‘Larrun ez hunki’ kolektiboa osatu dute, Larrun 2020 proiektuak kezka eragin ostean
Larrunen egin gogo duten proiektuaren inguruko kezkak plazaratzen eta erabakiak hartzen hasiak dira Saran. Uztailaren 18an eta 25ean bilkurak egin dituzte eta ‘Larrun ez hunki’ kolektiboa osatu dute.
Bilkura horietan Larrungo egitasmoaren inguruko hainbat kezka azaldu dira. Bertzeak bertze ingurumenari buruz, kaskoan egin beharreko antolaketak hala nola zaldaina, lo egiteko bagoiak, xirrixta... lepoan eginen diren aparkalekuak eta desbideratzea... eta obrak egiteko erabiliko lirateken baliabideak, pixta…; bi trein gehiagorekin frekantazio handitzea ekarriko luke, jadanik gainezka den lepo eta mendian. Zer turismo mota nahi dugun galdatua izan da, kalitaezkoa ala masiboa… Baimenak emateko prozedura, PLU aldaketa, lur jabeak nor diren eta hainbat galdera argitzeko gelditu dira…
Herritarrei, hautetsiei eta proiektuaz hunkituei, ez zaie nihungo berririk eman, konzertazio eza argia izan da, berri gutti eta dena errana ez denaren irudipena. Biltzar publiko baten beharra aipatu da. Diru gehiago egiteko proiektu bat dela ikusten dute. Segurtasuna eta motrizitate urriko jendeen aitzakia aurrera emaiten dutela gauza ageria gelditu da.
‘Larrun ez hunki’ kolektiboa
Hartu diren erabakien artean, momentuz mugimendu bat abiatu dute kolektibo gisa, administratiboki izena eman gabe. Batzuk elkarte bat sortzearen beharra aipatu dute sekula auzitara joan behar balitz, baina CADE eta holako egiturek eskumen hori badute. Ondoko bilkuretan elkartea sortzea erabakitzen ahalko da. Kolektiboaren izena ‘Larrun ez hunki’ hautatu dute eta proiektuaz hunkituak diren lau herrieri eta 64 departamendua eta EPSA-ri bilkura publiko bat antolatzea galdatuko diete. Bertze herrietako taldeekin koordinatzeko asmoa ere azaldu dute.
36 milioi euro Larrun mendiko eremu turistikoa berritzeko
Larrun 2020 proiektuaren berri eman zuten ekain hasieran Akitaniako departamenduko eta lurraldeko aktoreek. Larrun mendiko gune turistikoa parte handiz berritu eta arramoldatzeko lanak zer izanen diren aurkeztu zuten. 36 milioi euroko aurrekontua beharko dute beraz, baina, aurkezpenean onartu zutenez, ez dituzte oraindik finantzaketa guziak atxeman. Obrak urritik martxora eramanen lirateke heldu diren urteetan, sasoin turistikoa ez trabatzeko. Proiektuak Europatik diruztatzeak espero ditu, baita partaide guziengandik laguntza ere. Egitasmoaren handitasuna kontuan hartuz, Azkaingo Ideki elkarteak jakinarazi du erne egonen dela eta ez duela zernahi gauza egiten utziko. Beran ere bilkura egin dute afera aztertzeko.
Artikulu hau Erran-ek argitaratu du eta CC-by-sa lizentziari esker ekarri dugu ARGIAra.
Elkarretaratzea eta asanblada antolatu dituzte azken berriak zeintzuk diren jakinarazteko. Horrez gain, irailaren 9an Baionako auzitegi aitzinean mobilizatuko dira, Marieneko lurraren defentsan aritutako hiru ekintzaile auzipetuko dituztelako.
Baionako ospitalean unitate berritzaile bat ideki da: kardio-ginekologia unitatea, menopausian diren emazteei zuzendua. Gai hau, askotan tabu edo bazterrean utzia, osasun arazoak eragin ditzake bizitzako etapa horretan.
Abuztuan chikungunya infekzio kasu bat atzeman dute Hendaian. Bero boladek, tenperaturaren igoerak eta eremu tropikaletara egindako bidaiek areagotu dituzte kasuak.
Herriko Etxeak elikadura burujabetzaren aldeko urrats handia egingo du 380 metro koadroko azpiegitura berriarekin. Sukaldeak haur eta adinekoentzako janari osasungarria eskainiko du, tokiko produktuekin eta tokiko laborantza indartuko du.
Ibilaldiaren helburuak dira, alde batetik, Euskal Herrian kausa palestinarra babesteko sarea ikusaraztea eta aktibatzea, eta, bestetik, sionismoarekin kolaboratzen duten enpresa eta erakundeak salatzea, hala nola CAF, Teva, Carrefour, Zara eta Bardeako tiro poligonoa. Euskal... [+]
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Nunquam polluta dio Baionako lemak, erran nahi baitu "sekulan zikindu gabea" edo "sekulan hartu gabea", eta erreferentzia egiten die inbasio saiakera historikoei, espainiarrengandiko, frantsesengandiko eta ingelesengandiko saiakerak ez omen baitziren... [+]
Bikote batek duela kasik hiru urte zabaldu zuen denda Hendaia erdigunean, Errepublika plazan, proiektu independente bat abiatzearen ilusio handiz.
Lapurdiko eskola batetik saiatu dira datorren ikasturterako Ganbara Hostel Bilbaon aterpea lotzen, baina Behatokian salatu dutenez, idatzizko komunikazioan euskaraz aritzeagatik zera esan diete azkenean: “Espainolez mintzatzen ez ginenez, ez gintuztela beren hotelean... [+]
Laborantza herrikoia eta jasangarria bultzatzen duen azokak 20. urteurrena beteko du. Azaroaren 7tik 9ra antolatu duten erakusketa eta merkatuan parte hartzera dei egin du.
GALek Baionako Monbar hotelean egindako atentatuaren urteurrenaren datatik gertu antolatu dute ekimena dozenaka herritarrek. Helburua "egia aldarrikatu, memoria landu eta GALen gerra zikinaren biktimak aitortzea" da, eta irailerako egitaraua aurkeztu dute.