Mozal legea ezarri diote Gasteizko zerbitzari bati bezero bat defendatzeagatik

  • Duela bi urteko gertakari baten harira ezarri diote Gasteizko zerbitzari bati mozal legea. Eleak mugimenduak salatu eta Hala Bedik jaso duenez, zerbitzariak 730 euroko isuna ordaindu behar izan du bere garaian bezero baten alde egiteagatik.

Miren Osa Galdona @Mirentx_U
2018ko martxoaren 12a

Aiztogile kaleko Txapelarri tabernan gertatu zen gertakaria. Hala Bediri eginiko adierazpenetan zerbitzariak azaldu duenez, udaltzainak terrazan zegoen bezero bat identifikatzen hasi ziren. Bezeroa migrantea zen eta udaltzainek pertsona migranteei egiten dieten tratuaz jakitun, zer gertatzen ari zen jakin nahi zuen. Udaltzainek“oso modu txarrean“ erantzun zioten eta atxiloketa ez zuela ikusi argudiatu eta euren lana oztopatzeagatik ondorioak izan zitzakeela nabarmendu zioten. “Arazorik ez izateko“ taberna barrura itzuli zen. Udaltzainek bezeroa atxilotu zuten ustez txakurra mozalik gabe eta aske izategatik. Zerbitzariak esan du bertsio ofiziala gezurra dela eta bezeroak txakurra behar bezala lotuta zuela.   

Hilabete geroago mozal legearen isuna iritsi zitzaion zerbitzariari “desobedientzia” leporatuta. Helegitea aurkeztu zuen eta bi urte hauetan jasandako injustizia salatu du: errekurtsorik aurkeztuko ez balu, isuna 301 eurokoa izango litzake. Azkenean 730 euro ordaindu ditu. Jaialdi bat antolatu dute martxoaren 16an Txapelarrian zerbitzariari elkartasuna adierazteko

Tabernariari elkartasuna adierazteaz gain, «Udaltzaingoak, gainerako poliziek bezala pertsona etorkinekiko daukaten jarrera» gaitzetsi du Eleak mugimenduak.

Era berean, salatu dute 2017ko abendura arte Udalak 725 aldiz aplikatu duela «mozal legea».

 

 

Kanal honetan artxibatua: Mozal legearen mehatxua

Mozal legearen mehatxua kanaletik interesatuko zaizu...
2018-06-04 | ARGIA
Aiuri Antiespezistak eta Eleak-Librek salatu dute
"Mozal Legea aplikatu digute eta gure borroka nahiak piztea besterik ez dute lortu"

Aiuri Antiespezistako militanteek, Eleak-Librerekin batera, prentsaurrekoa eskaini dute Ermuko plazan ostiral arratsaldean, erresistentzia pasiboa erabiltzeagatik Mozal Legea aplikatu dietela salatzeko. San Tomas egunean Donostian Ursula txerriaren erakusketa galarazten saiatuz, Askekintzak antolatutako ekintzan parte hartu zuten Aiuriko hiru kidek zigorra jaso dute.


2018-05-30 | ARGIA
Francisco Molero gazte andaluziarra kartzelaratu dute, "Kongresua inguratu" ekimeneko protestengatik

Bost urteko kartzela zigorra eta 16.000 euroko isuna ezarri diote, Espainiako “Kongresua inguratu” ekimenean izan ziren protestetan aginteari eraso egitea eta lesioak eragitea egotzita. Asteazkenean zeukan ezarrita Molerok kartzelan sartzeko eguna, eta SAT sindikatu kide ere badena bere kabuz aurkeztu da Archidonako (Malaga) espetxean.


2018-05-29 | Hala Bedi
Gasteizko Udala ez da Mozal Legearen aurkako konpromisoan berretsi

Maiatzaren 25eko osoko bilkuran hiru puntu eskatu dizkio Eleak/Libre mugimenduak Gasteizko Udalari eta bertako ordezkari politikoei, “herritarron eskubide zibil eta politikoak errespetatuak izan daitezen eskatzeko”. EAJ eta PSE kontra azaldu dira.


Lanean ari diren soldaduei argazkiak atera eta grabatzea debekatu nahi du Israeleko Parlamentuak

Israelera iritsi da Mozal Legea. Bertako Parlamentuak, Knesset-ak, ostegunean erabaki zuen soldadu israeldarrak lanean ari diren bitartean argazkiak atera eta bideoak grabatzea galaraziko duen legea eztabaidatuko duela. Neurri hau Avigdor Lieberman herrialdeko Defentsa Ministro eskuindarrak proposatu du.


2018-05-25 | Hala Bedi
Gasteizko Udala ez da Mozal Legearen aurkako konpromisoan berretsi

Maiatzaren 25eko osoko bilkuran hiru puntu eskatu dizkio Eleak/Libre mugimenduak Gasteizko Udalari eta bertako ordezkari politikoei, “herritarron eskubide zibil eta politikoak errespetatuak izan daitezen eskatzeko”. EAJ eta PSE kontra azaldu dira.


2018-05-15 | Joseba Alvarez
Inboluzioaren mozala

Azken hilabeteotako gertakariek argi eta garbi erakutsi dute Eskubide Zibil eta Politikoei aurre egiteko nolako tresna errepresibo garrantzitsua eta indartsua den Mozal Legea (eta Zigor Kode berria) krisialdi territorialean, ekonomikoan eta sozialean murgilduta dagoen Estatu espainolarentzat. 2015eko uztailaren 1ean indarrean sartu zenetik, etenik ez dute izan oinarrizko Giza Eskubideak garatzen dituzten eskubide hauen aurkako erabakiek zein polizia ezberdinen gehiegikeriek. Protesta sozial... [+]


2018-05-14 | Lander Arbelaitz
7.200 euroko isuna jarri diete Mozal Legearekin Askekintzako kideei, Santo Tomas eguneko protestagatik

Askekintzak jakinarazi du Mozal Legea aplikatuz 7.200 euroko isuna jarri diela Donostiako Udaltzaingoak, Santo Tomas egunean egin zuten protestagatik. Asteartean prentsaurrekoa eskainiko dute.


2018-05-13 | Baleike
Mozal Legea ezarri diote Zumaiako mugimendu feministari

Aspaldi ikusi gabeko manifestazioak izan ziren Zumaian martxoaren 8an, Emakumearen egunean. Bai eguerdian bai arratsaldean jendetzak hartu zuen parte Mugimendu Feministak deitutako ekitaldietan. Ekintza horiek izan dute bere alde negatiboa, izan ere, bi une horietan egindako mobilizazioengatik isunak jaso dituztela adierazi du gaur Mugimendu Feministak, “Zumaiako arteria nagusia moztu” izanagatik, alegia.


2018-04-25 | ARGIA
Mozal Legea indargabetzeko exijitu dute Eusko Legebiltzarreko Segurtasun Batzordean

Hala Bedi, Eleak/Libre eta Kaleratzeak Stop Araba Eusko Legebiltzarreko Segurtasun Batzordean izan dira apirilaren 25ean. Alderdi politiko guztietako ordezkarien aurrean, Mozal Legea indargabetzeko exijitu dute beste behin, baita Mikel Saenz de Buruaga kazetariari ezarritako isuna bertan behera uzteko ere.


Azkenak
EGILEA
Eguneraketa berriak daude