Mañeru eremu mistora pasatzea eragotzi dute PSN eta Navarra Sumak, eta euskarafobia leporatu diete kalean


2023ko otsailaren 02an - 14:54
Azken eguneraketa: 16:24
Mañeruko udalbatzaren nahia errespetatzeko eskatu dute Nafarroako Parlamentuaren kanpoaldean. / Iñaki Porto, Noticias de Navarra

Aste honetan bi alderdiek aurreratua zuten ez zutela baimenduko Mañeru eremu mistora pasatzea, eta horren aurrean, Mañeruko alkateak "haserrea eta inpotentzia" azaldu ditu. Aldaketaren alde bozkatu duten alderdiek ere –Geroa Bai, EH Bildu, Ahal Dugu eta Izquierda Ezkerra– PSNren koherentzia falta salatu dute, bailarako gainerako 40 herri baino gehiagok eremu mistorako saltoa egin baitzuten 2017an: "Zergatik Mañeruk ez?", aurpegiratu diote Parlamentuan piztu den hika-mikan.

Mañeruko haurren hiru laurdenak D ereduan ikasten dute Garesen, eta Euskarabideak egindako inkesta baten arabera, herritarren bi herenek eremu mistora pasa nahi dute. Ezezkoaren aurrean, elkarretaratzea egin dute Nafarroako Parlamentuaren kanpoaldean Euskararen Defentsarako Sareak deituta. Euskalgintzaren Kontseiluak ere babestu du, eta euskarafobia salatu dute.

Hemen Ahotsa.info-k egindako bideoa. "PSNk egin duen ekarpen bakarra dirua izan da; baina ez euskararen alde egiteko, euskaltzaleak isilarazteko baizik", salatu du Fermintxo Zabaltza kideak.

 


Kanal honetatik interesatuko zaizu: Zonifikazioa
2024-02-29 | ARGIA
Euskalgintzaren Kontseiluak dio euskara "mespretxatzen eta gutxiesten" duela Nafarroako Kontseiluak

Eremu mistoko Osasunbideako zerbitzuetako lanpostuetan euskararen ezagutza meritu gisa baloratu ahal izatearen aurka agertu da Nafarroako Kontseilua azken irizpen batean. Otsailaren 21ean eman zuen argitara. Aldiz, ingelesa, frantsesa eta alemanaren ezagutzak puntuatzen du... [+]


2023-02-13 | ARGIA
Zonifikazioaren aurkako aldarria egin dute Mañerun, eremu mistora sartzeko ezetza jaso ondoren

Mañeruko herritarrek, udalbatzak babestuta eta Hordago taldeak deituta, elkarretaratzea egin dute zonifikazioaren aurka. Hamar egun pasatu dira eremu mistoan sartzeko proposamenari atea itxi ziotenetik Navarra Sumak eta PSNk.


Mañeruko alkatea, "oso haserre eta inpotente" eremu mistora pasatzeko eskaera ez delako aurrera aterako

Mañeruko Udalean “amorrua” da nagusi, “ez dugu ulertzen PSNren jarrera”, azaldu dio alkateak ARGIAri. PSNk aurreratu du ezetz bozkatuko diola udalerria eremu “ez euskaldunetik mistora" pasatzeari eta beraz, PSN eta Navarra Sumaren... [+]


Eguneraketa berriak daude