea, gitarra elektrikoari efektu pedalak kenduz gero, zatarra eta, batez ere, zaila dela jotzeko... [+]
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.