Nafarroako 39.000 herritar eremu "ez-euskaldunetik" mistora pasako dira gaur

  • Zonifikazioaren inguruko bozketa egingo dute asteazkenean Nafarroako Legebiltzarrean. 43 udalerri eremu "ez-euskaldunetik" mistora pasako dira eta Atetz, berriz, mistotik euskaldunera. Zizurko Zendea eremu "ez-euskaldunera" aldatzeko eskaera ez dute onartuko.

Ane Eslava Serrano @eslavaane
2017ko maiatzaren 31

Gobernua babesten duten lau alderdiek bat egingo dute bozketarako, Berria-k jaso duenez. Euskaldunen lege babesa indartzeko aldaketak onartuko dituzte; ez, ordea, gutxitzekoak. Zizurko Zendeako Udalak, UPNren gehiengoarekin, eremu ez euskaldunera igarotzeko eskatu du, lehen aldiz, baina legebiltzarrak ez du onartuko. Eremu mistora eta euskaldunera egingo diren aldaketak “koherentetzat” jo ditu Nafarroako Arartekoak; ez-euskaldunera igarotzekoa, berriz, “atzerakada” dela esan du.

43 udalerri sartuko dira eremu mistoan, horien artean Tafalla eta Zangoza; 39.000 herritarrek izango dute eskubidea administraziora euskaraz jotzeko. Horietan euskara ez da ofiziala izango; bai, ordea, Atetzen. Nafarroan zonifikazioak indarrean jarraituko du momentuz, lauko gobernuak ez baitu legea berritzeko akordiorik lortu.

2017ko otsailean eremu “ez-euskalduneko” hamaika udalerrik mozioak onartu zituzten, bi eskarirekin: Euskararen Legea bertan behera uztea eta, hori lortu bitartean, eremu mistoan sartzea. Gobernuak baiezkoa eman zion eremuz aldatzeko eskariari, eta prozedura ireki zuen. Azkenean, 43 udalerrik egin zuten eskaria eta asteazkenean onartuko da.

Eremu aldaketaz gain, Geroa Baik, EH Bilduk eta Ahal Duguk beste bi proposamen aurkeztu dituzte: eremu ez-euskalduneko udalek ordenantzak euskaraz egiteko aukera izatea eta legean vascuence hitza euskararengatik ordezkatzea.

Hauek dira eremuz aldatuko diren herriak:

-Eremu euskaldunera: Atetz

-Eremu mistora: Abaigar, Adios, Allin, Ameskoabarrena, Antzin, Añorbe, Aranatxe, Arellano, Artazu, Bargota, Beriain, Biurrun Olkotz, Cabredo, Deikaztelu, Eneritz, Erriberri, Eulate, Galoze, Garinoain, Itzagaondoa, Larragoa, Leotz, Lerga, Longida, Mendigorria, Metauten, Mirafuentes, Murieta, Obanos, Oibar, Oteitza, Puiu, Tafalla, Tiebas-Muru Artederreta, Tirapu, Untzue, Urraulbeiti, Urrotz Hiria, Uxue, Villatuerta, Zangoza, Zirauki eta Zuñiga.

 

Kanal hauetan artxibatua: Zonifikazioa  |  Euskara  |  Euskara Nafarroan  |  Tafalla  |  Oibar  |  Zizur Zendea

Zonifikazioa kanaletik interesatuko zaizu...
Separatismorik ez!

Wikipediaren definizioaren arabera gizarte-bazterketa da “pertsonek gizarte-ongizatea eta bizi-kalitatea eskuratzeko jasaten dituzten oztopo sozial, ekonomiko edo politikoen multzoa, gizartearen sisteman modu egokian ez integratzeagatik”. Nafarroan, hainbat dira definizio horren baitan sartzen diren marjinazio-egoerak, baina bada bat legez ezarrita dagoena, 1986tik: euskaldunon hizkuntza eskubideen zonifikazioa. Gizarte esklusioa gaitza bada, are eta okerragoa da diskriminazio hori... [+]


2017-10-12 | Andoni Mikelarena
'Euskara Ofiziala Nafarroa Osoan' kanpaina abiatu du Kontseiluak

Eremu mistoko hainbat herritan egingo dute kanpaina. Herritarrak instituzioei zonifikazioarekin amaitzeko eskabidea egitera bultzatu nahi dituzte.


Eremu mistoa eta D eredua, erraldoi pausoak ofizialtasunerantz

Nafarroako eremu ez-euskaldunetik mistora igarotzea eta herriko eskolan D eredua sartzea lortu dute Antzingo herritarrek. Ofizialtasuna dute helburu, baina emandako urratsekin euskaraz bizitzen uzten ez dieten mugak apurtzea espero dute. Aldaketak nola hezurmamituko dituzten azaldu digute.


Nafarroako Kontseilura igorri du Gobernuak euskara administrazioan arautzeko dekretuaren proiektua

Gaur egun 148 langile publiko daude 80.000 euskaldun atenditzeko. 3.500 funtzionario baino gehiago euskaldundu dira azken urteetan eta horietatik, milak baino gehiagok lortu dituzte B2 edo C1 gaitasun tituluak.


Eremu 'ez euskaldunera' ez pasatzeko 623 sinadura aurkeztu dituzte Zizur Zendeako herritarrek

Geroa Bai, EH Bildu, Ahal Dugu eta Ezkerrako ordezkariek jaso dituzte sinadurak, zendeako UPNk eremu elebidunetik ateratzeko mozioa onartu ostean.


Zizurko Zendean sinadura bilketa egingo dute eremu 'ez euskaldunera' pasatzearen aurka

Eremu mistotik 'ez euskaldunera' pasatzeko proposamena aurkeztuko du asteazkenean Zendeako Udalak. Herritarrek neurriaren aurkako sinadura bilketa eramango dute Nafarroako Legebiltzarrera, Diario de Noticias-en irakur daitekeenez. Zendeako lau kontzeju UPNren proposamenaren aurka agertu dira.


Eremu mistotik euskaldunera pasatzeko eskaria egingo du Atetzek

Atetz (Nafarroa) izango da eremu mistotik euskaldunera pasatzeko eskaria egingo duen lehen herria. Asteartean egingo dute bilkura udalean eta, EH Bilduk gehiengoa duenez, mozioa onartuko dute.


2017-05-05 | ARGIA
Zizur Zendeako Udalak eremu ez-euskaldunera igarotzea eska dezake

Diario de Navarra-ren arabera, Zizur Zendeako Udalak maiatzaren 10eko plenoan aurkeztuko du proposamena. UPNk gehiengo absolutua du udalerrian.


Azkenak
EGILEA
Eguneraketa berriak daude