Langile bat hil da Erandioko Cables y Alambres enpresan

  • Behargin bat hil da asteazken goizean Altzagako Cables y Alambres Especiales SA enpresan, martitzenean izandako lan-istripu baten ondorioz.

Hiruka .eus
2017ko irailaren 20a

Ezbeharra martitzenean jazo zen, 20:00ak aldera: alanbrea txirrikatan biltzeko makina batek harrapatu zuen 36 urteko langile leioaztarra, eta zenbait zauri eragin zion buruan, LAB sindikatuaren iturriek albiste-agentziei adierazi dietenez. Behargina oso larri eroan zuten Gurutzetako ospitalera, Segurtasun Sailak zabaldu duenez. Bertan hil da.

ELA, CCOO, LAB, UGT eta ESK sindikatuek salatu dute gertatutakoa eta euren elkartasuna adierazi diete biktimaren senide, lagun eta lankideei. Goizean aurreikusita zuten 12:00etan enpresako langileen asanblada egitea, baina ordu horretan Langileen Batzordea bilduta zegoen Osalan laneko segurtasun eta osasunerako euskal erakundearen ordezkariakaz, enpresako zuzendaritzagaz batzartu ostean. 13:30erako atzeratu dute asanblada.CCOOk zabaldu duenez, ostegunean elkarretaratzea izango da Altzagako metro-geltokiaren aurreko zabalgunean, goizeko 11:30ean. Sortuk ere mobilizazioak iragarri ditu.

ELA sindikatuak nabarmendu du 46 direla daborduko "Euskal Herrian lanean bizitza galdu duten pertsonak". ELAk "prekarietate-egoerari" eta "lan-erritmo jasanezin, jardunaldi amaigabe, eta sektoreko hitzarmen nahiz prebentzio-arautegiaren betegabetzeari" leporatu dio. Eusko Jaurlaritzari prebentzio-legedia betetzen dela bermatzeko kontrolak eta jarraipen-neurriak eskatu dizkio sindikatu abertzaleak.

LABek Vicinay taldeari egotzi dio heriotzaren erantzukizuna. Sindikatuak gogorarazi duenez, taldeak 2015eko maiatzean erosi zuen Cables y Alambres enpresa, "inoiz iritsi ez diren inbertsio batzuk aginduz". Hala, "hamarkadetan luzatu den inbertsio falta horrek asko kaltetu ditu makina eta instalazioak eta ondorioz, bizitza arriskuan jarriz joan behar izan dute lanera langileek egunero eta lan-istripuak konstante bat izan dira azken urteotan zehar". Akordura ekarri dutenez, hainbatetan salatu dituzte lan-baldintza horiek, baina enpresaren erantzuna izan da "langileen ordezkariak presionatzea eta istripuak ekiditeko prebentzio neurririk ez hartzea", salatu dutenez.

UGTk, bere aldetik, administrazioei eskatu die "ikerketa sakona" egitea, "enpresak izan lezakeen ardura argitzeko". Sindikatuak langileen kopurua murriztu eta lan-karga handitzeari leporatu dio istripua. Osalanek azaldu du bere teknikariek ezbeharraren "lehenengo ikuskapen bat" egin dutela. Modu berean, ziurtatu dute "gertaerak argitzeko beharrean segituko" dutela.

Albiste hau Hirukak argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Lan istripuak  |  ELA  |  LAB  |  Erandio  |  Leioa

Lan istripuak kanaletik interesatuko zaizu...
2018-07-10 | Hiruka .eus
Lankide baten heriotza salatuko dute EHUn

LAB, Steilas, CCOO, UGT eta ELA sindikatuek ordu beteko lanuztea deitu dute asteartean 12:00etatik 13:00etara. Horrez gainera, kontzentrazioa egingo dute, 12:15etik 12:45era, Leioako campuseko Mikel Laboa plazan.


2018-06-14 | ARGIA
Langile bat hil da Bilboko portuan, kamioi batek zapalduta

Asteartean gertatu da ezbeharra, Bilboko portuko Punta Luceroko harrobiko egonkortze obretan.


2018-03-22 | Ahotsa.info
Azken bi lan heriotzak salatu dituzte auto karabana baten bidez

ELA, LAB, CGT, Steilas, ESK, Hiru eta EHNE sindikatuek autoen bi karabana burutu dituzte gaur, azken bi lan istripu hilgarriak salatzeko. Autoen karabanak Lakuntzatik eta Untzuetik abiatu dira (istripu hauek geratu diren lekuak, hain justu) gaur goizez, eta aldi berean bukatu egin dira Nafarroako Gobernuaren Lan Sailaren aurrean, Iruñean. Bertan elkarretaratu dira dozenaka langile.


Garraiolari bat hil da Elorrion, GPSari jarraiki bidean trabatuta geratu ostean

Kamioilari bat Elorrioko Arauneta auzoan trabatuta geratu zen igandean, eta astelehenean hilik agertu da, dirudienez, bihotzekoak jota. Kamioilariak ibilgailuko kabinan pasatu du gaua, eta ondoezik sentitu da kamioia bidetik ateratzen saiatu den bitartean, Polizia Munizipalak eta Ertzaintzak lagunduta.


2018-02-21 | Anboto
47 urteko langile batek besoa galdu du Abadi˝oko fundizio batean izandako istripuan

Asteartean, 02:30 inguruan gertatu da istripua. Mantenimendu lanetan zebilela, 47 urteko barakaldoztar batek lan istripua izan du eta besoa galdu du Abadiñoko Garbi Fundizioan. Galdakaoko ospitalera eraman dute.


Lau langile hil dira egun bakarrean, eta ez da eguraldia izan

Galdakaon autobus batek eta kamioi batek elkar jo ostean bi gidariak hil ziren ostegun goizaldean. Loiun, berriz, bi langile hilda aurkitu zituzten furgoneta batean, antza berogailuak isuritako gasek intoxikatuta. Egun bakarrean lau langile hil dira Euskal Herrian eta urtea hasi zenetik zortzi, alarma guztiak pizteko moduko tasa da.


2018-01-17 | ARGIA
Azpikontratatutako langile bat hil da Santurtziko portuan

Azpikontratatuta lanean ari zen pertsona bat hil da Santurtziko portuan asteazken goizean, erabiltzen ari zen orga jasotzailearekin itsasora erori ondoren.


2017-10-02 | Xalba Ramirez
Basaurin hildako langilearengatik protestak deitu dituzte

Ostiralean Basaurin hildako beharginaren lan-baldintza kaxkarrak salatu dituzte sindikatuek eta mobilizazioa deitu dute astelehenerako.


2017-08-23 | Xalba Ramirez
41 langile hil dira aurten Euskal Herrian

Astelehenean Karrantzan kamioilari batek bizia galdu zuen lanean ari zela. Azken istripu honekin 41 dira Euskal Herrian 2017an lan istripuan hildako beharginak.


Azkenak
EGILEA
Eguneraketa berriak daude