Lau burlatarrek presoen aldeko brindisagatik Madrilen deklaratu behar dutela salatu dute
Abenduaren 17an deklaratu beharko dute Madrilen Burlatako alkate Txema Noval (Cambiemos Burlada) eta hiru herritarrek ustez “terrorismoa goratzeagatik”. Nahiz eta, aurkako akusazioa zein den ez jakin, ez baitiete arrazoi zehatzik eman, uste dute abuztuaren 14ean, herriko jaien lehen egunean, presoen alde egindako brindisagatik dela.
Herriko elkarteekin batera egindako agerraldian Itxaso Torregrosak, inputatuetako batek, adierazi du “onartezina” dela akusatuen aulkian eseri behar izatea herritarrek urte luzez antolatu duten ekintza batengatik. Azpimarratu du udala kriminalizatzea “eskandalua” dela, ez duelako ekitaldia antolatzen edo finantzatzen. Gogoratu du berdinagatik deklaratzera deitzen dituzten bosgarren urtea dela, eta aurten espero dutela epaiketa heldu aurretik kasua artxibatzea.
Torregrosak salatu du akusazioa “gehiegikeria” dela, eta adierazi nahi dute “elkartasuna ez dela delitua”. Herritar askok defendatzen dituztela presoen eskubideak Burlatan, eta urtero hartzen dutela parte brindisean gaineratu du.
Burlatakoarekin batera, irailetik hona beste lau udal deitu dituzte deklaratzera Espainiako Auzitegi Nazionalera antzeko akusazioengatik: Tafalla, Irunberri, Goizueta eta Bakaiku.
Heldu den martxoaren 26an, Gorka Roca Torre epaituko dute Baionako auzitegian Unescoren izenean burutu bi ekintzetan esku hartu izanagatik. Seinaletika euskarriak ezabatzea, margotzea, kentzea... Euskal Konfederazioak bere jardueran lehenesten dituen ekintza motak ez badira ere,... [+]
Espainiako Auzitegi Gorenak bat egin du Tsunami Demokratikoa mugimendua ikertzen ari den Manuel García Castejón Auzitegi Nazionaleko epailearekin: ondo ikusten du Carles Puigdemont eta beste hamaika lagun ikertzea eta haien aurkako auzi penala irekitzea. Hemen... [+]
HerriBiltzako militantea den Gorka Torre konbokatu du martxoaren 26an Baionako auzitegiak UNESCOren izenean egindako margoketengatik.
Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]