Milaka euskaltzale atera dira euskararen defentsan Iruñean, hotzari aurre eginez
Hotzari aurre eginez eta Kontseiluaren deiari jarraituz, milaka herritar atera dira kalera larunbat eguerdian Iruñeko kaleetan, Nafarroako Gobernuak euskararen inguruan hartutako azken erabakia babestuz.
Irakaskuntzaren funtzio publikoan zerrenda bakarraren aldeko hautua egin du Nafarroako Gobernuaren Hezkuntza Sailak eta horrek sortutako kontrako jarreraren ondoren, Kontseiluak bere sostengua adierazi nahi izan dio Gobernuari. Oro har, bazterkeriaren aurka eta euskaldunen eskubideen aldeko manifestazioa izan da Paul Bilbao Kontseiluko idazkari nagusiak ekitaldiaren amaieran gogorarazi duenez.
12:00etan atera da manifestazioa Iruñeko autobus geltoki zaharretik "Bide eman euskarari: berdintasunaren alde" pankarta buruan. Gau eta goiz ia osoa euripean izan ondoren, eguraldi hotzak su-eten txiki bat eman du 13:30ak arte. Viana Printzea plazatik Merindadeen Plazara jo du manifestazioak, handik Karlos III:a kalea hartzeko eta Sarasate pasealekuan amaituz.
Ekitaldiaren amaieran irakasle kaltetu talde batek zerrenda bakarraren aldarri egin du oholtzatik eta, ondoren, Paul Bilbaok euskara eta euskaldunak ez baztertzeko eskatu du bere hitzaldian, hizkuntzaren bazterketaren atzean herritarrak daudela gogoratuz.
Astean zehar Kontseiluak gogorarazi duen gisan, Bilbaok sostengua adierazi dio Nafarroako Gobernuari eta neurri gehiago hartzera ere animatu du, bide horrean "herritarrak atzean izango dituela eta". Bilbaok azpimarratu du "berdintasuna erdiesteko erabakiak hartu behar" direla, hori ez dela erdietsiko bakarrik euskararen alde egonez: "Euskaldun guztien eskubideak aitortuko dituen lege berria onartu eta zalantzarik ez izan orduan ere hemen egongogarela".
Batzarre zerrenda bakarraren alde
Ezkerra koalizioko Batzarre alderdiak zerrenda bakarrari buruzko kontsulta egin du militanteen artean azken hiru egunetan eta jakitera eman duenez, %55,95ek zerrenda bakarraren alde egin du, %37,5ek orain arte jarraitzearen alde, hots bi zerrendekin, eta %6,54 abstenitu egin da. Batzarreko afiliatuen %62k parte hartu du egindako kontsultan.
Batzarrek bere erabakia adierazi dio Ezker Batuari, baina honek ez du ezertan behartzen Ezkerra koalizioa, desadostasunak direnean, hautetsiek boto askatasuna dute eta. Batzarrek, halaber, bere desadostasuna erakutsi dio gaur Kontseiluak deitutako manifestazioari, bere ustez, honekin Izquierda-Ezkerraren aurka egin nahi baitzen. Halaber, alderdiak zehaztu du zerrenda bakarraren alde egiteak ez duela esan nahi ados dagoenik Hezkuntza Kontseilaritzak duen jarrerarekin eta argi esan du sailari eskatzen diola aurkez dezan nola eraman nahi duen aurrera zerrenda bakarraren gaia.
Hemen Ahotsa.infok manifestazioaz egin duen bideoa:
Ondoko txioan manifestazioaren hasierako beste une bat:
Eguraldi txarrari aurre eginez milaka pertsonek baietz zerrenda bakarrari, baietz euskarazko haur eskolei, baietz... Euskaraz bizitzeari #2dEmanEuskarari pic.twitter.com/JkHGZW27w9
— Xabier Letona (@xletona) December 16, 2017
Eta hemen manifestazioaren hainbat une argazkitan:
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Sarean jarri dute "Belarribizi eta Ahoprest" laburmetraia, joan den igandean itxi zen 2025eko Euskaraldiaren aitzakiarekin Oskar Alegria zinegileak Artazu herrian udaberri honetan filmatu duen lana. Belarriprest eta ahobizi kontzeptuen gaineko... [+]
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
Larunbatean Arguedasen ospatu zen Erriberako Euskararen Egunaren lehen edizioa. Kultura, auzolana eta festa uztartu ziren euskararen inguruan eskualdeko herriak batu zituen jardunaldi honetan.
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Goizez Nafarroako zubirik esanguratsuenak jendez beteko ditu Sorionekuak dinamikak. Arratsalderako mobilizazio herritarra deitu dute Iruñeko Kostarapea parketik Alde Zaharreko Takonera parkeraino.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Aurtengo Lokizaldeako Euskararen Eguna Murieta herrian ospatu dute, larunbatean, goizean hasi eta ordu txikiak handitu arte. Zita garrantzitsua eta gozagarria da Nafarroako Lizarra ondoko eskualdeko euskaltzaleentzako.
Nafarroako biztanle gehienak (% 63) "euskara sustatzearen aldekoak edo oso aldekoak" dira, eta %17 baino ez daude aurka, Xabier Erizek eta Carlos Vilchesek Eusko Ikaskuntzaren eta Nafarroako Gobernuko Memoria eta Bizikidetzako, Kanpo Ekintzako eta Euskarako... [+]
Prentsaurrekoan, maiatzaren 17an ospatuko duten Erriberako Euskararen Egunaren inguruko argibideak eman dituzte. Ume, gazte zein helduentzat zuzendua izango da. Ekimena, Erriberan egiten diren ekimenetan indarrak biltzeko eta euskararen normalizazioaren alde saretzeko... [+]
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
Ez dira gutxi azken boladan euskara bere onenean ez dagoela eta bere transmisioa bermatuta ez dagoela ohartarazten ari diren ahotsak. Bestetik, inork ez du ukatzen hezkuntzak ezinbesteko betebeharra duenik euskara eta euskal kulturaren biziraupenerako. Erronka estrategikoa... [+]
Iruñeko haur eskoletako zuzendariek, EH Bildu, Geroa Bai, Zurekin Nafarroa eta PSNren arteko akordioa kritikatu dute. “Murgiltze ereduaren alde egin dugu beti, baina inoiz ez da gure iritzia kontutan hartzen” salatu du Euskalerria Irratian, Garikoitz Torregrosa... [+]
Euskarazko eskaintza handitzeko akordioa erdietsi dute EH Bilduk, PSNk, Geroa Baik eta Zurekin Nafarroak