Nafarroako Gobernuak Durangoko Azokan parte hartuko du 15 urte eta gero
Gerediaga Elkarteak iragarri duenez, Nafarroako Gobernua Durangoko Azokan izango da aurten. Hamabost urte igaro dira euskal kulturaren azokan parte hartzeari utzi zionetik.
Besteak beste, Nafarroako Gobernuak erakusleiho bat izango du bere argitalpenentzat.
Areto Nagusiko "Gogoetaren plaza" ekimenean ere parte hartuko du abenduaren 6an. Kultur politikei buruzko debatea antolatu dute egun horretarako eta Nafarroako Gobernuko Kultur Ekintza Zerbitzuaren zuzendari Dori Lopez Juriok bertan parte hartuko du.
Azokaren babesle
Bestalde, Azoka inauguratzeko egingo den ekitaldira ere ordezkaritza bidaliko du Uxue Barkosen kabineteak, Euskal Herriko beste erakunde publikoetako ordezkariekin batera.
Aurtengo edizioaren babesleen artean ere agertuko da Nafarroako Gobernua, EAEko hiru Foru Aldundiekin, Eusko Jaurlaritzarekin, Durangoko Udalarekin eta Espainiako Kultura ministerioarekin batera.
Gerediaga pozik
Durangoko Azoka antolatzeaz arduratzen den Gerediaga Elkarteak poza agertu du agintari nafarren erabakiarekin, "azken urteetan nabarmena izan baita Azokan Nafarroako Gobernuaren hutsunea".
63 urteko iurretarra Gerediaga Elkarteko kudeatzailea izan zen 1982tik 2018ra. “Bere kezkei eta borrokari esker”, Durangaldeko historia ikertu eta zabaltzeko “erreferentzia nagusietako bat” izan dela nabarmendu dute elkartetik.
Amillubi proiektua martxan jartzen ari da laborantza ekologikoaren aldeko Biolur elkartea, 27 eragileren laguntzarekin. Urola ibaiaren meandroan kokatuta dauden 90.000 metro koadro lur eta baserria modu kolektiboan erostea da helburua, laborari agroekologikoei baldintza onetan... [+]
Artikulu honetan ARGIAren standeko produktuak gerturatuko dizkizugu. Telematikoki, jakina. Fisikoki aurkitu nahi bagaituzu, Landako guneko informazio gunearen ondoan aurkituko gaituzu. Jantzi eta arropen bila baldin bazoaz, jo Andra Mari elizpean egongo den Inor ez da ilegala... [+]
